Mak 16:16 - JAM DE NHIALIC 2011

¹⁶ Raan gäm ku baptith abï kony wëi, ku raan reec gäm abï yiëk yeth gääk.

Mak 16:16 Iomraidhean Croise

Math 28:19

Yen la wek, lak juöör aa wɛ̈ɛ̈t kedhie, abïk a kɔcpiööcë, ku luöikï keek baptith në rin ke Wäärda, ku Wënde, ku Wëidït ɣer,

Mak 1:15

aaye lueel an, “Piny ë thök, ku ciɛɛŋ de Nhialic acï guɔ thiɔ̈k! Pɔ̈kkï wepiɔ̈ɔ̈th, ku gamkï Wëlpiɛth!”

Luk 8:12

Ka nu ë kueer këc kek aye kɔc ee jam piŋ, na ëlë ke jɔŋdït rac bɔ̈, bïï ku jɔt jam ë kepiɔ̈ɔ̈th, ke ke cïï bï gam ago ke kony wëi.

Jɔn 20:31

Ku kakë acï ke gɔ̈ɔ̈r në luɔi bä wek Yecu gam, nɔn ee yen Kërtho, Wën ë Nhialic, ku gäm gäm wek, yen abä wek dɛ pïïr në rinke.

Jɔn 3:36

Raan gam Wënde ee cath ke pïïr athɛɛr, ku raan reec Wënde gam, acïï pïïr bï tïŋ, agönh ë Nhialic ee rëër ë yeyeth.

Jɔn 3:5

Go Yecu puk nɔm an, “Yïn yɔ̈ɔ̈k ëyic an, të kënë raan dhiëëth në pïïu kekë wëi, ka cïï duëër lɔ ë ciɛɛŋ de Nhialicic.

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Jɔn 6:29

Go Yecu bɛ̈ɛ̈r an, “Luɔi de Nhialic kï an, gëm gam wek raan cï tooc.”

Jɔn 6:35

Go Yecu ke yɔ̈ɔ̈k an, “Yɛn ee kuïn ë pïïr: raan bɔ̈ tëde yɛn, acïn cɔŋ bï ye bɛ nɔ̈k, ku raan gam ɛn, acïï bï bɛ yal anande.

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Jɔn 8:24

Yen aa lɛ̈k ɛn e week, an, we bï thou në karɛckun yiic: ku të kɛ̈n wek a gam, ‘nɔn aa Yɛn En,’ ke we bï thou ë karɛckun yiic.”

Luɔi 10:43

Ku tït ëbɛ̈n acïk aa cäätɔɔ në këde an, në rin ke yen raan ëbɛ̈n raan gam en abï miɔɔc në nyiɛɛi bï karɛcke nyaai.

Luɔi 13:39

Ku në yen, kɔc gam en kedhie aye ke tɔ piɛthpiɔ̈ɔ̈th në këriëëc ëbɛ̈n, ku we cïï duëërë tɔ piɛthpiɔ̈ɔ̈th në keyiic në löŋ de Mothe.

Luɔi 13:46

Go Paulo kekë Baranaba agokï nyïïn riɛl, ku jɔkï lueel an, “Jam ë Nhialic acï dhil kɔn guiëër week. Ku ënɔɔnë, luɔi cä wek e nyaai, ku cäk röt tɔ ye kɔc cïï rɔ̈ŋ në pïïr athɛɛr, tiëŋkï, wo ë röt yal të nu Juöör.

Luɔi 2:38

Go Petero ke yɔ̈ɔ̈k an, “Pɔ̈kkï wepiɔ̈ɔ̈th, ku takï röt baptith wedhie në rin ke Yecu Kërtho, ke bï karɛckun pɔ̈l, ke we bï miɔɔc në Wëidït ɣer.

Luɔi 2:41

Go kɔc cï wëlke gam ë piɔ̈nmit ago ke baptith, aake cït aguum kadiäk de kɔc.

Luɔi 22:16

Ku ënɔɔnë, eeŋö gäu yï? Jɔt rɔt, ke yï baptith, abä karɛcku waak wei, ku jɔ rin ke Bɛ̈nydït cɔɔl.’

Romai 3:6

Acï bï aa yen! Të nu yen, ke Nhialic duëër löŋ de piny nɔm guiir adï?

Romai 4:24

Ee biäk de wook aya, ku abï tɔ ye piathëpiɔ̈u tëde wook aya, të gɛm wok Raan cï Yecu Bɛ̈nydïïtda jat nhial ë kɔc cï thou yiic,

2 Theth 1:8

ke cath ke many ee dëp aläl, ago rɔt guöör ë kɔc kuc Nhialic, ayï kɔc reec wëlpiɛth gam, wël ke Bɛ̈nydan Yecu Kërtho.

2 Theth 2:12

luɔi bï löŋden guiir atuc, kek kɔc reec yic gam kedhie, kɔc mit piɔ̈ɔ̈th në luɔi de kërac.

1 Pet 1:21

wek kɔc cï Nhialic gam në yen, Nhialic wään jɔt en nhial ë kɔc cï thou yiic, ku jɔ gäm dhuëëŋ, ke gämdun ku aŋäthdun ke ke bï aa tɔ̈u ë Nhialic.

1 Pet 3:21

Ku yen acït kuny ee baptith wo kony wëi ënɔɔnë aya, acie bïï bï acuɔl ë raan guöp bɛ̈ɛ̈i bei, ee kɔ̈ɔ̈r ee raan kɔɔr luɔi, ŋic en e piɔ̈u nɔn le en gɔk ë Nhialic nɔm, në jön cï Yecu Kërtho rɔt jɔt,

Nyuuth 20:15

Ku na de raan cï yök akënë gɔ̈ɔ̈r ë awerek de pïïric, ke cuɛtë baar ë macic.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”