Math 10:1 - JAM DE NHIALIC 2011

¹ Na wën, aacï kɔckɛn ë piööcë cɔɔl, kɔc kathiëër ku rou, ke ke gëm riɛl bï kek jɔɔk rac cieŋ, bïk ke ciëëc bei, ku gëm keek riɛl bï kek juäi tɔ dem ëbɛ̈n ayï jɔɔk nu ë kɔc gup.

Math 10:1 Iomraidhean Croise

Math 19:28

Go Yecu ke yɔ̈ɔ̈k an, “Wek yɔ̈ɔ̈k ëyic an, wek kɔc cï a kuany cök, kööl bï käŋ bɛ cak, kööl bï Wën ë Raan rëër ë thööny de dhuëëŋde nɔm, ke week aya we bï rëër ë thöny nïïm kathiëër ku rou, ke we guïïr löŋ de dhiëën ke Yithriɛl kathiëër ku rou.

Math 26:20

Na ɣɔn thëën, ke nyuc tëde cäm kekë kɔckɛn piööcë kathiëër ku rou.

Math 26:47

Na wën, të ŋoot en ke jam, dï, ke Judath bɔ̈, ee raan töŋ de kɔc kathiëër ku rou, ku bɔ̈ kut dïït ë kɔc në yen ëtök, amukkï abätɛ̈ɛ̈u ku thieec, abïkï tëde bänydït ke ka ke Nhialic ku röördït ë kɔc yiic.

Math 4:23

Go Yecu piny ë Galili caath ëbɛ̈n, aye kɔc wɛ̈ɛ̈t ë ɣöötkɛn ë Nhialic yiic, ke ye ke guiëër wëlpiɛth ke ciɛɛŋ, ku tɔ juäi waar ë kɔc gup juäi ëbɛ̈n, ayï tëtök ëbɛ̈n tëtök nu ë kɔc gup.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Math 9:35

Go Yecu pɛ̈ɛ̈nydït lɔ caath yiic kedhie ayï bɛ̈i kedhie, aye kɔc wɛ̈ɛ̈t ë ɣöötkɛn ke Nhialic yiic, ku ye wëlpiɛth ke ciɛɛŋ guiir, ku ye juäi tɔ dem ë kɔc yiic ëbɛ̈n, ayï jɔɔk nu ë kɔc gup ëbɛ̈n.

Math 9:38

Yen läŋ wek Bɛ̈nydït ë rɛɛp cï luɔk an, bï kɔc ee luui tuɔɔc ë rap yiic rɛɛpkɛn cï luɔk.”

Luk 10:19

Tïeŋkï, wek gäm riɛl bä wek karɛc käc ë wecök, ayï manciëëi, ku gäm wek riɛl bä wek riɛl dïït ë raan de ater tiaam ëbɛ̈n: ku acïn kë bï week nɔ̈k anandun.

Luk 21:15

we bä gäm thook pɛlënɔm, ke kɔc de ater në week ke ke cïï bëër bëër kek këdun bï lëu, ayï teer teer kek në week aya.

Luk 24:49

Ku tiëŋkï, wek tuöc kë cïï wäär lueel an, bï gam: ku week, jakï rëër ë pänydït Jeruthalem, aɣet të bï we piɔ̈th në riɛldïït bɔ̈ nhial.”

Luk 6:13

Na wën, aacï piny jɔ ruu, ke jɔ kɔckɛn ë piööcë cɔɔl, go kɔc kathiëër ku rou lɔc ë keyiic, ku ciëk keek an, tuuc aya,

Jɔn 17:2

Acït man cï yïn e gäm riɛl ë tiɔp nɔm ëbɛ̈n, ke bï kɔc gäm pïïr athɛɛr, kɔc cï gäm en kedhie.

Jɔn 3:27

Go Jɔn bɛ̈ɛ̈r, lueel an, “Acïn kë duëërë raan yök, të kënë ye gäm en nhial.

Jɔn 3:35

Wääda anhiaar wënde, ago käŋ tääu ë yecin kedhie.

Jɔn 6:70

Go Yecu pɔ̈k nɔm keek an, “Kɛ̈n week lɔc wathiëër ku rou, ku raan tök ë weyiic ee jɔŋdït rac!”

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 19:15

Go jɔŋ rac bɛ̈ɛ̈r an, “Yecu aŋiɛc, ku ŋiɛc Paulo, ku week yak yïŋa?”

Nyuuth 12:1

Na wën, ke gökdïït gɛ̈iyë tiëc paannhial, tik aceŋ akɔ̈l cït lupɔ, ku nu pɛɛi ë yecök, ku ceŋ göl ë dhuëëŋ ë yenɔm göl de kɔ̈u kuɛl kathiëër ku rou,