Malakai 4:1 - JAM DE NHIALIC 2011

¹ Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Malakai 4:1 Iomraidhean Croise

Jop 18:16

Acït tim cïï meike ril wei piny ku riɔu kërkɛn nu nhial.

Diɛt 119:119

Yïn ee kɔc rac luööi cï dhuur nɔm, ku yɛn anhiaar wëëtdu.

Diɛt 37:9

Piny abï lɔ̈ɔ̈k lak në kɔc ee Bɛ̈nydït ŋɔ̈ɔ̈th, ku kɔc rac abïï ke cuɔp wei.

Bɛ̈n 15:7

Yïn ë kɔc de wek ater tiaam, në dhuëëŋduön dïït de tiëm, Yïn ë gɔ̈th, go ke nyop cït wal ril.

Yith 40:24

Acïtkï wal ë piac cil, cï tääu piny tei ke meiken ë ke tiëc biic. Të tooc ë Bɛ̈nydït yom, ayek guɔ riɛl, ku gɔp yom ke wei cït yäär.

Yith 41:2

“Eeŋa yen ë bïï raan bï kɔc bɛ̈n tiaam, të lɔ aköl amiäk, ku jɔ rɔt looi ke ye raan cï tiam në ɣään cïï yen ke lɔ thïn kedhie? Eeŋa tɔ ye tiam meliik ku juöör? Aye abätäude ke yuöp piny cït abuui. Aye dhɛ̈ŋke ke riäär piny cï wal gɔp ë yom.

Yith 47:14

“Abïk ciët nyïïn ke wal, ku abïï mac ke nyop! Acïkï röt bï lëu në kuny aya, lɔ̈k de mac abï tuöc arëët tëde keek, ku acïn kë thiin de mac bï ke tuööc gup.

Yith 5:24

Në biäk de ee kënë, wek bï määr cït man ë yuööt dɛ̈p, ku dhiap meikun, ku biɔɔr gaakdun ku gɔpë yom wei, në biäk cä wek löŋ de Bɛ̈nydït de rɛm cï Yen wo wɛ̈ɛ̈t rɛɛc, Nhialic Ɣeric de Yithriɛl.

Yith 9:18

Karɛc ye kɔc looi adëpkï cït many ee kuɔɔth ku thil riɔ̈ɔ̈k. Ee dëp cï roor cï ɣɔ̈k mac cïï tol tënhial paat ëbɛ̈n.

Yith 9:19

Në biäk de agönh ë Bɛ̈nydït de rɛm, guiëër ë löŋde adɛ̈p ë piny yic bɛ̈n ku riëëk kɔc, ku abï aa raan ke yenhde yetök.

Edhekiɛl 20:38

Yɛn bï kɔc ee löŋ rɛɛc ku kɔc ee karɛc looi nyaai në we yiic. Abä ke bɛ̈ɛ̈i bei pinydɛn ciɛŋkï ënɔɔnë, ku acä ke bï bɛ tɔ puk kenïïm piny de Yithriɛl. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Edhekiɛl 21:32

Wek bï riɔ̈ɔ̈k në mac. Riɛmdun abïï tɔ kuëër pinydun, ku acïn raan bï we bɛ tak anandun.’ ” Bɛ̈nydït yen aa jam.

Edhekiɛl 24:11

Ënɔɔnë tääuwë tööny de maläŋ cïn yic këdäŋ në cool nïïm, ke bï tuöc abïï thiɛth. Ëtɛ̈ɛ̈n töny, abï yic bɛ ɣɛɛr të cï acuɔl wään tɔ̈u thïn nyaai

Edhekiɛl 34:17

“Ku ënɔɔnë, lunydï, Yɛn Bɛ̈nydït Awärjäŋ alɛ̈k week nɔn bän löŋ de raan ëbɛ̈n guiir në we yiic, ku pääk këpiɛth kekë kërac, ku pääk amɛ̈l kekë nyök bɔɔth.

Edhekiɛl 7:10

Akööl ke riääk abïkï tëde Yithriɛl. Akuöörkuöör alɔ ke dït. Lɛc acï lɔ nhial.

Jowɛl 2:1

Kuɔthkï kaaŋ në Dhiɔn, lɛ̈kkï kɔc në kuurdiën ɣeric nɔm. Takï kɔc cieŋ piny lɛthë kedhie. Kööl ë Bɛ̈nydït ë guɔ thiɔ̈k.

