Mak 4:31 - JAM DE NHIALIC 2011

³¹ Acït nyin töŋ de matharda, nyin koor ë kɔ̈th kedhie ë piny nɔm, të comë ye,

Mak 4:31 Iomraidhean Croise

Yith 53:12

Ka yen abä gäm riëëu, në adhuëëŋ yiic kɔc rilku. Acï wëike gam në piɔ̈nde ëbɛ̈n ku rɔm thon de kɔc ee karɛc looi. Acï të de kɔc juëc ee karɛc looi nööm, ku lɛ̈ŋ në biäk bïï ë keek päl karɛcken.”

Yith 53:2

Aa ye kë de piɔ̈n de Bɛ̈nydït luɔi bï awunde cil cït tim abïï dɛk mei në tiɔɔm ril yic. Acïn guöp dhuëëŋ ayï dik bïï Yen wook tɔ de kë yök ŋic në biäkde. Acïn kë ye kɔc diir në yeguöp, ku cïn kë bï wo wɛ̈l piɔ̈ɔ̈th En.

Yith 60:22

Ayï jur koor ku cï rɔt kuɔɔr piny, Abï dït ku abï ciët jurdïït ril. Të le akööl rɔ̈ŋ bɛ̈n, Yɛn bï ee kënë dap tɔ loi rɔt. Acä lueel, Yɛn Bɛ̈nydït!”

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Dhek 12:8

Ku në ee köölë Bɛ̈nydït abï köt tääu ë Jeruthalem yɔu gël en kɔc ceŋ en, ayï kɔc kɔ̈c në keyiic, abïk riɛl cït man ɣɔn ril ë Debid. Abï käu de Debid ke wat cït man ë tunynhial ë Bɛ̈nydït, ku cït Nhialic guöpde.

Dhek 2:11

Ku ëtɛ̈ɛ̈n, juöör juëc ëbɛ̈n abïk bɛ̈n tëde Bɛ̈nydït, ku tɔkï röt ee kɔckï ku Yɛn bï bɛ̈n rëër në weyiic, ka abäk jɔ ŋic ëgɔk nɔn cï Bɛ̈nydït de rɛm yɛn tuöc week ë yic.

Malakai 1:11

Juöör ke piny nɔm ëbɛ̈n, gɔl të lɔ aköl amiäk lee të lɔ aköl athɛ̈i, adhuëŋkï rinkï. Yɛn ye nyuöp wal ŋïr, ku yïnë ya miɔ̈c lɔ wai në piny nɔm ëbɛ̈n. Në biäk ye rinkï dhuëëŋ në juöör ke piny nɔm kedhie, kë lueel ë Bɛ̈nydït de rɛm ka.

Mak 4:30

Go lueel an, “Buk ciɛɛŋ de Nhialic thɔ̈ɔ̈ŋ ke ŋö? Ku buk thɔ̈ɔ̈ŋ ë kääŋ ŋö?

Mak 4:32

ku të cï e com, ke cil, abï dït, abï wal wöör kedhie, go këër dït tany, arëk abï diɛt nhial aa rëër e atiëpde yic.”

Luk 17:6

Go Bɛ̈nydït lueel an, “Na thöŋ gämdun kekë nyin töŋ de matharda, ke we duëër ŋaapë yɔ̈ɔ̈k an, ‘Tɔ rɔt wuthë bei wekë meeidu, ku tɔ rɔt pith wïïr!’ Ku aduëër këdun gam.

Luɔi 19:20

Go jam de Bɛ̈nydït lɔ ke ŋuak rɔt aya, ku tiëm arëët.

Luɔi 2:41

Go kɔc cï wëlke gam ë piɔ̈nmit ago ke baptith, aake cït aguum kadiäk de kɔc.

Luɔi 21:20

Na wën, aa cïk e piŋ, ke ke jɔ Nhialic lɛc nɔm, ku yöökkï an, “Kɛ̈në tïŋ ënɔɔnë, mɛnhwääda, kut dït ë Judai cï gam, nɔn juëc kek aläl, ku nɔn lëth kek yiic ë baŋ de löŋ kedhie.

Luɔi 4:4

Ku ade kɔc juëc cï gam kɔc wën cï jam piŋ, go kuën ë röör cï gam go ciët aguum kadhïc.

Luɔi 5:14

Ku kɔc gam Bɛ̈nydït acïk röt ŋuak ë kuut dïït ë kɔc, röör ayï diäär.

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.