Mak 4:19 - JAM DE NHIALIC 2011

¹⁹ na wën, ke diɛɛr ee kek diɛɛr ë ka ke piny nɔm, ayï mɛth ee juëc de wëu keek math, ayï ŋɔ̈ɔ̈ŋ de ka kɔ̈k, ke ke lɔ thïn, ku nyiickï jam, agokï cuö lok.

Mak 4:19 Iomraidhean Croise

Kɛ̈ŋ 23:4

Du rɔt nɛ̈k piny në kɔ̈ɔ̈r ë kuɛth, ye nɔm pɛl ke yï bï rɔt tiit në ka ye piɔ̈ndu ke kɔɔr. Kake kuɛth ayek tëëk ë wïl ku pɛ̈ɛ̈rkï nhial cït man ë cuɔɔr.

Wɛ̈ɛ̈t 4:8

Ade raan rɛ̈ɛ̈r yetök, acïn nɔm meth, ku acïn nɔm mänhë, ku ee tɔ̈u aköölnyïïn, ke cïï piɔ̈u kueth në kajuëc tɔ̈u në yen, eeŋa jɔ luööi aläldïïtë aya ke cïï rɔt tɔ lɔ̈ŋ? Kënë ee ɣɔ̈ric ayadäŋ, ku ee pïïr de yic nuɛɛn.

Yith 5:2

Ë piny gɔ̈i ku lɛɛthic në kɔi ku com tiim piɛth. Acï alooc bäär yïk bï yen ke tiit, ë pul wec bï yen mɔ̈u dhiim. Go enap tiit ke bï luɔk go enap kɛc ëbɛ̈n

Yith 5:4

De kë cä wööc kë kɛ̈n luöi yen? Ka eeŋö tɔ ye lok në enap kec ke cie mïth ke enap piɛth ee kek ë ŋääth?

Math 13:22

Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok.

Math 19:23

Go Yecu kɔckɛn ë piööcë yɔ̈ɔ̈k an, “Wek yɔ̈ɔ̈k ë yic an, “Abï yic riɛl yen luɔi bï raan de kajuëc lɔ në Ciɛɛŋ de paannhial yic.

Math 3:10

Ku ënɔɔnë yiëp ë guɔ tääu të nu mei ke tiim, tim ëbɛ̈n tim reec luɔk në mïth piɛth aye yiɛp piny, ku cuɛtë mɛɛc.

Mak 4:18

Ku kɔc kɔ̈k ee ka cï com ë kuɔɔth yiic, kɔckë ee kɔc cï jam piŋ,

Luk 10:41

Go Bɛ̈nydït bɛ̈ɛ̈r, yöök an, “Martha, Martha! Yïn cï piɔ̈u diɛɛr ku cï nuan ë kajuëc,

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

Jɔn 15:2

Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

Epethiei 2:2

Karac yak cool ë luɔɔi wek ke, ɣɔn rɛ̈ɛ̈r wek ë rëër ë kɔc ke piny nɔm ënɔɔnë, rëër ë bɛ̈nydït cath ke riɛl ë yomic yen aye jɔŋ rɛɛc ee luui ë kɔc reec gäm yiic ënɔɔnë.

Epethiei 6:12

Wo cie wït në rïŋ ku riɛm, wok ee wït në ciɛɛŋ, ayï riɛl, ayï bänydït ke cuɔlëpinyë ënɔɔnë, ayï rɛm ke jɔɔk rac, rɛm nu tënhial, kek a wït wok ë ke.

Pilipoi 4:6

Ë cïn kë bä wek piɔ̈ɔ̈th diɛɛr, ku në këriëëcic ëbɛ̈n yak kë kaarkï tɔ ŋic Nhialic në lɔ̈ŋ ku pal ku luɛl aa wek thieithieei lueel.

1 Tim 6:17

Kɔc juëc ë kaken ë pinyë nɔm, ye ke yɔ̈ɔ̈k, ë ke cïï röt ee tɔ dït, ku cïkï juëc ë käŋ ee ŋɔ̈ɔ̈th, ka kuc ë raan nɔn bï kek tɔ̈u në yen, ë ye Nhialic pïïr yen yek ŋɔ̈ɔ̈th, Raan ee wo miɔɔc ë käŋ kedhie në dhuëëŋ, ke wo bï piɔ̈ɔ̈th aa miɛt ë keek.

2Tim 4:10

Demath acï a päl wei, në nhiëër cï en pinyë ënɔɔnë nhiaar, ago jäl le Thethalonika, ku lɔ Kerethke Galatia, ku lɔ Tito Dalmatia.

2 Pet 1:8

Ku na nu kakë ë weyiic, ku ë ke ŋuak röt, ka yek we tɔ ye kɔc cïï röt ee dak ku kɔc cie rool në ŋïny ŋiɛc wek Bɛ̈nydan Yecu Kërtho.

Juda 1:12

Kɔckë ayek kuur cï thiaan këcamduön ë nhiëëric, të ye kek rɔm ë week ëtök ë këcam, ku yek këyäc thiɔ̈ɔ̈ŋ ke ke cïï riɔ̈c, ayek luäät cïn yiic pïïu, luäät ee yom kuaath. Acïtkï tiim ee mïthken dap yom, agokï cuö lok, tiim ruël cï thou raanrou, ago ke wöth bei në meiken.