Math 10:2 - JAM DE NHIALIC 2011

² Rin ke tuuc kathiëër ku rou kï, mɛnh tueŋ, ee Thimon, acɔl Petero, ku Andereya mänhë, Jakop wën ë Dhebedayo, ku Jɔn mänhë,

Math 10:2 Iomraidhean Croise

Math 17:1

Na wën, aacï nïn lɛɛr kadhetem, ke Yecu nöm Petero, ku Jakop, ku Jɔn mänhë, ku leer keek ë kuurdït nɔm kapäc, kuurdïït bäär,

Math 20:20

Na wën, ke man wɛ̈ɛ̈t ke Dhebedayo bɔ̈ të nu yen kekë wɛ̈ɛ̈tke, bïï ku tuk emiɔl ë yenɔm, ade kë kɔɔr tëde yen.

Math 26:37

Go Petero nööm kekë wɛ̈ɛ̈t ke Dhebedayo kaarou, ku jɔ piɔ̈u dhiau abï piɔ̈u jiɛth arëët.

Math 4:18

Na wën, të ciɛthë Yecu ë Baar ë Galili yɔu, ke tïŋ kɔc kaarou, raan kekë mänhë, Thimon raan cɔl Petero kekë Andereya mänhë, ke ke deeny bɔi dït wïïr, luɔi ee kek kɔc ee dep.

Math 4:21

Na wën, acï jäl ëtɛ̈ɛ̈n le tueŋ, ke tïŋ kɔc kɔ̈k kaarou, raan kekë mänhë, Jakop wën ë Dhebedayo, arukkï bɔɔiken, go keek cɔɔl,

Mak 1:29

Na wën, aa cïk bɛ̈n biic ɣön ë Nhialic, ke ke dap lɔ ɣön ë Thimon ku Andereya, aciɛthkï në Jakop ku Jɔn.

Mak 13:3

Na wën, aa rëër ë kuur ë Olip nɔm biäk të lɔ Luaŋdït, ke thiëëc ë Petero ku Jakop ku Jɔn ku Andereya tëden kapäc,

Mak 6:30

Na wën, ke tuuc ë ke guëër të nu Yecu, ku jɔkï guiëër käŋ kedhie, ka cïk looi ëbɛ̈n, ayï wëët cï kek wëët.

Luk 11:49

Yen a lueelë Nhialic En në pɛl ë yenɔm an, ‘Yɛn bï tït tuöc keek ayï tuuc, ku abïk kɔc kɔ̈k ë keek nɔ̈k abïk thou, ku yɔŋkï kɔ̈k.’

Luk 22:14

Na wën, aacï thaar ee cam bɛ̈n, ke jɔ nyuc, ku nyuc tuuc kathiëër ku rou në yen ëtök.

Luk 22:8

Go Yecu Petero tooc kekë Jɔn an, “Lak guiëkkï wook ka ke Winythok, buk lɔ cuet.”

Luk 5:10

Ayï Jakop ku Jɔn, wɛ̈ɛ̈t ke Dhebedayo, kɔc rööm käŋ në Thimon, acïk piɔ̈ɔ̈th päu aya. Go Yecu Thimon yɔ̈ɔ̈k an, “Du riɔ̈c, yïn bï kɔc aa dɔm, gɔl ëköölë aɣët rial.”

Luk 9:10

Na wën, aacï kɔc cï tooc kenïïm puk, ke jɔkï guiëër ka cïk looi. Go ke lɛɛr, ku jɔ rɔt wuony të cïn kɔc ë jɔ̈ɔ̈ric jɔ̈ɔ̈r ë pänydït cɔl Bethaida.

Jɔn 12:22

Go pilip bɛ̈n lɛ̈k Andereya: na wën, ke Andereya kekë Pilip ke jɔkï lɛ̈k Yecu.

Jɔn 13:23

Ku ade raan rɛ̈ɛ̈r tëde cäm ke kɛn rɔt ë Yecu yɔu, ee raan töŋ ë kɔckɛn ë piööcë yiic, raan nhiɛɛr Yecu.

Jɔn 20:2

Ago kat, le tëde Thimon Petero, ku raan däŋ ë piööcë, raan nhiɛɛr Yecu, le ku lëk keek an, “Acïk Bɛ̈nydït jɔt ë raŋic, ku akucku të cï kek e tääu thïn?”

Jɔn 21:2

Thimon Petero, ku Thoma cɔl Didima, ku Nathanyel ë Kana nu Galili, ku wɛ̈ɛ̈t ke Dhebedayo, ku kɔc kɔ̈k kaarou ë kɔckɛn ë piööcë yiic, aake nu ëtök.

