Mak 9:24 - JAM DE NHIALIC 2011

²⁴ Go wun meth cööt ënɔnthiinë, go pïïu lony ë yenyin, ku lueel, an, “Acä gam, Bɛ̈nydït, kony ɛn në kuny kuöc ɛn gäm!”

Mak 9:24 Iomraidhean Croise

2 Tham 16:12

Tɛk däŋ bï Bɛ̈nydït piɔ̈u kok kekë yɛn, ku gëm ɛn këpiɛth në biäk cïï Cimei yɛn cieen!”

2 Mel 20:5

an, “Pɔ̈kë yïnɔm Ɣedhekia melik de kɔc ke Bɛ̈nydït, ku lɛ̈kë yen an, ‘Yɛn Bɛ̈nydït Nhialic de kuaar Debid, Yɛn cï lɔ̈ŋdu piŋ, ku tiëŋ dhiënduön cïï yïn dhiau. Yïn bä tɔ waar guöp. Në kööl ë diäk yïn bï lɔ Luaŋdït ë Bɛ̈nydït.

Diɛt 126:5

Tɔ kɔc ee dhiau të com kek duumken, tɔ keek tem rɛɛpken në miɛtëpiɔ̈u!

Diɛt 39:12

Piŋ lɔ̈ŋdï Bɛ̈nydït, ku piŋ dhiëndï, bä kony ɛn të dhiaau ɛn. Yɛn ee kamandu në akööl liiakäŋ, cït man cïï kuarkuɔ kɔn keny.

Jeremia 14:17

Bɛ̈nydït acï yɛn yɔ̈ɔ̈k bä kɔc lɛ̈k jiɛthëpiɔ̈ndï, ku guɛɛr an: “Në ya wat nyin në pïïu aköl ku wakɔ̈u, në ya cïï kääc ë dhiëëu, në biäk cïï kɔckï yiëk gup bɔ̈ɔ̈tdït, ku acï ke gäm gup tëtöök.

Mak 9:23

Go Yecu yɔ̈ɔ̈k an, “Të ŋic yïn gäm! Käŋ ayek lëu kedhie tëde raan ë gäm.”

Mak 9:25

Na wën, aacï Yecu kut ë kɔc tïŋ nɔn bï kek ë ke riŋ ëtök, ke jäny jɔŋ rac yöök an, “Yïn jɔŋ miŋ cïn thok, yïn yɔ̈ɔ̈k an, Bä bei, ku du be lɔ ë yeguöp!”

Luk 17:5

Go tuuc Bɛ̈nydït yɔ̈ɔ̈k an, “Ŋuak gämda nyin.”

Luk 7:38

bï ku kɛ̈ɛ̈c ë yecök ciëën ke dhiau, ku gɔl ë wɛ̈k ëcök ë pïïu ke nyin, ku jɔ ke weec ë nhïm ke yenɔm, ku ciim cök, ku tɔc keek ë miök cï tumëtum.

Luk 7:44

Go yenɔm wɛ̈l tik, ku yöök Thimon an, “Cï tiiŋë tïŋ? Yɛn ë bɛ̈n ɣöndu, ku yïn kën a gäm pïïu waak ɛn ke yacök: ku tiiŋë acï a waak cök ë pïïu ke nyin, ku weec keek ë nhïm ke yenɔm.

Luɔi 10:19

Ku të ŋoot Petero kë ciët kë cï tïŋ e yepiɔ̈u, ke yöök ë Wëidït an, “Tïŋ, ade kɔc kɔɔr yïn kadiäk.

Luɔi 10:31

ku lueel, an, ‘Korunelio, lɔ̈ŋdu acï piŋ, ku miɔ̈cduön ë kɔc kuanynyïïn amuk ë Nhialic ë yepiɔ̈u.

2 Kor 2:4

Acä gäär week wään wokë pïïu juëc ë yanyin ë këdïït dhal ɛn, ku jiɛthëpiɔ̈u, acie luɔi bä wek piɔ̈ɔ̈th dhiau, ë luɔi bä wek nhiëërdï ŋic nhiëër nhiaar ɛn week awär këriëëc.

Epethiei 2:8

Ee dhuëëŋdepiɔ̈u en acï week kony wëi, në gäm, ku acïï bɔ̈ tëde week: ee miɔ̈c de Nhialic:

Pilipoi 1:29

Acï aa këdun ë biäk aa wek Kërthiaan, acie luɔi bä wek këde Kërtho gam tei, ee luɔi bä wek kërac aa guum aya në biäkde.

2 Theth 1:11

Yen aye wok cool ë lɔ̈ŋ në biäkdun ë aköölnyïïn kedhie aya, ke Nhialicda bï week tɔ rɔ̈ŋ në cɔ̈t cï we cɔɔl, ago kë ye kɔɔr në piath ë yenpiɔ̈u thöl ëbɛ̈n, ku thöl luɔi de gäm në riɛldït,

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

2Tim 1:4

Ciët aa yɛn a nɔm cät ë pïïu ke yïnyin, yen aa ya yɛn yïn tak aläl, adï tiëŋ yïn, ke ya bï piɔ̈u miɛt abä piɔ̈u a yum.

Ɣeberuu 12:17

Ku week aŋiɛckï ëgɔk, wään ciëën jɔ yen e kɔɔr luɔi puk en athiɛɛide nɔm tëde wun, ke yök ke cï thök ë jöt acïn kueer be yen kë cï looi lëu, na cak bɛ dhiau në dhiën de yic puŋëpiɔ̈u ka cï guɔ jäl.

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.