Math 1:20 - JAM DE NHIALIC 2011

²⁰ Ku të ŋoot en ke ciët ee kakë ë yepiɔ̈u, dï, ke tunynhial ë Bɛ̈nydït tul tëde yen ke ee nyuöth, lueel an, “Jothep, wën ë Debid, du riɔ̈c ë luɔi bï yïn Meri nööm bï aa tiiŋdu, kë cï yök ë yeyäc ee Wëidït ɣer kek aa dhiëth en.

Math 1:20 Iomraidhean Croise

Cäk 31:11

Ku lëk ë tunynhial de Nhialic yɛn në nyuöthic an, ‘Jakop’, guɔ gam ku luɛɛl an, ‘Yakï.’

Cäk 46:3

Go Nhialic lɛ̈k en an, “Ee Yɛn Nhialic de wuur, du riɔ̈c në luɔi le yïn Rip. Yɛn bï mïthku tɔ lɔ ye gökdïït ë jur ëtɛ̈ɛ̈n.

1 Mel 17:13

Go Elija lɛ̈k en, an, “Du diɛɛr, lɔ thal këcamdu, ku kɔn a thäl kuïn cï pam thiinakäŋ në aɣarë yic, ku yiɛ̈në yɛn, ku jɔ kë cï dɔ̈ŋ lɔ thaal bäk cam wekë wëndu.

1 Mel 3:5

Na ɣɔn wakɔ̈u go Bɛ̈nydït tuöl tëde Tholomon ë Gibiɔn ke ye nyuöth, lueel an, “Eeŋö bä lip kë bä gäm yïn?”

Diɛt 119:125

Yɛn ë awundu, gämë yɛn ŋïny de käŋ, ke ya bï wëëtdu ŋic.

Diɛt 143:8

Ye yɛn täk nɔm aköölnyïïn ëbɛ̈n në biäk de nhiëërduön agɔk, në biäk ŋääth yɛn Yïn. Nyuöthë yɛn kueer bän lɔ thïn, lɔ̈ŋdï ee lɔ nhial tëde yïn.

Diɛt 94:19

Të cän diɛɛr në ya piɔ̈u, Yïn ee ya muk piɔ̈u abä piɔ̈u miɛt.

Kɛ̈ŋ 12:5

Kɔc piɛthpiɔ̈ɔ̈th ayek ciët ke ke kïït kɔc nïïm, ku kiɛɛr rɛɛc ë kɔc ee karɛc looi ee ya mɛth.

Yith 26:3

Yïn, Bɛ̈nydït, aye muk në män cï dikëdikic kɔc ee rëër në gämden yic aril ku yek aŋäthden tääu ë Yïguöp.

Yith 30:21

Të cä wek määr kueer ke we lɔ ciɛɛm ku cuëëc abäk piŋ röl ke yɔ̈ɔ̈k week an, “Kueerkï pɔ̈kkï röt, tɛ̈kkï tënë.”

Yith 51:7

“Piɛŋkï kë luɛɛl, wek kɔc ŋic piathëpiɔ̈u, kɔc tɔ̈u ë wëëtdï në kepiɔ̈ɔ̈th. Duökï ee riɔ̈ɔ̈c të lɛ̈ɛ̈t ë kɔc week ku karɛc luɛɛl ë wegup,

Yith 7:13

Go Yithaya bɛ̈ɛ̈r an, “Piɛŋkï ënɔɔnë wek kuat ë melik Debid. Arac aläl tëde week bäk kɔc tɔ bäp piɔ̈ɔ̈th, ku kaarkï bäk Nhialic tɔ bäp piɔ̈u aya?

Yith 7:2

Na lɔ jam ɣet tëde melik de Juda, luɔi cïï rem de tɔŋ de Thiriya ɣëët në aken de Yithriɛl nɔm, go riɔ̈ɔ̈c kekë kɔcke abïï ke lath aläl cï tiim lɛthë yom keek.

Jeremia 31:22

Kɔc cïn gäm, bäk gääu agut cï nɛn? Yɛn cï kë cï piac looi cak, ku ee kë mɛɛn, ee kë mɛɛn cït man ye tik moc gël.”

Jeremia 33:26

Ku cït man cän ee kënë looi ë yic, ka Yɛn bï löŋdiën cä mac wo mïth ke Jakop muk kekë awundï Debid. Yɛn bï mɛnh tök në käu de Debid lɔc, bïï aa bɛ̈ny de kuat de Abraɣam, ku Yithaak ku Jakop. Yɛn bï piɔ̈u kok wo kɔckï ku bɛ ke tɔ kueth.”

