Mak 9:50 - JAM DE NHIALIC 2011

⁵⁰ “Amilɔ yen apiɛth: ku na cï amilɔ guɔ liɛɛr ë thuat, bäk tɔ wac ë ŋö? Yak dɛ amilɔ ë weyiic, ku yak rëër ëdïu wapäc.”

Mak 9:50 Iomraidhean Croise

Jop 6:6

Kuïn lir cïnic amilɔ, de raan ee ye cam? Ku de miɛt ee yök në kë ɣeer nu mään ë tuɔŋ kɔ̈u?

Diɛt 133:1

Ee këpiɛth cït ŋö, ee kë diik cït ŋö, luöi ye kɔc ke Nhialic rëër ëtök ë mätic!

Diɛt 34:14

Päl kërac ku loi këpiɛth, ye mät kɔɔr në piɔ̈ndu ëbɛ̈n.

Edhekiɛl 43:24

ku yiɛ̈në keek yɛn. Bɛ̈ny ke kake Nhialic abïk amilɔ pɔɔr ë kekɔ̈ɔ̈th, ku nyopkï keek ke ke ye miɔ̈c gëmkï Yɛn.

Math 5:13

Wek ee amilɔ de piny nɔm, ku të cï amilɔ guɔ liɛɛr ëthuaat, ke bï bɛ wac adï? Acïn piathdɛn be nu, ee kë ye cuat wei tei, ago dum ë kɔc cök.

Mak 9:34

Gokï lɔ lik: luɔi ee yen dït en ë teerkï kapäc kueer.

Mak 9:49

Raan ëbɛ̈n abï tɔ wac ë mac, ku kë cï lam ëbɛ̈n ku näk abï tɔ wac ë amilɔ.

Romai 12:18

Të lɛ̈u wek rëër ëmääth në kɔc kedhie, ke we them rëër bä wek rëër.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

Galatai 5:22

Ku ka cï luɔk ë Wëidït, kek aye nhiëër, miɛtëpiɔ̈u, mät, guöm de kajuëc, ŋiëc rëër ëmääth, dhuëëŋ, dön ë käŋ,

Epethiei 4:29

Ë cïn jam nhiɛɛny ee bɛ̈n bei ë wethook, ë ye jam piɛth etök, jam duëër kɔc kueet ë kë dak keek, ke kɔc piŋ en ke ke bï dhuëëŋdepiɔ̈u yök.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Kolothai 3:12

Yen dam wek piɔ̈n ë dap kok, cït kɔc cïï Nhialic lɔc, kɔc ɣeriic ku nhiaar ke, ku damkï dhuëëŋ, ku piɔ̈n koor, ku kuur ee raan rɔt kuɔɔr piny, ku rëër ëmääth, ku guöm de kajuëc.

Kolothai 4:6

Yak jamdun tɔ cath ke dhuëëŋdepiɔ̈u anandun cït man ë kuïn cï wac ë amilɔ, ke we bï këde raan ëbɛ̈n ŋiëc bɛ̈ɛ̈r apiɛth.

1 Theth 5:13

Aguɔkï ke aa riëëu aläldïïtë ku nhiaarkï keek në biäk de luɔiden. Ku yak ŋiëc rëër ë röt apiɛth.

2Tim 2:22

Ye kat ë karɛc kɔɔr dhuök: ku ye piathëpiɔ̈u cop, ku cop gäm, ku nhiëër, ku mät, në kɔc ëtök kɔc ee Bɛ̈nydït cɔɔl në piɔ̈n awai.

Ɣeberuu 12:14

Yïn wekë kɔc rɛ̈ɛ̈r wek ëtök, yak them në luɔi bä wek aa rëër në rëër ɣeric ku mät. Na kɛ̈nkï wepiɔ̈ɔ̈th tɔ ɣer ke we cïï Bɛ̈nydït bï tïŋ.

Jakop 1:20

agönh ë raan acïï piathëpiɔ̈u ë Nhialic ee looi.

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.