Mak 7:6 - JAM DE NHIALIC 2011

⁶ Go ke yɔ̈ɔ̈k an, “Ee yic en kë wään lueel tiët Yithaya në këdun, wek kɔc de yäc aguk, cït man cï ë gɔ̈ɔ̈r an, ‘Kɔckë ayek a riëëu ë kethook, Ku ameckï piɔ̈ɔ̈th në yɛn.

Mak 7:6 Iomraidhean Croise

Yith 29:13

Acï Bɛ̈nydït lueel an, “Kɔckë ayek röt tɔ ye kɔc lam ɛn, ku jamden ee ɣɔ̈ric, ku piɔ̈ɔ̈thken anukï tëdäŋ pei. Ka yek theek ee lööŋ ke kɔc tei, ku ciɛɛŋ thɛɛr, ka cïk keek tääu ë kenïïm.

Edhekiɛl 33:31

Ka kɔckï ayek kenïïm kut ke ke kɔɔr bïk kë bä lueel piŋ, ku acïkï kë cï lɛ̈k keek bïk looi ee looi. Wël ke nhiëër në kethook, ku ayek ŋoot ke ke cath në kuɛɛrkɛn ke dït de piɔ̈u yiic.

Jɔn 15:24

Tëë ya kën käŋ looi e keyiic, ka kënë raan däŋ looi, adï cïn kërac ë keyiëth: ku ënɔɔnë acïk wo tïŋ ku mankï wo gup wokë Wäär waarou.

Jɔn 5:42

Ku wek ŋiɛc, nɔn liiuwë nhiëër ë Nhialic ë weyiic.

Luɔi 28:25

Na wën, akën jamden rɔ̈m, ke ke jɔ jäl, të cï Paulo jam tök lueel, an, “Ee yic yen kë cïï Wëidït ɣer lɛ̈k wärkuɔ në tiët Yithaya,

2Tim 3:5

kɔc ee röt tɔ cït ka cath në riëëu de Nhialic, ku yek riɛlde jai. Ye rɔt yal wei ë kɔckë lɔ̈m.

Tito 1:16

Ayek lueel an, ŋickï Nhialic, ku yek jäi në luɔiden, ee kɔc rac ëtaiwei, ayek löŋ rɛɛc piŋ, ku cïnkï naamden në luɔi piɛth ëbɛ̈n.