Malakai 1:4 - JAM DE NHIALIC 2011

⁴ Tɛk däŋ, duëër kɔc ke Edom, dhiën de Ethau, lueel an, “Na cakaa nɔn cï wo riɔ̈ɔ̈kë, wok bï bɛ yïk. Ku kë cï Bɛ̈nydït de rɛm lueel kï an, “Tɛk däŋ bïk keek bɛ nyɔk në yïk, ku abä keek bɛ nyɔk në riäk riääk Ɛn keek, man abï keek aa cɔɔl an kɔc rac, ku cɔl keek an jur ye Bɛ̈nydït gɔ̈th ke keek aɣet athɛɛr.

Malakai 1:4 Iomraidhean Croise

Jop 12:14

Kë cïï Nhialic jäp piny, acïn raan duëër e lëu në yïk, ku raan cï guöör ɣöt, acïn raan duëër e lëu në bïï bei.

Jop 34:29

Na cïï Nhialic lueel bïï ciën kë looi taitai, acïn raan duëër En yiëk yeth gääk. Të wel En enyin wei në raan nɔn ee jur aduëër ciën riɛl.

Jop 9:4

Nhialic apel nɔm ku aril, eeŋa bï mëën ke Yen, ku tiɛɛm?

Diɛt 127:1

Na cie Bɛ̈nydït yen ë yïk ɣöt, ke kɔc yïk luɔiden ee youyou, na cie Bɛ̈nydït yen ë tiit pänydït, ke kɔc tït luɔiden ee youyou.

Diɛt 137:7

Tak Yïnɔm Bɛ̈nydït, në kë cï ë kɔc ke Edom looi, kööl ë peecë Jeruthalem. Tak këdɛn wään yek lueel an, “Jäpkï piny! Jäpkï piny abï riääk taitai!”

Diɛt 33:10

Bɛ̈nydït ee täŋ de juöör riɔ̈ɔ̈k, ku pën keek luɔi looi kek kë cïk kiëët.

Kɛ̈ŋ 21:30

Na cak raan nɔm pɛl ku ye käŋ yökiic ku ŋic kïït, ka cïï kïït de Bɛ̈nydït duëër tiaam.

Yith 10:4

Wek bïï nɔ̈k tɔŋ ku nɔn thel week ke we mac. Cakaa yen ë tɔ̈u aya, agönh de Bɛ̈nydït abï ŋoot ke cïï thök, abï ŋoot ke nu ciin biic ke kɔɔr bï këtuc looi.

Yith 11:14

Keek kedhie abïk Pilithiin aa mak të lɔ aköl athɛ̈i, ku yiɛkkï kɔc rɛ̈ɛ̈r të lɔ aköl amiäk. Ku abïk piiny ke kɔc ke Edom ku Mowap peec, ku abï ë kɔc ke Ammon keek riëëu.

Yith 34:10

Abï dëp aköl ku wakɔ̈u, ku tol abï bɛ̈n bei thïn aɣet athɛɛr. Piny abï tɔ̈u ke cïn kë loi thïn në run juëc, ku acïn raan bï bɛ keny thïn.

Yith 34:5

Bɛ̈nydït acï abätäude kiëët paannhial, ku ënɔɔnë abï Edom yup, kɔc cï ke tɔ ye kɔc bï riɔ̈ɔ̈k.

Jeremia 31:17

Ade aŋäth ë biäk ë wadäŋdu, mïthku abïk bɛ̈n ciëën baai. Acä lueel, Yɛn Bɛ̈nydït.

Jeremia 49:20

Aguɔ kïït de riääk bän Edom jɔ riɔ̈ɔ̈k piŋ, ku piɛŋ kë bä luöi kɔc ke pänydïït de Teman. Acakaa mïthken abïï keek thɛl wei, ku raan ëbɛ̈n abï riɔ̈ɔ̈c aläl.

Jeremia 49:7

Kën ë lueel Bɛ̈nydït de rɛm kï në biäk de Edom an, “Cï kɔc ke Teman nïïm määr në guiëërdɛn piɛth? Cïn kë duëër ë kɔckɛn ee ke jääm lɛ̈k keek, kë bïk looi? Cï pɛlënɔmden ëbɛ̈n jäl tëde keek?”

Jeremia 49:8

Kɔc ke Dedan pɔ̈kkï röt ku katkï! Thiankï röt! Yɛn lɔ mïth kuat de Ethau luöi këtuc, në biäk cï akööl bɛ̈n akööl bän ke luöi këtuc.

Jeremia 5:17

Abïk rɛɛpkun thöl ku ciɛmkï kacaamkun, abïk wɛ̈ɛ̈tkun ku duetkun nɔ̈k. Abïk ɣɔ̈kkun ku thökkun tɛm röt, ku riäkkï tiimkuön ke enap ku tiim ke ŋaap. Pɛ̈ɛ̈nydït cï gël yak keek ŋɔ̈ɔ̈th abïï remdɛn ë abätäu keek riɔ̈ɔ̈k.

