Mak 8:34 - JAM DE NHIALIC 2011

³⁴ Go kut ë kɔc cɔɔl kekë kɔckɛn ë piööcë, ku yöök keek an, “Na de raan kɔɔr luɔi bï en a biɔɔth cök, ë ye rɔt nyɔ̈ŋ, ku jɔt timdɛn cï rïïu nɔm, ku jɔ a kuany cök.

Mak 8:34 Iomraidhean Croise

1 Mel 14:8

Yɛn cï ciɛɛŋ bɛ̈ɛ̈i bei në käu de Debid cin ku gäm yïn, ku yïn kën bɛ ciët Debid awundï ku döt lööŋkï, ku ye yic looi në Yanyin.

Kuɛ̈n 14:24

Ku në biäk nu Kalep, awundï ke wuöc ke keek, ku ŋoot ke riëëu Ɛn, abä bɛ̈ɛ̈i piny wään cï lɔ caath, ku piny abï lɔ̈ɔ̈k aa piny de mïthke.

Math 10:38

Ku raan reec timde jɔt, tim cï rïïu nɔm, ku reec a biɔɔth cök, ka cïï rɔ̈ŋ kekë yɛn.

Math 16:24

Na wën, ke Yecu yöök kɔckɛn ë piööcë an, “Na de raan de piɔ̈u luɔi bï en a kuany cök, ke nyäŋ rɔt, ku jɔt timdɛn cï rïïu nɔm, ku biɔɔth a cök.

Math 27:32

Na wën, alek biic, ke ke yök raan ë Kurene, cɔl Thimon, gokï dhil tɔ jɔt timdɛn cï rïïu nɔm.

Mak 10:21

Na wën, ke woi Yecu guöp, ku nhiɛɛr, go yɔ̈ɔ̈k an, “Ee tök en a dak yïn: lɔ, ɣaacë kaku kedhie, ku miɔc kɔc kuanynyïïn, ke yïn bï dɛ wëu piɛth paannhial: ku bä, jɔt timduön cï rïïu nɔm, ku kuany a cök.”

Mak 7:14

Go kut ë kɔc ëbɛ̈n cɔɔl të nu yen, ku jɔ ke yɔ̈ɔ̈k an, “Piɛŋkï këdï week wedhie, ku mɔ̈kkï wepiɔ̈ɔ̈th:

Luk 13:24

“Yak cök ë thɛm wek en arëët luɔi bä wek tëëk ë kalthok thoŋ kooric: wek yɔ̈ɔ̈k an, kɔc juëc abïk lɔ thïn kɔɔr, ku acïkï bï lëu.

Luk 14:33

Yen acït week aya, raan ëbɛ̈n ë weyiic raan cïï kake päl kedhie, ka cïï duëër a raandiën ë piööcë.”

Luk 18:22

Na wën, aacï Yecu kakë piŋ, ke jɔ yɔ̈ɔ̈k an, “Ee tök tei yen ŋoot ke dak yïn. Jɔ kaku ɣaac kedhie, ku tɛ̈kë ke kɔc kuanynyïïn, ke yïn bï dɛ wëu paannhial: ku jɔ bɛ̈n, kuany a cök.”

Luk 20:45

Na wën, ke yöök kɔckɛn ë piööcë abï kɔc piŋ kedhie an,

Luk 9:23

Go keek yɔ̈ɔ̈k kedhie an, “Na de raan de piɔ̈u luɔi bï en a kuany cök, ë ye rɔt nyɔ̈ŋ, ku ye timdɛn cï rïïu nɔm jɔt ë aköölnyïïn, ku kuɛny a cök.

Jɔn 10:27

Thökkï ayek röldï piŋ, ku aŋiɛc keek, ku yek a kuany cök:

Jɔn 19:17

Go lɔ biic, ke ɣɛ̈ɛ̈c timdɛn cï rïïu nɔm, le të cɔl Apet, ee të cɔl Golgotha në thoŋ ë Ɣeberuu:

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Romai 6:6

Aŋicku nɔn cï raandan thɛɛr piäät ë tim cï rïïu nɔm kɔ̈u kekë yen ëtök, ke guöp de kërac bï riääk, agoku cuö be aa lïïm ke kërac,

Romai 8:17

Ku tën ee wok mïth, ke wo bï käŋ lɔ̈ɔ̈k lak, wok ee mïth bï ka ke Nhialic lɔ̈ɔ̈k lak, ku löökku käŋ rɔm ë Kërtho ëtök, na yok käŋ guum në yen ëtök, ke wo bï gäm dhuëëŋ ëtök.

