Mak 7:7 - JAM DE NHIALIC 2011

⁷ Lam ee kek a lam ee ɣɔ̈ric tei, Ku wëëtdɛn ee kek wëët ee lööŋ ke kɔc tei!’

Mak 7:7 Iomraidhean Croise

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Malakai 3:14

Acäk lueel an, luɔi luui ë raan Nhialic ee kë cïn naamde, eeŋö buk yök të lueel wok en an loiku ka cï lueel an loi keek? Ku eeŋö buk yök të nyuth wok röt Bɛ̈nydït de rɛm nɔn cï wok piɔ̈ɔ̈th diu në karɛc cuk looi?

Math 15:9

Läm lɛm kek ɛn ee këɣɔ̈ric tei, Na wëët ee kek kɔc wɛ̈ɛ̈t ë lööŋ ke kɔc tei.

Math 6:7

Ku të läŋ wek, duökï wël ë nyɔ̈ɔ̈kic në ɣɔ̈ric, cït man ë juöör kuc Nhialic, ayek lueel ë kepiɔ̈ɔ̈th an, bï këden aa piŋ në baŋ de jam juëc luelkï.

1 Kor 15:14

ku të kënë Kërtho rɔt jɔt, ke guiëër guiir wok wël ee këɣɔ̈ric, ayï gäm gäm wek ee këɣɔ̈ric ayadäŋ.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

Nyöŋ 12:32

“Luɔikï këriëëc cä lɛ̈k week ëbɛ̈n, duökï de ka bäk ŋuak thïn ku duökï de kë bäk bɛ̈ɛ̈i bei thïn.

Kolothai 2:22

(Kake kedhie ee ka bï dhiap në luɔi looiyë raan keek), ayek lööŋ ke kɔc tei, ku wëët e kɔc?

Tito 3:9

Ku kääcë ya në lop ee kɔc luɔp ë ɣɔ̈ric, ku jam në këde kuarken ë kɔc, ku ateer, ku teer ee kɔc teer në këde löŋ, kakë acïn këpiɛth ee yök thïn, ee ka ɣäär yiic.

Jakop 1:26

Na de raan ë weyiic raan cït kë riëëu Nhialic, ku cïï yeliep ee dɔm, ku ee yepiɔ̈u math tei, ke riëëu riëëuwë raanë Nhialic ee këɣɔ̈ric.

Jakop 2:20

Ku yïn, yïn raan ɣɔ̈ric, de yïpiɔ̈u luɔi bï yïn cöökë ŋic an, Gäm cïn luɔi cath kekë yen ë thou?

Nyuuth 22:18

Yɛn lëk raan ëbɛ̈n raan ë wël cï guiir piŋ wël ke awerekë yic, an, Na de raan bï wëlkë ŋuak ë wël kɔ̈k, yen abïï Nhialic ŋuak ë riääk cï gɔ̈ɔ̈r ë awerekë yic.

1 Tham 12:21

Duökï yiëth ee kɔc math kuany cök, acïkï week bï kony ku acïkï week bï gël, në biäk ee kek lueth.