Dhiëëu 3:37

Këde piɔ̈n ë Bɛ̈nydït yetök, yen aye looi aköölnyïïn.

Edhekiɛl 11:10

ka wek bï nɔ̈k në tɔŋic pinydun. Ku ëtɛ̈ɛ̈n abïï raan ëbɛ̈n ŋic nɔn ee yɛn Bɛ̈nydït.

Edhekiɛl 25:13

Ënɔɔnë acä lueel nɔn bän Edom luöi këtuc, ku näk raan ëbɛ̈n ayï läi ëbɛ̈n ëtɛ̈ɛ̈n. Abä looi ke ye piny cï pɔ̈l, gɔl në pänydït de Teman leer pänydït de Dedan, ku kɔc abïï keek nɔ̈k në tɔŋic.

Edhekiɛl 25:14

Kɔckiën ke Yithriɛl abïk yɛn guöör në Edom, ku abïk Edom tɔ yök agönhdï tuc në kegup. Yen abïï Edom ye ŋic nɔn cïï yen aa këdiën guöör Ɛn rɔt.” Bɛ̈nydït Awärjäŋ yen aa jam.

Edhekiɛl 26:14

Yɛn bï kur cïn kë nu ë kekɔ̈ɔ̈th nyääŋ piny kapäc, të bïï kɔc ee rec deep boiken aa kɔ̈ɔ̈r thïn. Pänydït acïï bï bɛ nyɔk në yïk. Acä lueel, Yɛn Bɛ̈nydït Awärjäŋ.”

Edhekiɛl 35:4

Yɛn bï pɛ̈ɛ̈nydïtku nyääŋ piny ke ke cï riɔ̈ɔ̈k, ku cï pinydun pɔ̈l, Ëtɛ̈ɛ̈n abä jɔ ŋic nɔn ee Yɛn Bɛ̈nydït.

Edhekiɛl 35:9

Yïn bä tɔ cïn yic kɔc aɣet athɛɛr, ku acïn raan bï bɛ rëër në pɛ̈ɛ̈nydïtku yiic. Ëtɛ̈ɛ̈n abä jɔ ŋic nɔn ee Yɛn Bɛ̈nydït.

Amoth 1:11

Aye Bɛ̈nydït lueel an, “Kɔc ke Edom abä keek luöi këtuc, në biäk de karɛc juëc cïk looi. Arëk abïk kɔc ke Yithriɛl, mïthëkɔcken yɔ̈ɔ̈p në abätɛ̈ɛ̈u, abïk jɔ tïc ëgɔk nɔn cïn en kokdepiɔ̈u tɔ̈u ke keek taitai. Ayek tɔ̈u ke ke diu piɔ̈ɔ̈th aköölnyïïn kedhie. Ku ayek agönhden mukic ananden.

Amoth 3:15

Yɛn bï ɣöötkɛn ë aruöt, ku ɣöötkɛn amäi dhuɔŋ piny. Ɣööt cïk jäm në tuŋ ke akɔ̈ɔ̈n, abä keek jäp piny. Ku ɣöötdïtken abïï keek riɔ̈ɔ̈k. Yen kë cïï Bɛ̈nydït lueel ka.

Amoth 5:11

Ku wek ee kɔc kuanynyïïn yɔŋ, ku ruömkï agamɔden. Ku ënɔɔnë, na cakaa nɔn cä wek ɣöötdït ajämjäm yïk në kuur, wek cï bï rëër thïn. Ku na cakaa nɔn cä wek duum lɛ̈k ke tiim ke enap com, wek cïï mɔ̈nden bï dek.

Amoth 6:11

Ku ënɔɔnë, acï Bɛ̈nydït lueel an bï, ɣöötdït thuöör piny, ku dhoŋ ɣööt kor piny taitai.

Amoth 6:2

Lak tiëŋkï pänydïït de Kalene, ku bɛkï Ɣamath lɔ tïŋ, ku tiëŋkï Gath, pänydïït de Pilithiin. Ŋuänkï në ciɛɛŋ de Juda, ku Yithriɛl? Ku akenden dïït në akendun?

Obadaya 1:1

Nyuuth de Obadaya kï, nyuuth ë nyuth ë yen kë cïï Bɛ̈nydït Nhialic lueel në baŋ de kɔc ke Edom. Bɛ̈nydït acï tunyde tuöc juöör, ku jamde acuk piŋ ke lueel an, “Bäk kïïtku röt! Yïnku tɔŋ kɔc ke Edom!

Obadaya 1:10

“Yïn bï yäär, ku yïn bï nyin riäär anandu, në luɔi wään cïn mïthëkɔckun rum, mïth ke Jakop, ku näk keek.

Malakai 1:3

ku rɛɛc Ethau, ku riääk wundɛn ë kuur, ku ta pinyden dɔ̈ŋ kekë läi roor.

Math 12:30

Raan reec mät ke yɛn, ka de ater ke yɛn, ku raan reec kuëny kekë yɛn ëtök, ka thiëi käŋ wei.