Math 12:34 - JAM DE NHIALIC 2011

³⁴ Wek mïth ke karɛc, duɛ̈ɛ̈rkï kapiɛth aa lueel adï, ku yak kɔc rac piɔ̈ɔ̈th? Kë ye piɔ̈u thiɔ̈ɔ̈ŋ nɔm yen aye thok lueel.

Math 12:34 Iomraidhean Croise

Diɛt 53:1

Aye dhän lueel në kepiɔ̈ɔ̈th an, “Acïn Nhialic.” Acïk riääk, ku acïk karɛc looi, acïn raan töŋ nu raan ë yic looi.

Diɛt 64:3

Acïk keliëp theer cït abätɛ̈ɛ̈u, ku wëlken acïtkï wiɛth ke dhɛ̈ŋ.

Diɛt 64:5

Ayek röt coc në kïït de kërac, ayek jam në baŋ bïï kek wïn ë dɛ̈p thiaan piny, ayek lueel an, “Cïn raan bï keek tïŋ.”

Kɛ̈ŋ 16:23

Raan pel nɔm ee jam ë kë ŋic, ku kë lueel yen ee kɔc puk piɔ̈ɔ̈th.

Kɛ̈ŋ 4:23

Kiɛmë yïnɔm piny në kueer yïn tɛk thïn, pïïrdu abï täŋdu ye kiɛm piny.

Yith 32:6

Raan piɔlpiɔ̈u aye guɔ ŋic në jamdɛn ë pialëpiɔ̈u ku täŋ rɛɛc kɔɔr bïï looi. Kë ye looi ku kë lueel ayek awäc tëde Bɛ̈nydït, ku acïï raan nɛ̈k cɔk duëër kɔn gäm këciɛm ku cïï raan nɛ̈k rou tɔ dëk.

Yith 59:14

Luɔi de yic acï cuat wei, ku yic acï tɔ mec ke kɔc. Yith ayek kɔm në pëër dïït de wut yic, ku ja piathëpiɔ̈u ciën të be yök ëtɛ̈ɛ̈n.

Yith 59:4

Wek ee lɔ në löŋ nɔm, ku acïn yic kääc në biäkdun. Wek ee rɔt kan në jam de lueth bä wek göönydun tiaam. Wek ee kïïtduön guiir bä wek kɔc kɔ̈k yiëk buɔ̈t.

Yith 9:17

Në biäk de ee kënë Bɛ̈nydït acïï wɛ̈ɛ̈t dhuökken bï tɔ poth, ku acïn kokdepiɔ̈u bïï nyuöth mïthkɛn abɛɛr ku diëër abɛɛr, në biäk cïï kɔc kedhie Nhialic kuc ku yek karɛc looi, raan ëbɛ̈n ee jamde pialëpiɔ̈u bɛ̈ɛ̈i bei në yethok. Cakaa yen ë tɔ̈u aya, agönh de Bɛ̈nydït abï ŋoot ke cïï thök, ku ciinde abï ŋoot ke nu biic ke kɔɔr bï këtuc looi.

Math 12:35

Raan piɛth piɔ̈u ee kapiɛth bɛ̈ɛ̈i bei në kakɛn piɛth nu ë yepiɔ̈u, ku bïï raan rac piɔ̈u karɛc bei në kakɛn rac nu ë yepiɔ̈u.”

Math 15:18

Ku ka bɔ̈ bei ë raan thok ayek bɛ̈n bei ë raan piɔ̈u, ku keek aye raan tɔ rac.

Math 23:33

Wek karɛc, wek mïth ke deŋakook! Bäk poth wäkdï ë löŋduön cï guiir, ke we cïï bïï tääu ë giɛna yic?

Math 3:7

Na wën, acï kɔc juëc tïŋ, kɔc ke Parithai kekë Thadokai, ke ke bɔ̈ bïï ke bɛ̈n baptith në yen, ke ke jɔ yɔ̈ɔ̈k an, “Wek mïth ke karɛc, eeŋa ë yöök week an, bäk kat e agönh bï bɛ̈n?

Luk 3:7

Na wën, aacï kuut dïït ë kɔc bɛ̈n, bï ke bɛ̈n baptith në yen, ke jɔ keek yɔ̈ɔ̈k an, “Wek mïth ke karɛc! Eeŋa ë yöök week an, bäk kat agönh bï bɛ̈n?

Luk 6:45

Raan piɛth ee këpiɛth bɛ̈ɛ̈i bei në piath ë yenpiɔ̈u, ku raan rac ee kërac bɛ̈ɛ̈i bei në kërɛɛc nu ë yenpiɔ̈u: thok ee jam në kë cï piɔ̈u thiɔ̈ɔ̈ŋ nɔm.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Epethiei 4:29

Ë cïn jam nhiɛɛny ee bɛ̈n bei ë wethook, ë ye jam piɛth etök, jam duëër kɔc kueet ë kë dak keek, ke kɔc piŋ en ke ke bï dhuëëŋdepiɔ̈u yök.

Epethiei 5:4

Ayï jam ë rɔ̈ɔ̈th, ayï jam ɣɔ̈ric, ayï alɛɛŋ rac, acïkï piɛth kedhie: aŋuɛ̈ɛ̈në lɛc de Nhialic.

Jakop 3:2

Wok ee cool ë wäc käŋ wodhie. Na de raan cïï käŋ ee wööc ë jam, ke yen aye raan cï dikëdik, ka duëër yeguöp muk apiɛth ëbɛ̈n.

1 Jɔn 3:10

Kën ee mïth ke Nhialic lɔ dhek kï, ku lɔ mïth ke jɔŋdït rac dhek: raan cïï këde piathëpiɔ̈u ee looi, ka cie këde Nhialic, ayï raan cïï mɛnhkënë ee nhiaar.

1 Tham 24:13

Cït man cï kääŋ ɣɔn thɛɛr ye lueel an, ‘Kɔc rac piɔ̈ɔ̈th, ee kek ee karɛc looi.’ Ka yɛn cïï yaciin bï tääu në yïguöp.