Math 10:27 - JAM DE NHIALIC 2011

²⁷ Kë ye lɛ̈k week tëcol, yak lueel, tëɣer, ku kë yak piŋ ë yïcic, yak guiir ë ɣööt nïïm.

Math 10:27 Iomraidhean Croise

Yith 22:1

Kënë ee jam në biäk de Nyuuth de Wak. Eeŋö loi rɔt? Eeŋö tɔ kɔc ke pänydït loi dhuëëŋ ëbɛ̈n në ɣööt nïïm nhial?

Math 24:17

Ku raan nu ë ɣöt nɔm nhial ë cïï bɔ̈ piny bï käŋ bɛ̈n bɛ̈ɛ̈i bei ɣönde.

Luk 12:3

Yen ka, këriëëc cäk lueel tëcol ëbɛ̈n abï ke piŋ tëɣer, ku kë cäk tuöm ë raan yïc ë ɣööt yiic thïn abï guiir ë röl dït ë ɣööt nïïm.

Luk 8:10

Go lueel an, “Acï gäm week ke we bï jam cï thiaan ŋic, jam de ciɛɛŋ de Nhialic: kɔc kɔ̈k aye ke wɛ̈ɛ̈t ë kɛ̈ŋ, luɔi bï kek aa daai, ku cïkï ë daai apiɛth, ku luɔi bï kek aa piŋ, ku cïkï käŋ ë yök yiic.

Jɔn 16:1

“Kakë acä ke lɛ̈k week, ke we cïï röt bï dak ciëën.

Jɔn 16:13

Ku të cï Raanë bɛ̈n, yen aye Wëi yic, yen abï we wat të nu yic ëbɛ̈n: ku acïï bï jam në këde yenhde, na de kë ye piŋ, yen abï aa lueel: ku abï we nyuöth käŋ, ka bï tïc wadäŋ.

Jɔn 16:25

Kakë acä ke lɛ̈k week ë kɛ̈ŋ yiic: ku kööl abɔ̈, kööl cän bï bɛ jam wokë week ë kɛ̈ŋ, we bä guiëër ka ke Wäär ë gɔk.

Jɔn 16:29

Ago kɔckɛn ë piööcë lueel an, “Andï, yïn luel jam agɔk ënɔɔnë, acie kääŋ yen luel.

Luɔi 17:17

Go lɔ luaŋ ee Judai lɔ̈ŋ thïn, le wël guiir kekë Judai, ku kɔc kɔ̈k riëëu Nhialic, ku ye lɔ ë thuukic ë aköölnyïïn kedhie le wël guiir kekë kɔc cï yök ëtɛ̈ɛ̈n.

Luɔi 5:20

“Lakï, kääckï nhial ë Luaŋdïtic, ku guiëërkï kɔc në wël ke pïïrë kedhie.”

Luɔi 5:28

an, “Kënku week yɔ̈ɔ̈k arëët an, Duökï kɔc ee bɛ wɛ̈ɛ̈t ee rinkë? Ku tiëŋkï, we cï Jeruthalem thiɔ̈ɔ̈ŋ në wëëtdun, ku we de piɔ̈ɔ̈th luɔi bä wek riɛm ë raanë dɛɛr ë woyiëth!”

2 Kor 3:12

Yen ka, nɔn ciɛth wok ë aŋäth yïnya, wok ee jam ke wo ril nyïïn aläl.