Malakai 1:9 - JAM DE NHIALIC 2011

⁹ Kë cïï Bɛ̈nydït de rɛm lueel kï an, “Ku ënɔɔnë, läŋkï Nhialic në wepiɔ̈ɔ̈th, ke bï piɔ̈u bɛ kok kekë week. Yak tak duëër week gam në ee miɔ̈cduön cït kë yak gäm Ee në?

Malakai 1:9 Iomraidhean Croise

2 Lëk 30:27

Go bäny ke kake Nhialic ku Lebai de Bɛ̈nydït thiëëc bïï athiɛɛi tääu ë kɔc gup. Go Nhialic lɔ̈ŋden piŋ baaidɛn ɣeric paannhial ku gɛm keek thook.

Bɛ̈n 32:11

Go Mothe Bɛ̈nydït Nhialicde lɔ̈ŋ lueel an, “Bɛ̈nydït, duɛ̈ɛ̈rë piɔ̈u riääk adï wekë kɔckuön wään luäkë bei Rip në gök ë dhuëëŋ ku riɛl?

Jeremia 26:19

Kɔc ke Juda ku melik Ɣedhekia akënkï Maika bɛ̈n tɔ näk. Ɣedhekia acï Nhialic bɛ̈n riëëu, ku ye kɔɔr bïï tɔ mit piɔ̈u. Go Bɛ̈nydït yenɔm waar, në biäk ë riääk cï lueel an bï yiɛ̈n keek. Ënɔɔnë wok kɔɔr buk riääk bɛ̈ɛ̈i ë wogup.”

Jeremia 27:18

Na yek tït ë yic, ku na cath jam de Nhialic ke keek, ke takkï keek läŋ Bɛ̈nydït de rɛm, ke cïï wëu cï döŋ ë Luaŋdïtic ku ke cï döŋ ë ɣön ë bäänyic, ku ka nu ë Jeruthalem, ke ke cïï bï lɛɛr Babilonia.”

Dhiëëu 2:19

Në wɛ̈ɛ̈ric wakɔ̈u ëbɛ̈n, ye rɔt jɔt, ku be rɔt jɔt ku tɔ dhiëëu lɔ tëde Bɛ̈nydït. Wälë yïpiɔ̈u Bɛ̈nydït ku läŋ bïï piɔ̈u kok kekë mïthku. Mïth athoukï në cɔk në aguuk ke kuɛɛr ëbɛ̈n.

Jowɛl 2:12

Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Jowɛl 2:17

Ku takï bäny ke kake Nhialic läŋ, bäny ee Bɛ̈nydït luööi në kaam de yïk kekë Luaŋdït. Ë ke dhiau ku lɛ̈ŋkï: an, “Kok piɔ̈u we kɔcku, Bɛ̈nydït. Du kɔc ke nɔmdu tɔ biɔn gup, du ke bï tɔ ye kääŋ yup në juööriic. Acïï rɔ̈ŋ bï kɔc aa lop an, “Nu Nhialicdu ë nou?”

Amoth 5:22

Na ë we cak A gäm miɔ̈c ë rap, ayï miɔ̈c ye nyop ëbɛ̈n, acä keek bï gam. Ku na ë we cak A gäm miɔ̈c de miöör cäk cuaai ke ke ye miɔ̈c ke mät, acä keek bï nööm.

Jɔn 9:31

Aŋicku nɔn cïï Nhialic këde kɔc ee kërac looi ye piŋ: ku të riëëuwë raan Nhialic, ku ye këde piɔ̈nde looi, këde aye Nhialic piŋ.

Romai 2:11

Kuëny ee kɔc kuany yiic aliu tëde Nhialic.

1 Pet 1:17

Ku të ya wek Wääda cɔɔl rin, Raan ee löŋ guiir në kë rɔ̈ŋ ke luɔi de raan ëbɛ̈n, ku cïï kɔc ee kuany yiic, ke we rɛ̈ɛ̈r ë aköölkuön ë kɛ̈ny wek ee tënë ke we riɔ̈c.