Math 10:21 - JAM DE NHIALIC 2011

²¹ Raan abï mänhë aa yiɛ̈n kɔc lek nɔ̈k abï thou, ku wun meth abï mɛnhde yiɛ̈n kɔc lek nɔ̈k abï thou, ku mïth abïk ater cak në wärken nïïm ayï märken nïïm, agokï ke tɔ näk.

Math 10:21 Iomraidhean Croise

2 Tham 16:11

Ago Debid lɛ̈k Abicai kekë bänyke kedhie an, “Mɛnhdï akɔɔr bïï yɛn nɔ̈k! Ku eeŋö ee week tɔ gäi ë kë looi raan wun ë Benjamin? Acï Bɛ̈nydït lɛ̈k en bï a lam! Pälkï, ë lam ɛn ëtɛ̈ɛ̈n.

Jop 19:19

Määthkiën thiääk thook në yɛn kedhie acïk a maan guöp, ayï kɔckiën nhiaar acïk kekɔ̈ɔ̈th wɛ̈l ɛn.

Diɛt 50:20

Yïn ee nyuc ku jam në ater wokë wänmuuth, ku yïn ee wën ë moor läät.

Yith 19:2

Aye Bɛ̈nydït lueel an, “Yɛn bï tɔŋ tɔ loi rɔt ë Rip, ku ta raan kekë mänhë thäär, ku raan ke raan thiëëk kek. Pänydït kekë pänydït, ku melik de ciɛɛŋ kekë melik de ciɛɛŋë abïk bääny tɛ̈ɛ̈r.

Dhek 13:3

Ku na de raan lɔ tïït ŋak, abï wun en jɔ̈ɔ̈ny kekë man ë dhiëth en, ku lëkkï yen an, “Yïn bïï nɔ̈k, yïn ciëk Bɛ̈nydït thok në lueth! Ku abï wun kekë man en gutic të cɔ̈ɔ̈r en.

Math 24:10

Kɔc juëc abïk piɔ̈ɔ̈th diu ë aköölkë, agokï röt nyiɛɛn kapäc, ku mankï röt kapäc.