Malakai 1:2 - JAM DE NHIALIC 2011

² Aye Bɛ̈nydït lueel an, “Wek nhiaar. Ku wek ee bɛ lop an, ‘Nhiaar wook adï?’ Ethau ë cie mänhë Jakop? Aguɔ Jakop nhiaar ku lac,

Malakai 1:2 Iomraidhean Croise

Cäk 25:23

Go Bɛ̈nydït lɛ̈k en an, “Juöör kaarou anukï në yïyäc. Ku acuekuön bä dhiëëth abïk keyiic tek, Ku acueek tök abï riɛl awär acueek däŋë. Mɛnh tueŋ abï mɛnh ciëën aa luööi.”

Cäk 25:25

Ago wën tueŋ bɛ̈n ke thith, ku ayuöt guöp cït dɛ̈l de kɔ̈u nhiëm. Ago cäk rin an Ethau.

Cäk 25:26

Ku acueek däŋë aa dhiëth ke muk Ethau mänhë ŋuur. Ago cäk rin an Jakop. Ku Yithaak aaye run thiërdhetem ɣɔn dhiëëth ë keek.

Cäk 27:33

Go Yithaak lath guöp ëbɛ̈n arëët, ku lueel an, “Ka eeŋa ë jɔ läi lɔ nɔ̈k ku yïn ɛn? Yɛn ë rïïŋ cuet në yïnɔm tueŋ ënɔɔnthiinë. Ku thiɛɛi raan ë bïï en. Ka athiɛɛi abï jɔ aa këde anande.”

Cäk 48:4

lëk ɛn an, ‘Yïn bä gäm mïth juëc, ku mïthku abïk aa wuöt juëc. Pinyë abä gäm mïthku tɔkï ee pinyden aɣet athɛɛr.’ ”

1 Mel 10:9

Thieithieei ë Bɛ̈nydït Nhialicdu! Bɛ̈nydït amit piɔ̈u ke yïn, abï yï nyuööc ë thööny de Yithriɛl nɔm. Në luɔi nhiɛɛr ë Bɛ̈nydït Yithriɛl aɣet athɛɛr, yen a tɔ En yïn ee melik, ago löŋ aa guiir në piathëpiɔ̈u ku yic.”

2 Mel 3:8

Na wën ke luel an, “Ee Kueerou bï wok lɔ?” Go Jeɣoram bɛ̈ɛ̈r an, “Wok bï tëëk në kueer ë jɔ̈ɔ̈r de Edomic.”

Yith 43:4

Yɛn bï juöör ke piny pɔ̈l agokï we kony wëi, në biäk nhiaar ɛn we ku gäm we dhuëëŋ.

Yith 63:1

“Eeŋa ë kë bɔ̈yë në pänydïït de Bothera nu ë Edom? Ku eeŋa kë ceŋ lupɔ amujuŋë, raan ril laath ë riɛl.” Ee Bɛ̈nydït, raan dïït ril ee kɔc kony, abɔ̈ bïï tiëmde bɛ̈n lɛ̈k kɔc.

Jeremia 2:31

Kɔc ke Yithriɛl piɛŋkï kë lɛ̈k week. Cä ciët jɔ̈ɔ̈r tëde week, cä ciët mɔ̈ɔ̈th ku piny rac? Eeŋö ya wek en lueel an bäk lui cï kë nhiaarkï ë wepiɔ̈ɔ̈th, ku nɔn cäkkï bï kɔn bɛ̈n ciëën tëde Yɛn?

Jeremia 2:5

Aye Bɛ̈nydït lueel an, “Ee gɔny ŋö cïï kuarkun yiɛ̈n Ɛn? Eeŋö tɔ ke yiɛl röt wei tëde Yɛn? Ayek yiëth cïn naamden lam, ku jɔkï ciën naamden gupken.

Jeremia 31:3

Yɛn cï bɛ̈n tuöl tëde keek tëmec. Kɔc ke Yithriɛl wek cä nhiaar ëceŋ, ku ŋuɔɔt ke we nyuöth nhiëërdiën agɔk.

Amoth 1:11

Aye Bɛ̈nydït lueel an, “Kɔc ke Edom abä keek luöi këtuc, në biäk de karɛc juëc cïk looi. Arëk abïk kɔc ke Yithriɛl, mïthëkɔcken yɔ̈ɔ̈p në abätɛ̈ɛ̈u, abïk jɔ tïc ëgɔk nɔn cïn en kokdepiɔ̈u tɔ̈u ke keek taitai. Ayek tɔ̈u ke ke diu piɔ̈ɔ̈th aköölnyïïn kedhie. Ku ayek agönhden mukic ananden.

Malakai 2:17

Wek ë Bɛ̈nydït nuaan në jam. Ku wek ee lop an, “Cuk nuaan adï? Acäk nuaan në luɔiduön ya wek en lueel an, “Kɔc ee karɛc looi ëbɛ̈n, kek aye kɔc piɛth tëde Bɛ̈nydït. Ku luɛlkï an, ye Bɛ̈nydït piɔ̈u miɛt ke keek. Ku ayï lop ya wek lop ayadäŋ an, “Nu Nhialic ë nou, Nhialic de yic?

Luk 10:29

Go kɔɔr luɔi bï en rɔt kɔl, en ee raanë, ku jɔ Yecu thiëëc an, “Ku raan rɛ̈ɛ̈r ke yɛn yen eeŋa?”

Jɔn 15:12

Kënë ee kë thɔ̈n week an: nhiaarkï röt, cït man cän week nhiaar.

Nyöŋ 10:15

Ku Bɛ̈nydït anhiaar kuarkun aläldïïtë, ago week lɔc ku cï kɔc kɔ̈k lɔc, ku wek ŋoot ke we ye kɔckɛn cï lɔc.

Nyöŋ 23:5

Ku Bɛ̈nydït Nhialicdun akën jam de Balaam bɛ̈n piŋ, go aciɛɛn puk tɔ ye athiɛɛi, në biäk nhiɛɛr En week.

Nyöŋ 33:3

Bɛ̈nydït anhiaar kɔcke, ku ee kɔc ke nɔmde gël Agoku wonïïm guöt piny në yecök, ku rïïuku lööŋke.

Nyöŋ 4:37

Ku në biäk nhiɛɛr En kuarkun, ku lɔc week në kecök, ku bïï wek bei guöpde piny de Rip në riɛldɛndït.