Mak 9:47 - JAM DE NHIALIC 2011

⁴⁷ Ayïk yïnyin, të tɔ en yï loi kërac, ke tukë bei: aduëër ŋuɛ̈ɛ̈n tëde yïn, të le yïn ë ciɛɛŋ de Nhialic yic wekë nyin tök, në luɔi bï yïn cath we nyïïn kaarou, ku bï yï cuat ë giɛnayic,

Mak 9:47 Iomraidhean Croise

Cäk 3:6

Ago tik tim tïŋ ke läk, tim röŋ ë mïthke në cäm, ku ye tim bï kɔc tɔ ŋic käŋ. Ago meth tet ku ciɛm, ku gëm biäk monyde. Go monyde cam ayadäŋ.

Jop 31:1

Yɛn cï gutguut lueel cïn nyan dhueny bä woi në yapiɔ̈u,

Diɛt 119:37

Gël yɛn ë luɔi bän yapiɔ̈u wël kërac, tɔ rɔt piath wekë yɛn, cït man cïï yïn gutguut lueel.

Math 18:9

Ku yïnyin, të cï en yï tɔ loi kërac, ke ŋuöötë bei, ku cuatë wei, luɔi bï yïn lɔ të nu pïïr, ke yï cath we nyin tök, yen aŋuän tëde yïn, në luɔi bï yï cuat ë giɛna de yic mac, ke yï cath we nyïïn kaarou.

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Mak 9:43

Ku na yïcin, të tɔ en yï loi kërac, ke tɛɛmë wei: aduëër ŋuän tëde yïn, të le yïn tëde pïïr ke yï cïn ciin tök, në luɔi bï yï cath we cin kaarou, ago lɔ giɛnayic (en aye tërac ëtaiwei) tëde many cïï duëërë lëu në näk anande,

Mak 9:46

të cïï thiënde ee thou, ku cïï mac ë nɔ̈k anande.

Luk 14:26

“Na bɔ̈ raan tëde yɛn, ku cïï wun man, ku cïï man man, ku cïï tiiŋde man, ku mïthke, ku mïthëkɔcken, ku nyïïrëkɔcken, yeka, acakaa wëiken guöp ayadäŋ, ka cïï duëër aa raandiën ë piööcë.

Jɔn 3:3

Go Yecu puk nɔm an, “Yïn yɔ̈ɔ̈k ëyic an, të kënë raan bɛ dhiëëth, ka cïï ciɛɛŋ de Nhialic duëër tïŋ.”

Jɔn 3:5

Go Yecu puk nɔm an, “Yïn yɔ̈ɔ̈k ëyic an, të kënë raan dhiëëth në pïïu kekë wëi, ka cïï duëër lɔ ë ciɛɛŋ de Nhialicic.

Galatai 4:15

Athiɛɛiduön wään cï guɔ lɔ nou? Yɛn ee cäätɔdun ë cöökë an, tëë cäk lëu ë luɔi, adï cäk wenyïïn tuök bei, yiɛ̈nkï keek yɛn.