Math 11:5 - JAM DE NHIALIC 2011

⁵ Cöör ayïnkï, ku ŋöl aciɛthkï apiɛth, kɔc de gup wɛth acïk gup waar, mïŋ apïŋkï, kɔc cï thou acï ke jat nhial ka cïk pïïr, ku kɔc kuanynyïïn aye ke guiëër wëlpiɛth.

Math 11:5 Iomraidhean Croise

2 Mel 5:14

Go Naaman lɔ ku jool rɔt ë Jordanic raandhorou, cït luɛl cï raan de Nhialic ye lueel, ago guöp ja waar taitai. Acï guöp bɛ̈n riɛl ku lɛ̈k cï guöp ë meth.

2 Mel 5:7

Na wën, aacï melik de Yithriɛl awerek kueenic, ke ret lupɔɔke yiic ku lueel, an, “Kënë ë tɛk ë melik de Thiriya adï? Ye tak an ya Nhialic, Raan de riɛl de pïïr ku thuɔɔu? Atiëc ëgɔk nɔn kɔɔr en bïï tɔŋ looi kekë yɛn!”

Diɛt 146:8

ku tɔ kɔc cï cɔɔr daai. Bɛ̈nydït ee kɔc cï löny jat nhial, ku anhiaar kɔckɛn piɛthpiɔ̈ɔ̈th.

Diɛt 22:26

Kɔc kuanynyïïn abïk cam abïk kuɛth, ku kɔc ee Bɛ̈nydït ŋɔ̈ɔ̈th abïk Bɛ̈nydït leec. Piɔ̈ndu abï tɔ̈u aɣet athɛɛr.

Bɛ̈n 4:11

Go Bɛ̈nydït lɛ̈k en an, “Eeŋa ë lui raan thok? Ku eeŋa ee ye tɔ thiek yïth ku tɔ miŋ? Eeŋa ee ye tɔ daai, ku nɔn tɔ yen cɔɔr? Cie Yɛn, Yɛn Bɛ̈nydït?

Yith 29:18

Të le ëköölë bɛ̈n, miŋ abï awerek piŋ ke kuen ë röl dït, ku cɔɔr ë rɛ̈ɛ̈r ë cuɔlic abï yenyin liep ku dɛɛi.

Yith 29:19

Kɔc kuanynyïïn ku kɔc ee röt kuɔɔr piny abïk miɛtëpiɔ̈u bɛ yök tëde Bɛ̈nydït, Nhialic Ɣeric de Yithriɛl.

Yith 43:8

Aye Bɛ̈nydït lueel an, “Cöölë kɔckï në luk nɔm. Adekï nyïïn ku acïk cɔɔr, adekï yïth, ku acïk miŋ!

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Dhek 11:7

Ku kɔc ë ɣɔc thök, mɛ̈tkï në kɔc ë ɣɛɛc keek acïk yɛn riöp tiët, ka yɛn cï ya tïn ë thök wään bïï tɛm röt. Ka yɛn ë thieec nööm kaarou, thieny tök acä cäk an, “Kokdepiɔ̈u. Ku cäk däŋë an, “Mät. Ka yɛn aa tit luny de thök.

Math 10:8

Takï kɔc tök dem, takï kɔc cïï wɛth dɔm takï ke waar gup, kɔc cï thou takï ke jɔt röt abïk pïïr, ciëëckï jɔɔk rac bei ë kɔc gup, we cï miɔɔc ë dhuëëŋ, yak miööc ë dhuëëŋ aya.

Math 11:4

Go Yecu bɛ̈ɛ̈r, yöök keek an, “Lak lɛ̈kkï Jɔn ka piɛŋkï ku ka tiëŋkï:

Math 12:13

Na wën, ke yöök raan an, “Riɛnyë yïcin tueŋ.” Go riɛny tueŋ, ago bɛ piath acït ciindɛn däŋ.

Math 21:14

Go cöör ayï ŋöl bɛ̈n të nu yen Luaŋdït, ago ke tɔ dem.

Math 5:3

“Thieithieei ë kɔc kuanynyïïn në wëiken, ciɛɛŋ de paannhial ee këden.

Math 9:30

Go ke liep nyïïn. Na wën, ke ke lom Yecu thook arëët an, “Duökï lëk raan däŋ mäthdhiëën.”

Mak 7:37

Acïk gäi ë gäi cïï themë thok, ku luelkï an, “Acï këriëëc tiiŋic ëbɛ̈n, acakaa mïŋ aye ke tɔ piŋ, ku tɔ kɔc cïn thook jam!”

Mak 9:25

Na wën, aacï Yecu kut ë kɔc tïŋ nɔn bï kek ë ke riŋ ëtök, ke jäny jɔŋ rac yöök an, “Yïn jɔŋ miŋ cïn thok, yïn yɔ̈ɔ̈k an, Bä bei, ku du be lɔ ë yeguöp!”

Luk 4:18

“Wëidït ke Bɛ̈nydït acïk nyuc ë yaguöp, En aa tɔc en a guöp, bä kɔc kuanynyïïn aa guiëër wëlpiɛth. Acï a tooc bä kɔc cï piɔ̈ɔ̈th jiɛth bɛ̈n duut piɔ̈ɔ̈th, Ku bä kɔc cï mac bɛ̈n guiëër luny bï ke lony, Ku guiëër cöör yïn bï kek bɛ yïn,

Jɔn 10:25

Go Yecu pɔ̈k nɔm keek an, “Acä lɛ̈k week, ku cäkï gam: ka ya looi në rin ke Wäär, kek aye cäätɔdï.

Jɔn 10:38

Ku të luɔɔi ɛn en, ciɛk an, rɛɛckï ya gam, ke we gam luɔi, ke bäk ŋic, ku gamkï, nɔn nu Wäär ë yayic, ku nuö ë yeyic.”

Jɔn 2:23

Ɣɔn nu yen ë Jeruthalem ë akööl ke Winythok, go kɔc juëc rinke gam, të cï kek göök tïŋ göök wën cï looi.

Jɔn 3:2

Ë bɛ̈n tëde Yecu wakɔ̈u, bï ku lueel an, “Rabi, yïn ŋicku nɔn ee yïn raan ee wëët raan ë bɔ̈ tëde Nhialic: acïn raan duëër göök loiyë looi, të cïï Nhialic cath ke yen.”

Jɔn 5:36

Ku yɛn cath wo cäätɔ wär Jɔn: luɔi cï Wääda yiɛ̈n ɛn, bä ke bɛ̈n thöl, luɔi luɔɔiyë, kek aye cäätɔɔkï, lueel en, an, ee yen Wääda yen ë toc ɛn.

Jɔn 9:7

ku yöök an, “Lɔ, waakë ë awuöl e Thilowamic (yen aye “Tuc” në thoŋda).” Go lɔ, ku wɛɛk, ku le bɛ̈n ke daai.

Luɔi 2:22

“Wek röör ke Yithriɛl, piɛŋkï wëlkë: Yecu de Nadhareth, raan cï nyuöth week nɔn ë bïï yen tëde Nhialic në luɔi dït ku kake gäi ku göök cï Nhialic ke looi në yen ë weyiic, acït man ŋiɛc wek en ayadäŋ,

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?