Mak 2:7 - JAM DE NHIALIC 2011

⁷ “Eeŋö jiɛɛmë raanë aya? Ë Nhialic lat, eeŋa duëër päl ë karɛc lëu, cie Nhialic Etök?”

Mak 2:7 Iomraidhean Croise

Jop 14:4

Eeŋa duëër kë ɣeric bɛ̈ɛ̈i bei në kë cï dhiöök në këcol? Acïn raan.

Diɛt 130:4

Ku Yïn ee wook päl awɛ̈ɛ̈ckuɔ, ke wo bï aa riɔ̈ɔ̈c ë Yïn.

Yith 43:25

Ku ŋuɔɔt, ke Ya ye Nhialic, ee we päl awɛ̈ɛ̈ckun, Yɛn ee kënë looi në biäk ee yen ɛn. Yɛn cïï awɛ̈ɛ̈ckun bï muk ka riääk ɛn week.

Danyel 9:9

Yïn ee piɔ̈u kok, ku päl awɛ̈ɛ̈c, cakaa nɔn cïï wok kueerdu pɔ̈l.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Math 26:65

Na wën, ke bɛ̈nydïït ë kake Nhialic ke ret lupɔɔke yiic, ku lueel an, “Acï Nhialic lat! Eeŋö däŋ köörku cäätɔɔ kɔ̈k! Tiëŋkï, wek cï lɛ̈tde piŋ, lɛ̈t lɛ̈ɛ̈t en Nhialic!

Math 9:3

Na wën, ke kɔc töktöök ë kɔc ë löŋ gɔ̈ɔ̈r yiic, ke luelkï ë keyäc an, “Raanë alat Nhialic!”

Mak 14:64

We cï lɛ̈t piŋ lɛ̈t lɛ̈ɛ̈t en Nhialic ë wek wäkdiaa?” Gokï yiëk yeth gääk an, röŋ ke thuɔɔu.

Mak 2:6

Ku ade kɔc kɔ̈k rɛ̈ɛ̈r ëtɛ̈ɛ̈n kɔc ë löŋ gɔ̈ɔ̈r, kɔc wën jam ë kepiɔ̈ɔ̈th an,

Mak 2:8

Na wën, ke ŋic Yecu ënɔnthiinë nɔn jɛɛm kek aya ë kepiɔ̈ɔ̈th, go ke yɔ̈ɔ̈k an, “Eeŋö tɛɛrkï ë wepiɔ̈ɔ̈th wäkya?”

Luk 5:21

Go kɔc ee löŋ gɔ̈ɔ̈r ku Parithai gokï teer gɔl, ku thiëckï an, “Eeŋa yen raanë raan lat Nhialic! Eeŋa duëër kërac pɔ̈l, cie Nhialic Etök!”

Luk 7:49

Go kɔc rɛ̈ɛ̈r ë yen ëtök tën ee kɔc cam, agokï jam gɔl ë kepiɔ̈ɔ̈th an, “Eeŋa ëraanë raan ë karɛc pɔ̈l aya?”

Jɔn 10:33

Go Judai bɛ̈ɛ̈r an, “Acie biäk de luɔi piɛth en ë biöök wok yïn ee biäk de län ee yïn Nhialic lat, ku luɔi ee yïn rɔt tɔ ye Nhialic, ku ye raan tei!”

Jɔn 10:36

Na raan cïï Nhialic tɔ ɣer piɔ̈u, ago tuɔɔc ë piny nɔm, bäk yɔ̈ɔ̈k an, “Yïn ë Nhialic lat, në luɛ̈l cän e lueel an, Yɛn ee Wën ë Nhialic?