Jeremia 40:9

Go Gadalia lɛ̈k keek an, “Wek cä lëk jamdï an, acïn kë duëër week tɔ riɔ̈c ë luɔi bä wek röt gäm kɔc ke Babilonia. Ɣapkï ee pinyë, ku luööikï melik de Babilonia, ku käŋ kedhie abïk piath tëde week.

Jowɛl 2:28

“Ku në ee kakë cök, Yɛn bï Wëikï luööŋ në kɔc gup kedhie, ka wɛ̈ɛ̈tkun, ayï duetkun abïk käŋ aa caar, röördïtkun abïk aa nyuöth, ku tïŋ dhuökkun nyuuth.

Kuɛ̈n 12:6

Go lɛ̈k keek an, “Piɛŋkï jamdï, tëde yen tiët nu ë weyiic, yɛn ee rɔt nyuöth en në nyuuth, ku nyuöth.

Math 1:18

Dhiënh ë dhiëëthë Yecu Kërtho kï: Thiëŋ de Meri man acï kɔn lueel kekë Jothep, na wën, aŋootkï ke ke kën guɔ rëër ëtök, ke yök ade yic meth në këde Wëidït ɣer.

Math 2:12

Na wën, acï ke wɛ̈ɛ̈t ë Nhialic në nyuöthic an, cïkï kenïïm be dhuöny të nu Ɣerod, ke ke jɔ jäl lek paanden tëkkï ë kueer däŋ.

Math 2:13

Na wën, aa cïk jäl dï, ke tunynhial ë Bɛ̈nydït tul tëde Jothep ke ye nyuöth, lueel an, “Jɔt rɔt, nöm mɛnhthiinë kekë man, kɔt lɔ paan ë Rip, ku tɔ̈uwë ëtɛ̈ɛ̈n aɣet të bän yï yiɛ̈n thok, Ɣerod abï mɛnhthiinë kɔɔr luɔi bï en e nɔ̈k.”

Math 2:19

Na wën, acï Ɣerod guɔ thou, ke tunynhial ë Bɛ̈nydït tul të Jothep ke ë nyuöth ë Rip,

Math 2:22

Na wën aacï piŋ nɔn ceŋ Arkeleo piny ë Juda ë nyin ë wun Ɣerodic, ke riɔ̈c ë lɔ ëtɛ̈ɛ̈n, ku acïï Nhialic wɛ̈ɛ̈t tei ë nyuöth, go enɔm bɛ pɔ̈k piny biäk de Galili,

Math 27:19

Na wën, të rëër en ë thööny de guiëërëlöŋ nɔm, ke thok bɔ̈ tëde tiiŋde an, “Du de kë luöiyë raan piɛthpiɔ̈uwë, yɛn ë kajuëc guum ëköölë në baŋde ke ya nyuöth.”

Math 28:5

Go tunynhial bɛ̈ɛ̈r, yöök diäär an, “Duökï riɔ̈c, aŋiɛc nɔn kaar wek Yecu, raan wään cï piäät ë tim cï rïïu nɔm kɔ̈u.

Luk 1:19

Go tunynhial bɛ̈ɛ̈r, yöök an, “Yɛn Gabriɛl kï, yɛn ee kɔ̈ɔ̈c ë Nhialic nɔm, ku yɛn cï tooc bä bɛ̈n jam wo yïn, ku bä wëlpiɛthkë bɛ̈n lɛ̈k yïn.

Luk 2:4

Ku jël Jothep aya piny de Galili pänydït cɔl Nadhareth, le Juda, Pänydït de Debid, cɔl Betheleɣem, luɔɔi ee yen raan dhiën ë Debid.

Luɔi 5:19

Na wën, ke tunynhial ë Bɛ̈nydït ke liep alooc thok wakɔ̈u, ku bïï keek biic, yöök keek, an,

Nyuuth 19:7

Jɔku piɔ̈ɔ̈th miɛt ku doorku, ku lecku nɔm, luɔi cï thiëŋ de Nyɔŋamääl bɛ̈n, ku tiiŋde acï rɔt guik.

Bäny 13:3

Na wën ke tunynhial ë Bɛ̈nydït tul tëde tik, bïï ku yöök an, Yïn cï rol ku yïn cïn nɔm meth, ku yïn bï liac ku yök mɛwä.