Math 1:12 - JAM DE NHIALIC 2011

^12-16 Na ɣɔn, acï kɔc thök ë jöt leerë ke Babilon, ke Jekonia dhiëth Caltiɛl, ku dhiëth Caltiɛl Dherubabel, ku dhiëth Dherubabel Abiud, ku dhiëth Abiud Eliakim, ku dhiëth Eliakim Adhor, Ku dhiëth Adhor Dhadok, ku dhiëth Dhadok Acim, ku dhiëth Acim Eliud, Ku dhiëth Eleyadhar, ku dhiëth Eleyadhar Mathan, ku dhiëth Mathan Jakop, ku dhiëth Jakop Jothep mony ë Meri nyan wään dhiëth Yecu, cɔl Kërtho.

Math 1:12 Iomraidhean Croise

2 Mel 24:14

Go Nebukadnedhar kɔc ke Jeruthalem peec ëbɛ̈n, mïth ke melik ëbɛ̈n ku kɔc ril de naamden, go aguum kathiëër 10,000 ke kɔc peec, ayï atëët ëbɛ̈n ku kɔc ee thäth, acïn kɔc cï döŋ, ee kɔc kuanynyïïn ke Juda kapäc.

2 Mel 25:27

Në kööl de thiërrou ku dhorou, në pɛɛi de thiëër ku rou, në ruöön de thiërdiäk ku dhorou, ɣɔn cï kɔc ke Juda peec, yen aa gɔl ë Ebilmerodak bäänyde ke ye melik në Babilon, ago piɔ̈u kok kekë Jekonia melik de Juda, ku lony ɣön ë döm.

1 Lëk 3:17

Kake ee kuat de melik Jekonia ɣɔn cï peec ë kɔc ke Babilon, acï wɛ̈ɛ̈tke dhiëëth kadhorou, Caltiɛl,

Edhr 3:2

Go Jecua wën ë Jeɣodhadak kekë mïthëkɔcken ɣɔn ee bäny ke kake Nhialic ku Dherubabel ee wën de Caltiɛl kekë mïthëkɔcken acïk yïŋ de Nhialic de Yithriɛl bɛ̈n yïk, bïï kek miɔ̈c ye nyop ëbɛ̈n gam në yenɔm, cït kë cï gɔ̈ɔ̈r ë löŋ de Mothe yic, raan de Nhialic.

Edhr 5:2

Na wën ke Dherubabel wën de Caltiɛl kekë Jecua wën ë Jeɣodhadak gokï röt jɔt ku gɔlkï yïŋ de ɣön ë Nhialic Ye lɔ̈ŋ ë Jeruthalem. Ku tɔ̈u tït ke Nhialic në keek, ke ke kony keek.

Neɣe 12:1

Kakë ee rin ke bäny ke kake Nhialic ku kɔc ke Lebai ɣɔn bɔ̈ ciëën në pɛ̈cic në Dherubabel, wën de Caltiɛl ku bïkkï në Jocua bɛ̈nydïït ë kake Nhialic, ku bäny ke kake Nhialic:

Jeremia 22:24

Go Bɛ̈nydït lɛ̈k melik Jekonia, wën de Jeɣoyakim melik de Juda an, “Yɛn cï kuëëŋ Yɛn Nhialic Pïïr, cakaa Yïn ë ye jonh ë Yɛn ciin, yïn duëër bɛ̈ɛ̈i bei,

Jeremia 22:28

Acä lueel an, “Cï melik Jekonia ciët gul cï dhuööŋ, gul cï cuat wei cïn raan kɔɔr en? Ee yen kën jɔtë yen kekë mïthke ka, peec keek ku leerë keek piny cïn kë ŋickï thïn?”

Jeremia 22:30

“Monyë acï mäc luɔi bï yen nɔm ciën mïth, ke bï aa mony cïn kë bï kɔn tiaam. Abï nɔm ciën kuatdɛn bï lɔ̈ɔ̈k aa bɛ̈ny ë Juda, ke cït kɔc bï lɔ̈ɔ̈k tɔ̈u ë nyin de Debid yic. Acä lueel, Yɛn Bɛ̈nydït.”

Jeremia 27:20

Wëu kën ë Nebukadnedhar melik de Babilon ke jɔt, wään bï yen Jekonia wën de Jeɣoyakim, melik de Juda ku adhuëëŋ ke Juda Ku Jeruthalem kedhie, jɔt keek ë Jeruthalem leerë ke Babilon.

Ɣagai 1:1

Jam de Bɛ̈nydït kï, jam ɣɔn lëk Dherubabel wën de Caltiɛl, bɛ̈ny de Juda, kekë Jocua wën ë Jeɣodhadak, bɛ̈nydïït ë kake Nhialic në röl ë tiët Ɣagai, ɣɔn cïï Dariouth run aa rou ku pɛ̈i kadhetem ku kööl tök ke ye melik de Perthia.

Ɣagai 1:12

Ku ëtɛ̈ɛ̈n, Dherubabel wën de Caltiɛl kekë Jocua wën de Jeɣodhadak, bɛ̈nydïït ë kake Nhialic, ku kɔc ɣɔn bɔ̈ në pɛ̈cic kedhie, acïk jam ë Bɛ̈nydït Nhialicden bɛ̈n gam, ku gamkï jam ë tiët Ɣagai tuny ë Bɛ̈nydït, cït man cïï Bɛ̈nydït ye tooc. Ago kɔc jɔ aa riɔ̈ɔ̈c në Bɛ̈nydït.

Ɣagai 1:14

Ku jam Wëi në kɔc piɔ̈ɔ̈th kedhie, në yïŋ de Luaŋdït: yï Dherubabel wën de Caltiɛl bɛ̈ny de Juda, kekë Jocua bɛ̈nydïït ë kake Nhialic, ku kɔc lik cï döŋ, ɣɔn bɔ̈ ciëën në pɛ̈cic kedhie. Gokï Luaŋdïït de Bɛ̈nydït de rɛm, Nhialicden gɔl ë yïk.

Ɣagai 2:2

Lëk Ɣagai an, “lɛ̈kë Dherubabel wën de Caltiɛl, bɛ̈ny ë Juda, kekë Jocua bɛ̈nydïït ë kake Nhialic, ku lɛ̈kë kɔc lik cï döŋ kedhie,

Ɣagai 2:23

Ku në ee köölë yïn bä jɔt yïn awundiën Dherubabel wën de Caltiɛl, ku tääu yïn në bääny yic në Rinkï. Ee yïn ee raan cä lɔc. Ee Bɛ̈nydït de rɛm Yen aa jam.

Math 1:11

Ku dhiëth Jothia Jekonia ku wɛ̈ɛ̈twuun, cït man ë run wään jɔtë kɔc leerë ke Babilon.

Math 1:17

Yen kuën guöp ka, kuën ë dhiëth ëbɛ̈n, cak ë Abraɣam aɣet Debid acïk yiic thiëër ku ŋuan, ku kuën ë dhiëth cak ë Debid aɣet jön cï kɔc jɔt leerë ke Babilon acïk yiic thiëër ku ŋuan, ku kuën ë dhiëth cak ë jön cï kɔc jɔt leerë ke Babilon aɣet Kërtho acïk yiic thiëër ku ŋuan.

Luk 3:27

Joda de Joana, Joana de Retha, Retha de Dherubabel, Dherubabel de Caltiɛl, Caltiɛl de Neri