Mak 6:20 - JAM DE NHIALIC 2011

²⁰ luɔi riɔ̈ɔ̈cë Ɣerod ë Jɔn, aŋic nɔn ee yen raan piɛthpiɔ̈u ku ye raan ɣeric, go ya döt apiɛth. Na wën, aye yen piŋ, aaye kajuëc looi, go këde aa piŋ në piɔ̈nmit.

Mak 6:20 Iomraidhean Croise

1 Mel 21:20

Go Aɣap Elija thiëëc, an, “Cï ya yök, yïn raandiën de ater?” Go bɛ̈ɛ̈r, an, “Yïn cä yök, në luɔi cï yïn rɔt gam bä kërac looi ë Bɛ̈nydït nyin.

2 Mel 13:14

Na ɣɔn aa lɔ tiët Elica guöp dɛ juän bï ye nɔ̈k. Go Jowac melik de Yithriɛl lɔ piny të nu yen ku dhiɛɛu ë yenɔm, an, “Awuur oou, awuur, ee yïn ee ye raan ril ë ye Yithriɛl gël!”

2 Mel 6:21

Na wën aa lɔ melik de Yithriɛl ke tïŋ, ke lop Elica an, “Wäär cä ke näk? Cä ke näk?”

2 Lëk 24:2

Acï këpiɛth looi ë Bɛ̈nydït nɔm, në biäk tɔ̈u ë Jeɣoyada bɛ̈ny de kake Nhialic ke ŋoot ke pïïr.

2 Lëk 26:5

Ɣɔn pïïr ë Dhekaria raandɛn ee ye wɛ̈ɛ̈t, Yudhia aaye Bɛ̈nydït riëëu, ago Nhialic thieei.

Bɛ̈n 11:3

Ku Bɛ̈nydït acï kɔc ke Rip tɔ rïïu kɔc ke Yithriɛl gup. Ago bäny ke melik Mothe dhuëëŋ guöp, ku dhuëëŋ ë kɔc ke Rip en guöp aya, ku tɔkï ee raan dït.

Edhekiɛl 33:32

Tëde keek yïn cie këdäŋ, yïn cït raan ee thom de diɛt gut raan ee kɔc kɛ̈ɛ̈t nïïm në diɛt ke nhiëër. Ayek wëlku piŋ kedhie, ku acïn töŋ yek riëëu në keyiic.

Danyel 4:18

Go melik Nebukadnedhar lueel an, “Kënë yen e nyuöthdï, ka ënɔɔnë, Beltecadhar, lɛ̈k ë yɛn kë lueel. Acïn raan tök në röörkiën pelnïïm cï ye nyuöth ɛn. Ku aduëërë lëu, në biäk tɔ̈u ë wëi ke Nhialic ɣeric në yïn.

Danyel 4:27

Në biäk de ee kënë, yïn melik, kuany löŋdï cök, päl kërac ku loi kake piathëpiɔ̈u, ku ye piɔ̈u kok wekë kɔc kuanynyïïn. Yen abïï yïn ceŋ ke yï kueth.

Danyel 5:17

Go Danyel bɛ̈ɛ̈r an, “Muɔ̈kë miɔ̈cdu rɔt ku nɔn bä ke gäm raandäŋ pei, ku yïn bä kuɛ̈n kë cï gɔ̈ɔ̈r, ku lɛ̈k yïn kë lueel.

Math 14:5

Ku aa de piɔ̈u luɔi nɛ̈k en en, ku aa riɔ̈c ë kut ë kɔc tei, aye kɔc tɔ ye tiët yen Jɔn.

Math 21:26

Ku të lueel wok en an, “Aa bɔ̈ tëde kɔc, wok riɔ̈c ë kut ë kɔc, ayek Jɔn tɔ ye tiët kedhie.”

Mak 11:18

Go bɛ̈nydït de ka ke Nhialic ku kɔc ee löŋ gɔ̈ɔ̈r gokï piŋ, ku kɔɔrkï näŋ bï kek e nɔ̈k: acïk riɔ̈ɔ̈c ë yen, luɔi cï kut ë kɔc gäi ëbɛ̈n në wëëtde.

Mak 4:16

Ku kɔckë aya ee ka cï com ë piny de kuur, kɔcke, të cï kek jam piŋ, ke ke dap gam ke ke mit piɔ̈ɔ̈th,

Jɔn 5:35

Yen aaye many ë dɛ̈p ku ye piny riaau: ku wek ë piɔ̈ɔ̈th dɛ luɔi bä wek piɔ̈ɔ̈th miɛt në maanyde tëthiinakäŋ.

Luɔi 2:12

Agokï gäi kedhie, acï ke dhal, ku thiëckï röt kapäc an, “Ee käŋö ee kënë?”

Luɔi 5:24

Na wën, ke bɛ̈nydïït ë kake Nhialic, kekë bɛ̈ny ë Luaŋdït, ku bänydït kɔ̈k ë ka ke Nhialic, të cï kek kake piŋ, ke ke jɔ nïïm a cɔ̈ɔ̈t cɔ̈ɔ̈t në këden, në të bï jam nɔm pëk thïn.