Mak 8:35 - JAM DE NHIALIC 2011

³⁵ Raan ëbɛ̈n raan kɔɔr luɔi bï en wëike kony, ka bï wëike mɔ̈ɔ̈r, ku raan ëbɛ̈n raan bï wëike mɔ̈ɔ̈r në biäkdï, ku në biäk de wëlpiɛth, ka bï wëike kony.

Mak 8:35 Iomraidhean Croise

Wɛ̈ɛ̈t 3:6

Ade kööl ë kɔ̈ɔ̈r ë käŋ, ku kööl ë päl ë käŋ, ade kööl ë muk ku kööl ë cuɛt wei.

Math 10:22

Ku we bï maan ë kɔc kedhie në baŋ de rinkï, ku raan ë yepiɔ̈u ruut aɣet të bï käŋ thök, yen abï kony wëi.

Math 10:39

Raan yök wëike abï wëike mɔ̈ɔ̈r, ku raan mär wëike në biäkdï abï wëike yök.

Math 16:25

Raan ëbɛ̈n raan kɔɔr luɔi bï en wëike kony, ka bï ke mɔ̈ɔ̈r, ku raan ëbɛ̈n raan mär wëike në biäkdï, ka bï ke yök.

Math 19:29

Ku raan ëbɛ̈n raan cï ɣööt nyääŋ piny, ku nyiëëŋ mïthëkɔcken piny, ayï nyïïrëkɔcken, ayï wun, ayï man, ayï tiiŋde, ayï mïthke, ayï duumke, në biäk de rinkï, ka bï käŋ yök ka cï ŋuak nyïïn raanbɔt, ku abï pïïr athɛɛr lɔ̈ɔ̈k lak.

Mak 8:36

Ku piathde akɔ̈u tëde raan, të ciɛm en piny nɔm ëbɛ̈n, ku mɛ̈ɛ̈r wëike?

Luk 17:33

Raan kɔɔr luɔi bï en wëike kony, ka bï ke mɔ̈ɔ̈r, ku raan mär wëike, ka bï ke kony.

Luk 9:24

Raan kɔɔr luɔi bï en wëike kony, ka bï ke möör, ku raan mär wëike në biäkdï, yen abï wëike kony.

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Luɔi 21:13

Go Paulo bɛ̈ɛ̈r an, “Eeŋö luɔikï wäkya, abäk a tɔ cuän piɔ̈u në dhiëndun? Acie mäny mɛcë ya ë Jeruthalem en gam etök, ayï thuɔɔu acä gam aya, në baŋ de rin ke Bɛ̈nydït Yecu.”

Luɔi 9:16

Ku abä nyuöth kajuëc bï dhil guum në baŋ de rinkï.”

1 Kor 9:23

Ku yɛn ee kënë looi në baŋ de wëlpiɛth, ke yɛn bï dɛ këdï thïn.

2 Kor 12:10

Yɛn a ya yɛn ë piɔ̈u miɛt ë kɔ̈c kääc ɛn, ku në lɛ̈ɛ̈t ee ya läät, ku në dak aa yɛn dak ë käŋ, ku në yöŋ ee ya yɔŋ, ku në dhäl ee käŋ a dhal, në biäk de Kërtho: kööl kääc ɛn en aye kööl riɛl ɛn.

2Tim 1:8

Yen du yïn ee yäär në jam de Bɛ̈nydïïtda jam ee cäätɔɔ lueel, ku du yäär në këdï yɛn ee raandɛn cï mac: ye katuc guum wekë yɛn ëtök në biäk de wëlpiɛth në riɛldïït ë Nhialic.

Ɣeberuu 11:35

Ee kueer ë gäm de yic aŋäth yen aa tɔ diëër kɔ̈k tɔ pukë nïïm kɔc nhiaarkï, ɣɔn cï kɔn thou ku be ë ke tɔ pïïr. Kɔc kɔ̈k ë keek aake jiëi nɔmlääu agokï thou, kɔ̈k aake luc në ɣööt ke dömiic, në luɔi bï kek këpiɛth yök në kööl ë jön ë rɔt bï kɔc bɛ pïïr në pïïr piɛth cïï kɔ̈u bï tɛɛm.

Nyuuth 12:11

Gokï tiaam në riɛm de Nyɔŋamääl, ku në jamdɛn cïk lueel ke ke ye cäätɔɔ, ku kënkï wëiken tak a thou kek.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.