Malakai 4:2 - JAM DE NHIALIC 2011

² Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Malakai 4:2 Iomraidhean Croise

2 Tham 23:4

acït ɣɛɛr de aköl amiäk ee riau të cïn luät, aköl ee wal tɔ lɔ bilbil të cïï deŋ thëu.”

Diɛt 103:3

Ë yïn päl awɛ̈ɛ̈c cä keek looi ku tɔ ya piɔl guöp tëde yen juäi, ë ya guöp.

Diɛt 147:3

Ee kɔc cï piɔ̈ɔ̈th jiɛth tɔ piɔl gup ku duut bɔ̈ɔ̈tken nyïïn.

Diɛt 61:5

Yïn cï gutguutdï piŋ Nhialic, ku Yïn cï ya gäm kakë kɔc ee Yïn riëëu guöp.

Diɛt 67:1

Nhialic tɔ Yïpiɔ̈u kok we wook, ku thieei wook, ye wook woi në nyin de kokdepiɔ̈u,

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Diɛt 85:9

Ee yic Nhialic ade piɔ̈u luɔi bïï yen kɔc ee Ye riëëu kony, ku riɛldɛn ë kuɔɔny abï rɛ̈ɛ̈r pinyda.

Kɛ̈ŋ 4:18

Ku kueer de kɔc ɣerpiɔ̈ɔ̈th, acït ɣɛɛr de run ë piny, ë lɔ ke jɔ ɣɛɛr abï piny jɔ ruu ë gɔk.

Yith 30:26

Pɛɛi abï ruɛl cï akɔ̈l, ku akɔ̈l abï ruɛlde matic raandhorou, ka bï ciët ruɛl de nïn kadhorou matiic. Kënë abï rɔt looi të le Bɛ̈nydït tëtöök ke kɔcke duut nyïïn, ku tɔ ke dem, tëtöök ɣɔn cï gäm keek.

Yith 35:6

Ŋɔl abï kɛɛc nhial ku cöŋ, ku kɔc cïï jam lëu abïk kïïu në miɛtëpiɔ̈u. Awɛɛŋ ke pïïu abïk wat jɔ̈ɔ̈ric,

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 50:10

Week wedhie wek kɔc ee Bɛ̈nydït riëëu, ku yak wël ke awunde gam, kueer cath wek thïn aduëër yic cuɔl, ku yak Bɛ̈nydït ŋɔ̈ɔ̈th, kankï röt në Nhialicdun.

Yith 53:5

Ku në biäk de awɛ̈ɛ̈ckuɔ acï yiëk guöp bɔ̈ɔ̈t, go dui në biäk de karɛc cuk looi. Wok cï tɔ piɔl gup në këtuc cï guum, wok cï tɔ̈u ë mätic në këtuc cï Yen yök.

Yith 9:2

Kɔc ɣɔn cath ë mɔ̈ɔ̈thic acïk ɣɛɛrdït tïŋ. Aake rɛ̈ɛ̈r piny de atïïp ke thuɔɔu, ku ënɔɔnë ariɛɛu ë ɣɛɛr keek.

Jeremia 17:14

Bɛ̈nydït tɔ ya dem ku yɛn bï waar taitai, luäk yɛn ku acïn kë bän riɔ̈ɔ̈c. Ee Yïn ee raan ya leec!

Jeremia 30:17

Wek bä bɛ tɔ piath, ku ta bɔ̈ɔ̈tkun dem, cakaa nɔn ye kɔc ke aterdun ye lueel an, ‘Ye Dhiɔn kë cï cieen, acïn ee ye kuɔny.’ Acä lueel, Yɛn Bɛ̈nydït.”

Jeremia 33:6

Ku Yɛn bï ee pänydïïtë waar kekë kɔcke ku bɛ ke pɔ̈k nïïm pialëguöp. Abä ke nyuöth mändït ku rɛ̈ɛ̈r lɔ läŋ.

Edhekiɛl 47:12

Tiim juëc yiic abïk luɔk në këcam në nyin biäkë ku nyin biäkë. Yïthken acïkï bï aa biɔɔr, ku abïk nïïm dɛk mïth ke ke cïï kääc. Abïk nïïm dɛk mïth piɛth ë pɛ̈i nyïïn ëbɛ̈n, në biäk ye ë keek piɔɔk ë nyin ee bɛ̈n bei tëɣeric. Tiim abïk kacaam aa bɛ̈ɛ̈i, ku yïthken abïk kɔc tɔ waar në juäi.”

Ɣodh 6:1

Aye kɔc ke Yithriɛl lueel an, “Bä wëlku wopiɔ̈ɔ̈th Bɛ̈nydït. Acï wook yiëk gup tëtöök, ku ee Yen abï wook tɔ waar. Acï wook gäm gup bɔ̈ɔ̈t, ku ee Yen abï ŋoot ke tɔ bɔ̈ɔ̈tkuɔ dem.

Ɣodh 6:3

Gamku Bɛ̈nydït, themku buk dhil ŋic ëgɔk. Ku aŋicku ëgɔk nɔn bï Yen dhil tïc cït man cïï akɔ̈l duëër rëër ke cïï thok bɔ̈. Abï bɛ̈n tëde wook cït nyieer ke deŋ, ku cït deŋ yaak ee piny liëër.

