Math 1:21 - JAM DE NHIALIC 2011

²¹ Ku abï mɛwä dhiëëth, ku abä cäk rin, an, Yecu, luɔi bï en kɔcken kony në karɛcken.”

Math 1:21 Iomraidhean Croise

Cäk 17:19

Ago Nhialic lueel an, “Ei, Thara tiiŋdu abï yï dhiëth mɛwä, ku abä cäk rin an Yithaak. Yɛn bï mändï döt wokë yen, ku mïthkɛn bï lɔ̈ɔ̈k tɔ̈u në yecök aɣet athɛɛr. Mät acïï kɔ̈u bï tɛɛm aɣet athɛɛr.

Cäk 17:21

Ku Yɛn bï mät looi wokë Yithaak, wënduön bï Thara dhiëth yïn wälë, alë ruöön.”

Cäk 18:10

Go Bɛ̈nydït lueel an, “Yɛn bï yanɔm dɔ̈k eenë ëlë yaak wälë alë ruöön, ku Thara tiiŋdu abï nɔm dɛ mɛwä.” Ku Thara aa rɛ̈ɛ̈r në paany thok në yekɔ̈u ciëën ke pïŋ.

Jeremia 23:6

Të ye Yen, kɔc ke Juda abïï ke luök, ku kɔc ke Yithriɛl abïk rëër ë mät. Abïï aa cɔɔl an, ‘Bɛ̈nydït ee piathëpiɔ̈nda.’

Jeremia 33:16

Kɔc ke Juda ku Jeruthalem abïï keek kony ku abïk rëër ë läŋ. Pänydït abï cɔɔl an, ‘Bɛ̈nydït ee piathëpiɔ̈nda.’

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Dhek 9:9

Miɛtëpiɔ̈u arëët, nyan de Dhiɔn, moc kiɛɛu, nyan de Jeruthalem! Tiëŋkï, melikdun abɔ̈ tënu wek thïn! Abɔ̈ ke cï duaŋ nɔm, ku ë tiam, ku ë rɔt kuɔɔr piny, ka acath në muul kɔ̈u, acath adhäny thiin ë muul kɔ̈u.

Math 1:25

Ku kën niin ke yen, të ŋoot en ke kën wëndɛn ë kɛɛi yen dhiëëth, ku jɔ cäk rin an, Yecu.

Luk 1:13

Go tunynhial yɔ̈ɔ̈k an, “Du riɔ̈c, Dhekaria, lɔ̈ŋdu acï piŋ. Ku tiiŋdu Elithabeth abï yï dhiëth mɛwä, ku abä cäk an, Jɔn.

Luk 1:31

Ku tïŋ, yïn bï meth yök, ku yïn bï mɛwä dhiëëth, ku bä cäk an, Yecu.

Luk 2:11

Konyduön ë wëi acï dhiëëth ee köölë Pänydït de Debid, yen Kërtho Bɛ̈nydït.

Luk 2:21

Na wën, aacï nïn kabɛ̈t thök, ke kööl ë cuɛ̈l ë meth bɔ̈, ku jɔkï cäk an, Yecu, rin cïï tunynhial cäk wään ŋoot en ke kënë man yök.

Jɔn 1:29

Na ɣɔn amiäk, ke Jɔn tïŋ Yecu ke bɔ̈ tëde yen, go lueel an, “Wɔikï, Amɛthɔ̈k de Nhialic kï, anyiɛɛi kërɛɛc de piny nɔm!

Jɔn 4:42

agokï lɛ̈k tik an, “Wok ë gam ënɔɔnë, ku acie biäk de jamdu: acuk piŋ ë wok gup, agoku ŋic nɔn ee yen Kërtho në yic, konydewëi de jäŋ ëbɛ̈n.”

Luɔi 13:23

Në käu de raanë, yen aa jɔtë Nhialic Konydewëi, yen Yecu, ku gëm Yithriɛl, acït man cï en e kɔn lueel.

Luɔi 3:26

Ku Nhialic, luɔi cï en Wëndɛn Yecu jat nhial, acï kɔn tuöc week, bï week bɛ̈n thieei, në döŋ bï en we dak wei ë luɔiduön racic, week wedhie.”

Luɔi 4:12

Ku kunydewëi aliu në raan däŋ: ku acïn rin kɔ̈k ë pinynɔm, rin cï gäm kɔc, rin bï wo dhil kony wëi në keek.”

Luɔi 5:31

Yen acïï Nhialic jat nhial në ciin cuënyde, abï aa Bɛ̈nydït ku ye Konydewëi, bï Yithriɛl tɔ puk e piɔ̈u, ku tɔ karɛcken päl.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 7:25

Ku ënɔɔnë alëu Yen luɔi bï Yen kɔc ee bɛ̈n tëde Nhialic në kueerde aa cool ë kony En keek, ku Yen arɛ̈ɛ̈r ke pïïr ë Nhialic lɔ̈ɔ̈m aɣet athɛɛr.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

1 Jɔn 3:5

Ku aŋiɛckï nɔn cï en tuöl bï karɛckuɔ bɛ̈n nyaai, ku acïn kërɛɛc cath kekë yen.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.

Bäny 13:3

Na wën ke tunynhial ë Bɛ̈nydït tul tëde tik, bïï ku yöök an, Yïn cï rol ku yïn cïn nɔm meth, ku yïn bï liac ku yök mɛwä.

1 Tham 1:20

Na ɣɔn ee nïnkë yiic, go Ɣana liac, ku dhiëëth mɛwä, ago cäk rin an, Thamwɛl, lueel an, “Në luɔi cän Bɛ̈nydït lɔ̈ŋ në biäkde!”