Math 11:28 - JAM DE NHIALIC 2011

²⁸ Bäkï të nuö yɛn, wek kɔc nɛ̈k luɔi ril wedhie, ayï kɔc cï duɔɔny ë kathiek ɣɛ̈ɛ̈ckï, ke we bä gäm lɔ̈ŋ bä wek lɔ̈ŋ.

Math 11:28 Iomraidhean Croise

Jop 14:1

Mɛnh ë raan acïn riɛl, aa dhiëëth ë tik tei, nïnke alikï ku athiëŋkï në nuan.

Jop 5:7

raan yen ee rɔt yiɛ̈n nuan yetök, cït man ye mac teny ke lɔ nhial.

Diɛt 116:7

Yɛn bï yapiɔ̈u päl piny ë määth, në biäk piɛth ë Bɛ̈nydït kekë yɛn.

Diɛt 32:4

Aköl ku wakɔ̈u, yïn ee ya luöi këtuc Bɛ̈nydït, riɛldï ë thök ëbɛ̈n cït man ye aköl amäi kɔc nɔ̈k.

Diɛt 38:4

Awɛ̈ɛ̈ckï acïk ɛn doony, ka yɛn ë ciët kë ɣɛ̈ɛ̈c kathiek.

Diɛt 94:13

Aye ke gäm lɔ̈ŋ në akööl ke nuan agut të bïï pul wec deepë kɔc rac.

Wɛ̈ɛ̈t 1:14

Yɛn cï luɔɔi ee looi ë piny nɔm ëbɛ̈n tïŋ, keek kedhie ayek ɣɔ̈ric, cït cum de yom cök.

Wɛ̈ɛ̈t 1:8

Käŋ kedhie ayek kɔc tɔ bäp, acïï raan ke duëër lëu në luɛɛl. Nyin acie kuɛth ë daai, ayï yïth acie thiäŋ në pïŋ.

Wɛ̈ɛ̈t 4:8

Ade raan rɛ̈ɛ̈r yetök, acïn nɔm meth, ku acïn nɔm mänhë, ku ee tɔ̈u aköölnyïïn, ke cïï piɔ̈u kueth në kajuëc tɔ̈u në yen, eeŋa jɔ luööi aläldïïtë aya ke cïï rɔt tɔ lɔ̈ŋ? Kënë ee ɣɔ̈ric ayadäŋ, ku ee pïïr de yic nuɛɛn.

Yith 1:4

Amawoou në week, jur ee karɛc looi, kɔc ɣɛ̈ɛ̈c awɛ̈ɛ̈c thiek! Mïth ke kɔc ee karɛc looi! Wek cï Bɛ̈nydït rɛɛc, Nhialic Ɣeric de Yithriɛl ku wɛ̈lkï wekɔ̈ɔ̈th En.

Yith 11:10

Ade kööl bɔ̈, kööl bïï ë melik däŋ bɛ dɔm në mei de Jethe ke yen ee kïn bï juöör aa nyuööth. Abïk kenïïm mat pänydɛn dït ë bääny ku gëmkï riëëu.

Yith 28:12

Ë we gäm lɔ̈ŋ wedhie ku duöt ë piɔ̈u, ku wek cïï jaai bäk këde piŋ.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Jeremia 31:25

Yɛn bï kɔc cï bäp bɛ tɔ ril, ku yɛn bï raan ëbɛ̈n raan cï cɔk tɔ kɔ̈c tɔ kueth ë kuïn.

Jeremia 35:16

Mïth ke wɛ̈ɛ̈t ke Jonadap acïk lööŋ cïï kuarken gäm keek riëëu, ku wek ee kɔckë wek kën Ya riëëu.

Jeremia 6:16

Go Nhialic lɛ̈k kɔcke an, “Kääckï në apɔ̈k kuɛɛr ku daaikï. Yak kuɛɛr thɛɛr luɔp ku të nu kueer piɛth. Cathkï thïn, ku wek bï rëër në mät.” Ku ayek lueel an, “Ei, acuku bï looi!”

Math 11:29

Damkï luɔidï, ku yak röt piɔ̈ɔ̈c ë yɛn, yɛn ŋic rëër ëmääth, ku yɛn ee rɔt tɔ koor, ke we bï lɔ̈ŋ yök ë wepiɔ̈ɔ̈th.

Math 23:4

Ayek kathiek duut, kathiek bï kɔc doony, ku tɛ̈ɛ̈ukï keek ë kɔc këët, ku keek gup ayek ke rɛɛc jak ë kecin, acakaa ciin töŋ thiinë.

Jɔn 6:37

Kɔc kedhie kɔc cï Wäär gäm ɛn, abïk bɛ̈n tëde yɛn, ku raan bɔ̈ tëde yɛn acä bï cieec anandï.

Jɔn 7:37

Na wën, ëkööl thöökë dhuëëŋ, yen aye kööl dït, ke Yecu kääc ku cööt an, “Të de yen raan cï yal, në bɔ̈ tëde yɛn, bï bɛ̈n dek.

Luɔi 15:10

Na ënɔɔnë, eeŋö thɛ̈mkï Nhialic, bäk këthiek tääu ë kɔcpiööcë yiëth, këthiek cï wärkuɔ dhal ë jöt ayï wook?

Luɔi 20:35

We cä nyuöth këriëëc ëbɛ̈n, luɔi bä wek aa luui aya, aguɔkï kɔc kuanynyïïn dhil aa muk, ku yak wenïïm tak në wël ke Bɛ̈nydït Yecu, wään lueel en en an, ‘Raan yïn raan däŋ käŋ, yen aye thieei awär raan ë yïnë käŋ.”’

Galatai 5:1

Cäth bï wok aa cath ë nɔm lääu, en aa lony Kërtho wook! Yen kääc wek thïn aril, ku duökï weyiëth be tɔ rek, abäk aa lïïm.

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

Ɣeberuu 4:1

Ye ka, cït man ŋoot ë Nhialic ke cöl wook lɔ̈ŋ aɣet cï ënɔɔnë, jɔku röt tiit ke bï ciën kɔc bï döŋ ke ke cïï lɔ në ee lɔ̈ŋë yic.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.