Mak 2:17 - JAM DE NHIALIC 2011

¹⁷ Na wën, aacï Yecu ye piŋ ke ke yöök an, “Kɔc piɔl gup acïkï akïïm ee kɔɔr, ee kɔc tök tei: yɛn ëcïï bɔ̈ bä kɔc piɛthpiɔ̈ɔ̈th bɛ̈n cɔɔl, në puŋ bï kek kepiɔ̈ɔ̈th puk, ee kɔc ë kërac looi, kek abä bɛ̈n cɔɔl.”

Mak 2:17 Iomraidhean Croise

Yith 1:18

Aye Bɛ̈nydït lueel an, “Ënɔɔnë, jɔku jam thöl ëtök. Na cak karɛckun thiɛth aläl, wek bä waak, abäk ɣɛɛr cït kɔi ke deŋ, na cäk thiɛth cït riɛm we bï ɣɛɛr abäk ciët alath. Acakaa nɔn cï yïn riɔk abä thiɛth aläl, yïn bï ɣɛɛr abä ciët alath.

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Jeremia 17:9

“Eeŋa duëër piɔ̈n ë mɛnh ë raan ŋic? Acïn këdäŋ rac aläl, ade juän dïït cïï bï dem.

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Luk 15:10

Wek yɔ̈ɔ̈k an, “Yen abï ciët miɛt ee kɔc piɔ̈ɔ̈th miɛt ë tuuc ke Nhialic nïïm në biäk de raan tök raan ee kërac looi, ku be yepiɔ̈u puk.”

Luk 15:29

Go bɛ̈ɛ̈r, yöök wun, an, ‘Tïŋ, yïn cä luööi ë run juëckë cït man ë lïm, ku acïn këduön cä kɔn wööc anandï, ku acïn amɛthɔ̈k cï gäm ɛn ëcaŋɣɔn, bän piɔ̈u miɛt wokë määthkï.

Luk 15:7

Wek yɔ̈ɔ̈k an, miɛtëpiɔ̈u abï dït paannhial aya në biäk de raan tök raan ee kërac looi, ku be yepiɔ̈u puk, awär miɛt mitë kɔc piɔ̈ɔ̈th në biäk de kɔc kathiërdhoŋuan ku dhoŋuan kɔc cïn puŋdepiɔ̈u kɔɔrkï.

Luk 16:15

Go keek yɔ̈ɔ̈k an, “We ye röt tɔ ye kɔc piɛthpiɔ̈ɔ̈th ë kɔc nïïm, ku Nhialic aŋic wepiɔ̈ɔ̈th tei: kë de naamde tëde kɔc ee kënhiany tëde Nhialic.

Luk 19:10

Wën ë Raan aa bɔ̈ bï kë cï määr bɛ̈n kɔɔr, ku bï bɛ̈n kony wëi.”

Jɔn 9:34

Gokï bɛ̈ɛ̈r yöökkï an, “Yïn aa dhiëth ë këracic liŋliŋ, ku bä wook wɛ̈ɛ̈t?” Agokï ciɛɛc biic.

Jɔn 9:40

Të cï Parithai kakë piŋ, Parithai nu ë yelɔ̈ɔ̈m, ke jɔkï thiëëc an, “Ayï wook, yok cöör?”

Luɔi 20:21

Yɛn aaye cäätɔ aya, cäätɔ lɛ̈k Judai ayï Girikii puŋ bï kek kepiɔ̈ɔ̈th pɔ̈k Nhialic, ku gäm bï kek Bɛ̈nydït Yecu Kërtho gam.

Luɔi 26:20

Yɛn ë kɔc nu Damathko kɔn guiëër, na wën, ke ya guïïr kɔc nu Jeruthalem, ku piny ë Juda ëbɛ̈n, ku guiëër Juöör aya, yɔ̈ɔ̈k keek an, bïk kepiɔ̈ɔ̈th puk ku wëlkï kepiɔ̈ɔ̈th Nhialic, agokï käŋ aa looi ka röŋ në puŋdepiɔ̈u.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.