Jɔn 21:20

Go Petero rɔt puk, ku tïŋ raanpiööcë raan nhiɛɛr Yecu, ke kuany kecök, yen aye raan wään kɛn rɔt ë yeyɔu tëde cäm thëën, raan wään thiëc an, “Bɛ̈nydït, eeŋa ee raan bï yï nyiɛɛn?”

Jɔn 21:24

Yen raanëpiööcëyë ee yen ee cäätɔ de ee kakë, ku yen aa gäär kakë, ku wo ŋic jamde nɔn ee yen yic.

Jɔn 6:67

Go Yecu kɔc kathiëër ku rou thiëëc an, “Dɛkï piɔ̈ɔ̈th jäl ayadäŋ?”

Jɔn 6:70

Go Yecu pɔ̈k nɔm keek an, “Kɛ̈n week lɔc wathiëër ku rou, ku raan tök ë weyiic ee jɔŋdït rac!”

Jɔn 6:71

Aa luel ee kënë në këde Judath Yithkariɔt, raan töŋ de kɔc kathiëër ku rou, ee yen abï ye lɔ nyiɛɛn.

Jɔn 6:8

Go raan töŋ de kɔckɛn ë piööcë raan cɔl Andereya, mänhë ë Thimon Petero, go lɛ̈k en, an,

Luɔi 1:13

Na wën, aa cïk bɛ̈n ɣöt, ke ke lɔ ɣön nu nhial, ɣön rëërë Petero thïn, ku Jɔn, ku Jakop, ku Andereya, ku Pilip, ku Thoma, ku Bartholomayo, ku Mathayo, ku Jakop wën ë Alapayo, ku Thimon Dhelote, ku Judath wën ë Jakop.

Luɔi 1:26

Na wën, ke ke deeny gɛk në këden kaarou, go gɛk lööny ë Mathiath nɔm, ago mɛt ë tuuc yiic tuuc kathiëër ku tök.

Luɔi 12:2

Go Jakop mänhë ë Jɔn tɔ näk ë abätäu.

Luɔi 3:1

Na wën, ke Petero kekë Jɔn ke ke lɔ ë Luaŋdïtic ëtök ë thaar ë lɔ̈ŋ, yen aye thaar ë dhoŋuan.

1 Kor 15:7

Na wën, ke tiëc tëde Jakop, ku jɔ tïc tëde tuuc kedhie.

Epethiei 4:11

Go kɔ̈k gaam aye tuuc, ku gɛm kɔ̈k aye tït, ku bï kɔ̈k aa kɔc ë wëlpiɛth guiir, ku bï kɔ̈k aa kɔc ee kɔc tïït ku kɔc ee wëët.

Ɣeberuu 3:1

Yeka, wek mïthëkɔckuɔn ɣeriic tɔ̈u në gämic, kɔc rɔm wok cɔ̈t ë paannhial, tääukï täŋdun në Yecu guöp, Raan cïï Nhialic tuööc ke ye Bɛ̈nydïït ë kake Nhialic de gämdan yok luɛɛl.

1 Pet 1:1

Yɛn Petero, tuny ë Yecu Kërtho, awerek en gäär kɔc cï thiëi ë wuöt lei, kɔc ë Ponto, ku Galatia, ku Kapadokia, ku Athia, ku Bithunia.

2 Pet 1:1

Yɛn Thimon Petero, lïm de Yecu Kërtho ku ya tunyde, wek gäär awerek wek kɔc cï gäm de naamde yök, gäm kït ke gämda në piathëpiɔ̈u ë Nhialic kekë Konydan Yecu Kërtho:

2 Jɔn 1:1

Yɛn monydït awerek en gäär tiiŋ dïït cï lɔc kekë mïthke, kɔc nhiaar në yic, ku acie yɛn a tök, ee kɔc cï yic ŋic kedhie aya,

3 Jɔn 1:1

Yɛn monydït, Awerek en gäär Gayo, raan nhiaar arëët, anhiaar në yic.

Nyuuth 1:1

NYUUTH de Yecu Kërtho, nyuuth cïï Nhialic gäm en, bï lïïmke bɛ̈n nyuöth ka bï dhil dap tïc: go tunydɛnnhial tuööc le lïmdɛn Jɔn lɛ̈k:

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 18:20

Jakï piɔ̈ɔ̈th miɛt ë yen, yïn paannhial, ku wek kɔc ɣerpiɔ̈ɔ̈th, ku wek tuuc, ku wek tït, luɔi cï Nhialic we guöör në guiëër cï en löŋde guiir atuc!

Nyuuth 22:8

Ku yɛn Jɔn yɛn ë kakë piŋ ku tiëŋ ke. Na wën, aa cä ke piŋ ku tiëŋ ke, ke ya cuat rɔt piny ke ya läm ë tunynhial cök tuny ë nyuth ɛn ee kakë.