Mak 4:41 - JAM DE NHIALIC 2011

⁴¹ Gokï riɔ̈ɔ̈c ë riɔ̈ɔ̈c dït, ku thiëckï röt kapäc an, “Ee raan cït ŋö ee raanë, raan piŋë yom këde ayï wɛ̈ɛ̈r!”

Mak 4:41 Iomraidhean Croise

Jop 38:11

Acä kɔn lɛ̈k kiir an, acïn të bï yïn ɣet thïn! Apiöŋ rildu abï kɔ̈ɔ̈c eenë.

Diɛt 89:7

Nhialic ye ë riɔ̈ɔ̈c në amat ë tuucnhial ɣeriic yic, ayek kɔ̈ɔ̈c në Yïnɔm kedhie ke ke lɛthë keek.

Malakai 2:5

Ku lueel ë Bɛ̈nydït de rɛm an, “Yɛn aa mac löŋdï wokë Lebai. Ku löŋ ë macku aaye löŋ de pïïr, ku mät. Yen löŋ ë gäm keek ka, ke ke bï Ya aa riëëu. Agokï Yɛn bɛ̈n aa riëëu guöp, ku dhuëŋkï rinkï.

Math 14:32

Na wën, acïk bɛ̈n abëlic, ke yom kääc.

Math 8:27

Go kɔc gäi, luelkï an, “Ee raan cït ŋö ee kënë, acakaa yom ayï wɛ̈ɛ̈r ke ke piŋ löŋde?”

Mak 4:40

Go Yecu Kɔckɛn ëpiööcë thiëëc an, “Eeŋö riääc wek wäkya? Ŋuɔɔtkï ë we cïn gäm?”

Mak 5:1

Agokï ɣet ë Baar ë Galili lɔŋtui, piny de kɔc ke Gadaren.

Mak 5:33

Go tiiŋë bɛ̈n, ke riɔ̈c ku lɛthë, aŋic kë cï luöi yen, bï ku cuɛt rɔt piny ë yenɔm, jɔ guiëër yith ëbɛ̈n.

Mak 7:37

Acïk gäi ë gäi cïï themë thok, ku luelkï an, “Acï këriëëc tiiŋic ëbɛ̈n, acakaa mïŋ aye ke tɔ piŋ, ku tɔ kɔc cïn thook jam!”

Luk 4:36

Gokï gäi kedhie, ku jɔkï jam kapäc an, “Ee wël ŋö ëkakë? Ee jɔɔk rac yɔ̈ɔ̈k në riɛl dït, agokï bɛ̈n bei!”

Luk 8:25

Go ke thiëëc an, “Nu gämdun tënou?” Agokï riɔ̈ɔ̈c, ku gɛ̈ikï, ku jɔkï lueel kapäc an, “Ee raan cït ŋö ee kënë? Raan ee yï yom yɔ̈ɔ̈k ayï pïïu, agokï këde piŋ!”

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Nyuuth 15:4

Eeŋa cïï duëër riɔ̈ɔ̈c ë yïn, ku cïï rinku e leec, yïn Bɛ̈nydït? Yïn yïtök yïn aɣeric. Juöör abïk bɛ̈n kedhie bïk bɛ̈n lam ë yïnɔm, në tïc cï luɔiduön piɛth guɔ tïc.”

1 Tham 12:24

Riëëukï Bɛ̈nydït, ku luööikï apiɛth në piɔ̈ndun ëbɛ̈n. Takï wenïïm në kajuëc cï keek luöi week