Malakai 3:16

Ku ëtɛ̈ɛ̈n, kɔc ee Bɛ̈nydït riëëu acïk bɛ̈n jam në röt kapäc në baŋ de ee kakë, go Bɛ̈nydït kë luelkï piŋ. Rin ke kɔc ee Bɛ̈nydït riëëu, ku dhuëŋkï guöp acï keek gäär piny në awerekic në Bɛ̈nydït nɔm.

Math 11:5

Cöör ayïnkï, ku ŋöl aciɛthkï apiɛth, kɔc de gup wɛth acïk gup waar, mïŋ apïŋkï, kɔc cï thou acï ke jat nhial ka cïk pïïr, ku kɔc kuanynyïïn aye ke guiëër wëlpiɛth.

Math 23:37

“Agäi Jeruthalem oou, Jeruthalem oou, wun ë tït nɔ̈k, ku ye kɔc biɔ̈ɔ̈k ë kur, kɔc cï tuöc yïn! Nïn yekdï nïn ë dɛ yɛn piɔ̈u luɔi bän mïthku kum cït man ye ajïth mïthke kum ë yewuök, ku rɛɛckï!

Luk 1:50

Kok de yenpiɔ̈u ee tɔ̈u kekë kɔc riëëu en, Remë ku remë aɣët wadäŋ.

Luk 1:78

Në kok kookë Nhialic Piɔ̈u ke wook, Yen a neemë Runëpiny wook, Runëpiny bɔ̈ nhial,

Luk 2:32

Abï aa many bï juöör aa nyuööth, ku bï aa dhuëëŋ de jurduön Yithriɛl.”

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 1:4

Yen aa de yic pïïr, ku pïïrë aaye ɣɛɛrëpiny ë kɔc.

Jɔn 1:8

Acie yen ee ɣɛɛrëpiny, aa bɔ̈ bï kɔc bɛ̈n lɛ̈k ɣɛɛrëpiny.

Jɔn 12:40

“Acï keek tɔ cɔɔr nyïïn, ku tɔ ke ril piɔ̈ɔ̈th, Ke ke cïï bï daai ë kenyïïn, ku cïkï käŋ bï yök ë kepiɔ̈ɔ̈th, Agokï kepiɔ̈ɔ̈th puk, Aguɔ ke tɔ dem.

Jɔn 8:12

Go Yecu kɔc yɔ̈ɔ̈k, an, “Yɛn ee ɣɛɛr ë piny nɔm: raan kuany a cök acïï bï cath tëcol, ku bï dɛ ɣɛɛrëpiny de pïïr.”

Jɔn 9:4

Yɛn bï luɔi dhil aa looi, luɔi ë raan ë toc ɛn, të ŋootë piny ke ye aköl: wakɔ̈u abɔ̈, të cïn raan duëër luui.

Luɔi 13:26

“Wek wäthii, mïth ke baai de Abraɣam, ku kɔc nu ë weyiic ëbɛ̈n kɔc riëëu Nhialic, jamë acï tuöc week, jam de Konydewëiyë!

Luɔi 13:47

Yen aye kë cï Bɛ̈nydït thɔ̈n wo an: ‘Yïn cä tääu bä ya këɣeer bï Juöör aa riaau, ku bä ya këde kunydewëi aɣet të le piny thar guut.”’

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

2 Pet 1:19

Ku wo cath në jam de tït aya, jam yic ëgɔk, jam wär jamë, ku apiɛth tëde week të dɔ̈t wek jamë, luɔi ee yen ciët manyëalath ee riau tëcol, a ruu piny, ago ciëër ë runëpiny rɔt jɔt ë wepiɔ̈ɔ̈th.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

1 Jɔn 2:8

Ku ye löŋ ë piac cak ayadäŋ en gäär week, löŋ yic ë yeyic ku weyiic, luɔi kɔɔr cuɔlëpiny jäl, ku jɔ ɣɛɛr yic de piny guɔ riau.

Nyuuth 11:18

Ku juöör acïk gɔ̈th, ku jɔ agönhdu bɛ̈n, ku bɔ̈ kööl bï löŋ de kɔc cï thou guiir. Kööl bï yïn tït lïïmku gäm ariöpden, ayï kɔc ɣerpiɔ̈ɔ̈th, ayï kɔc riëëu rinku, kɔc kor ku röördït. Ku kööl bï yïn kɔc riɔ̈ɔ̈k kɔc ee piny riɔ̈ɔ̈k nɔm!”

Nyuuth 2:28

ku abä gäm ciëër ë runëpiny.

Nyuuth 22:16

Yɛn Yecu, yɛn ë tunydiën nhial tooc bï week lëk kakë në këde ɣööt ke Nhialic. Yɛn ee meei de Debid, ku ya mɛnh dhiënde, ku ya ciëër ee piny riaau ciëër ë runëpiny.

Nyuuth 22:2

Ku tim ë pïïr anu ë kiir nɔm lɔŋë, tim ee luɔk ë mïth ee yiic thiëër ku rou, ee luɔk ë pɛ̈i nyïïn kedhie: ku yïth ke tim aye ke tɔ ye wɛ̈ɛ̈l ee juöör tɔ dem.

Ruuth 2:12

Bɛ̈nydït abï yï cuööt në kë piɛɛthduön cï looi. Bɛ̈nydït, Nhialic de Yithriɛl, raan cïï yïn bɛ̈n tëde Yen bï yï bɛ̈n gël, abï yï puɔ̈k nɔm këriëëcduön piɛɛth cï looi ëbɛ̈n!”