1 Kor 15:31

Yeka, në lɛc aa yɛn rɔt leec ë këdun ë Kërtho Yecu Bɛ̈nydïïtda yic, ee yic en luɛɛl an, Yɛn ee cath ke ya cï thou ë aköölnyïïn kedhie.

1 Kor 8:13

Yen na ye rïŋ mɛnhkäi tɔ wäc käŋ, ka cïn rïïŋ bä ya cam anandï, ke ya cïï mɛnhkäi bï aa tɔ wäc käŋ.

1 Kor 9:19

Acakaa yɛn ë cath ë këde yenhdï ë kɔc yiic kedhie, ke yɛn cï rɔt tɔ ye lïm de kɔc kedhie, luɔi bän kɔc juëc dɔm.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Galatai 5:24

Ku kɔc wën ë ya kɔc ke Kërtho acïk guöp piäät ë tim cï rïïu nɔm kɔ̈u kekë kak ee guöp kɔɔr ëtök, ayï ŋɔ̈ɔ̈ŋ ë ye dɔm.

Galatai 6:14

Ku yɛn, lɛc bän rɔt leec aliu ëtaiwei, ee këde tim cï rïïu nɔm etök, tim de Bɛ̈nydan Yecu Kërtho, raan cï ka ke piny nɔm tɔ piëëtë ëtim kɔ̈u tëde yɛn, ku piëëtë ya ë tim kɔ̈u tëde ka ke piny nɔm.

Pilipoi 3:10

ku luɔi bän e ŋic, ku ŋiɛc riɛl dïït ë jöndɛn cï en rɔt jɔt, ku ŋiɛc röm bän ka cï guum rɔm wokë yen ëtök, aguɔ guöp kït wokë yen në thon cï en thou,

Pilipoi 3:7

Ku ka de naamdɛn dït tëde yɛn wään, kek acä ke tɔ ye riääk tei në biäk de Kërtho.

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

2 Theth 3:11

Luɔi cï wok e piŋ nɔn de kɔc kɔ̈k ë weyiic kɔc kuc rëër ku yek adaakrɔt, ku cïkï ee luui ananden, ku yek röt gap ë luɔi de kɔc kɔ̈k yiic.

Tito 2:12

Ee wo wɛ̈ɛ̈t an, buk kuny kuc Nhialic riëëu jäi, ku jiëikï ŋɔ̈ɔ̈ŋ de ka ke piny nɔm, agoku rëër ke wo ye nïïm tiëër, ku piɛthku piɔ̈ɔ̈th, ku yok Nhialic riëëu ee pinyë nɔm ënɔɔnë,

Ɣeberuu 13:13

Yen kë duëër wok lɔ ka në wut këc biic, lok ayäär rɔm në yen ëtök.

1 Pet 4:1

Ku ënɔn cï Kërtho käŋ guum ë biäkda ë yeguöp, ke week aya, yak wepiɔ̈ɔ̈th tɔ thöŋ ë piɔ̈nde, raan cï käŋ guum ë yeguöp acï guɔ pɔ̈k ke kërac.

1 Pet 4:13

Yak piɔ̈ɔ̈th miɛt, në röm ram wek ka cï Kërtho guum në yen ëtök, na miäk, të cï dhuëëŋde rɔt nyuɔɔth aya, ke we bï piɔ̈ɔ̈th miɛt abäk piɔ̈ɔ̈th a yum.

2 Pet 1:14

Në ŋïny ŋiɛc ɛn en, an, kööl bän dhil pɔ̈k wokë guöpdï ë guɔ thiɔ̈k, cït man cï Bɛ̈nydan Yecu Kërtho e nyuöth ɛn.

1 Jɔn 3:16

Kë ŋicku nhiëër kï, gɛm cï en wëike gaam në biäkda: ku wo duëër wëikuɔ dhil gaam në biäk de mïthëkɔckuɔ.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.