Mak 6:41 - JAM DE NHIALIC 2011

⁴¹ Na wën, ke kuany kuïïn cï pam wën kadhïc ku rec kaarou, go tënhial lieec, ku leec Nhialic, go kuïïn cï pam wääk yiic: ku yïn ke kɔcpiööcë bïk ke lɔ tääu ë kɔc nïïm, ku jɔ rec kaarou tɛ̈k keek kedhie.

Mak 6:41 Iomraidhean Croise

Math 14:19

Go kut ë kɔc yɔ̈ɔ̈k an, “Bïk nyuc ë wal nïïm, ku nöm kuïïn cï pam kadhïc, ku rec kaarou, go nhial lieec, ku lueel, an, “Thieithieei, go kuïïn wääk yiic, ku gëm ke kɔcpiööcë, go kɔcpiööcë ke gäm kut ë kɔc.

Math 15:36

Na wën, ke nöm kuïïn cï pam kadhorou, ku rec, ku jɔ lëk Nhialic thieithieei, ku wɛ̈ɛ̈k ke yiic, ku gëm keek kɔckɛn ë piööcë, go kɔcpiööcë ke yiɛ̈n kut ë kɔc.

Math 26:26

Na wën, aa ciëmkï, ke Yecu ë kuany kuïn cï pam, go thieei, ku wɛ̈ɛ̈kic, ku yïn kɔcpiööcë, lueel an, “Nämkï, camkï, guöpdï kï.”

Mak 14:22

Na wën, aa ciëmkï, ke nöm kuïn cï pam, go thieei, ku wɛ̈ɛ̈kic, ku jɔ gäm keek, lueel an, “Ŋäkï camkï: guöpdï kï, ee kënë.”

Mak 6:40

Gokï nyuc ë ke deyiic aber, ee dɛ aber de bɔt, ku de aber de thiërdhïc.

Mak 6:42

Gokï cam kedhie, abïk kuɛth.

Mak 7:34

Na wën, ke liec paannhial, ku wëi arëët, ku yöök an, “Epatha,” an, “Liep rɔt!”

Mak 8:19

Wään wääk ɛn kuïïn cï pam yiic kadhïc ë aguum kadhïny de kɔc yiic, cäk diööny kuany kadiaa, diööny cï thiäŋ në kak athueithuei?” Gokï lueel an, “Thiëër ku rou.”

Luk 24:30

Na wën, aacï nyuc ke keek tën ee cam, ke nöm kuïn cï pam, leec Nhialic, ku wɛ̈ɛ̈kic, ku gëm keek.

Luk 9:16

Na wën, ke kuany kuïn cï pam kadhïc ku rec kaarou, ku jɔ tënhial lieec, go ke thieei, ku wɛ̈k keyiic, gëm ke kɔcpiööcë, bïk ke lɔ tääu ë kut ë kɔc nïïm.

Jɔn 11:41

Gokï kuur nyaai, të wën cï raan cï thou thiɔ̈k. Go Yecu enyin jat nhial, ku lueel an, “Wäär, thieithieei, nɔn cï yïn këdï piŋ.

Jɔn 17:1

Na wën, acï Yecu kakë lueel, ke jɔ enyin jat nhial, ku lueel an, “Wäär, kööl acï bɛ̈n, gämë Wëndu dhuëëŋ, ke Wëndu bï yï tɔ yök dhuëëŋ aya.

Jɔn 6:11

Na wën, ke Yecu nöm kuïïn cï pam, ku të cï en thieithieei lueel, ke ke jɔ tɛ̈k kɔckɛn ë piööcë ku tɛ̈kkï kɔc wën cï nyuc piny. Ayï rec aya acï keek looi aya, agokï yök ëbɛ̈n në këdɛn ë kekpiɔ̈ɔ̈th.

Jɔn 6:23

(Ku abëël kɔ̈k aake bɔ̈ ë Tiberia tei, bïk tëthiääk ke të wään ciɛmë kɔc kuïn cï pam, ke Bɛ̈nydït cï thieithieei kɔn lueel):

Luɔi 27:35

Na wën, aacï kënë lueel, ke jɔ kuïn cï pam nööm, ku jɔ Nhialic yɔ̈ɔ̈k, an, Thieithieei, ë kenïïm kedhie, na wën, ke wɛ̈kic ciɛm.

Romai 14:6

Raan riëëu akööl, ee këde Bɛ̈nydït en a riëëu en en, ku raan cïï akööl ee riëëu, ee këde Bɛ̈nydït en acïï en en ee riëëu. Ku raan ee cam, ee cam në këde Bɛ̈nydït, ago lueel an, Thieithieei Nhialic, ku raan cie cam, ee këde Bɛ̈nydït en acïï en ee cam, ku lueel an, Thieithieei Nhialic.

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

Nyöŋ 8:10

Wek bï nïïm dɛ këcam dït, ka wek bïï Bɛ̈nydït Nhialicdun thieei në biäk de piny ee ŋiëc luɔk, piny cï gäm week.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

1 Tham 9:13

Të la wek lɔ wut abäk yök ke kën kɔn lɔ tëthöny të le yen cam. Ku kɔc acïkï bï cam ke kën kɔn bɛ̈n, në biäk bï en miɔ̈c näk thieei. Ago kaaman jɔ cam, ku jɔ lɔ nhial, abäk yök ënɔɔnë ke cï bɛ̈n.”