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Amoth 2:9

“Yɛn aa riäk kɔc ke Amor ɣɔn në wenïïm tueŋ në këdun, na cakaa nɔn wään bɛ̈ɛ̈r kek cït tiim ke thidar, ku rilkï cït tiim ke ɣok. Acä keek bɛ̈n riɔ̈ɔ̈k taitai kedhie, abïï ciën tök.

Obadaya 1:18

Kɔc ke Jakop abïk ciët mac, ku kɔc ke Jothep abïk ciët lɔ̈k ë mac, abïk kɔc ke Ethau riɔ̈ɔ̈k cït man ye mac miël ë rap nyop. Ka acïn kuat de Ethau bï nyin döŋ.

Naɣum 1:10

Na wek cak röt duut cït rɔŋ de kou, ku ciëtkï kɔc ye mɔ̈u wit, ka bï we nyuɔp piny cït ayän cï riɛl!

Dhep 1:14

Kööl bï Bɛ̈nydït löŋ de kɔc guiir ë thiɔ̈k arëët, ka ë ɣëët, yen ee köölë abï kɔc gäm gök de dhiënëpiɔ̈u, ku ayï jööt man ril ke tɔŋ abïk dhiau arëët në ciën aŋäth de kuny yökkï.

Dhep 1:18

Në ee kööl bï Bɛ̈nydït rac de tuöc agönhde nyuɔɔthë, acakaa ateek kekë adhäm de mɛnh ë raan ëbɛ̈n acïkï ke bï kony, në luɔi bï Bɛ̈nydït piny riɔ̈ɔ̈k nɔm ëbɛ̈n kekë kɔc ëthiäu.

Dhek 14:1

Kööl bï Bɛ̈nydït nyuc ë thööc nɔm ë thiɔ̈k. Ëtɛ̈ɛ̈n Jeruthalem abïï yakic, ku ka cï yak abïï keek tek ë wenyïïn.

Malakai 3:15

Cït man ye wok en tïŋ ënɔɔnë, luɔi yen kɔc ɣɛ̈ɛ̈c kenïïm kek ee röt yök cït ka cï thieei. Ku kɔc ee karɛc looi kek akueth, ku ayek Nhialic them aya në karɛckɛn yek looi, ku cïn kë yök keek.’

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Malakai 3:2

Ku eeŋa bï kööl ë bɛ̈nde lëu në guöm? Ku eeŋa bï kɔ̈ɔ̈c lëu të len tuöl? Abï ciët manydïït de thɛ̈th ee yen ateek lëëŋ, ku cït athabun ril ye lupɔɔ waak abïk ɣɛɛr.

Malakai 3:3

Abï bɛ̈n nyuc, ku guiir löŋ de kɔc cït man ye raan ateek lëëŋ. Abï Lebai bɛ̈n waak abïk lɔ wic, cït man ye adhääp lëëŋ abï lɔ bilbil. Ku ëtɛ̈ɛ̈n, keek abïk Bɛ̈nydït aa gäm miɔ̈c lɔgɔk.

Malakai 4:5

Të ŋoot ë kööldïït ë Bɛ̈nydït wei, kööl tuc thok, wek bä tuöc tiët Elija.

Math 3:12

amuk kën ee yen rap kɔ̈l ë yeciin, ku abï yiɛɛude nap abï lipëlip, ago agamɔde kuöt ë adhaanic, ku nyop ayiɛl ë many cie lëu në näk.”

Luk 19:43

Akööl abïk bɛ̈n tëde yïn, akööl bï kɔc dɛ wek ater yï geeu në rek, agokï yï tuɔɔk, ku jɔkï yï pɛ̈n lɔ biic ë wut këc ëbɛ̈n.

Luk 21:20

“Ku na tiëŋkï Jeruthalem acï tuɔɔk ë rɛm ke tɔŋ, ke jakï ŋic nɔn cï riääkde thiɔ̈k.

Luk 6:23

Jakï piɔ̈ɔ̈th miɛt ëköölë abäk kɛɛc nhial ë piɔ̈nmit: tiëŋkï, ariöpdun adït paannhial. Wärken aake ye tït luööi yikya.

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

2 Pet 3:7

Ku tënhial kekë piny nu ënɔɔnë acï ke tɔ̈ɔ̈u, në jam manë, bïk mac tiit, ku aye ke muk aɣet kööl ë guiëërëlöŋ de kɔc reec Nhialic, kööl bï kek riääk ëliŋliŋ.