Mak 9:20 - JAM DE NHIALIC 2011

²⁰ Gokï bɛ̈ɛ̈i të nu Yecu. Na wën, aacï jɔŋ rac Yecu tïŋ, ke jɔ meth tɔ lɔ juɔ̈kläŋ, go meth wïïk, ku dɛɛl rɔt piny abï ayɔ̈k gut ë yethok.

Mak 9:20 Iomraidhean Croise

Mak 1:26

Na wën, aacï jɔŋ rac raan tɔ lɔ juɔ̈kläŋ, ke jɔ cööt ë röl dït, ku bïï bei ë yeguöp.

Mak 9:18

Ku të de en të dɔm en en, ke deeny piny: ago ayɔ̈k gut ë yethok, ku reem e lec, go lɔ ke nɔl: guɔ lɛ̈k kɔckuön ë piööcë luɔi bï kek e cieec, ku akënkï lëu ë ciëc.”

Mak 9:19

Go bɛ̈ɛ̈r, lueel an, “Rem reec gäm oou! Bä ceŋ ë weyiic ë run kadï? Bä këdun guum ë run kadï? Bɛ̈ɛ̈ikï të nuö yɛn!”

Mak 9:21

Go wun thiëëc an, “Ye run dï run ë dɔmë kënë ye?” Go lueel an, “Të wään ee yen meth.

Mak 9:26

Go jɔŋ rac kiiu, ku tɔ meth lɔ juɔ̈kläŋ, ku jɔ bɛ̈n bei: arëk abï ë tëdït ë kɔc juëc e lueel an, “Raan acï thou!”

Luk 4:35

Go Yecu jɔ̈ɔ̈ny an, “Mim, ku bä bei ë yeguöp.” Na wën, ke jɔŋ rac jɔ raan wit ë kɔc yiic cil, ku jɔ bɛ̈n bei ë yeguöp, ku kën yiëk tëtök.

Luk 8:29

Acï jɔŋ rac kɔn yɔ̈ɔ̈k an, Bä bei ë raan guöp. Aa ye cool ë dɔm en e: go aa rek kuɛɛt ku joth, ku jɔ aa tiit, ku jɔ ka ye ke yen mac aa dhoŋ, ku ye jɔŋ rac thɛl ë jɔ̈ɔ̈ric.

Luk 9:39

Ku tïŋ, aye jɔk dɔm, go dap röl ëthiäu, aye tɔ lɔ juɔ̈kläŋ, abï ayɔ̈k gut ë yethok, ku acie dap pɔ̈l, aye kɔn bɔ̈ɔ̈t guöp.

Luk 9:42

Na wën, të ŋoot en ke bɔ̈, ke witë jɔŋ rac piny, ku tɔ lɔ juɔ̈kläŋ arëët. Go Yecu jɔŋ rac jɔ̈ɔ̈ny, ku tɔ meth waar, ku jɔ bɛ yiɛ̈n wun.

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

1 Pet 5:8

Yak röt tiit, yak yïn: raan de ater ke week, yen aye jɔŋdït rac, ee cool ë ciɛɛth piny, cït man ë köör ee kïïu, ke ye raan bï cuääl kɔɔr.