Mak 15:47 - JAM DE NHIALIC 2011

⁴⁷ Go Meri Magdalene ku Meri man Jothe gokï të cï e tääu thïn tïŋ.

Mak 15:47 Iomraidhean Croise

Math 27:56

Diëër de yiic Meri Magdalene, ku Meri man Jakop kekë Jothep, ku man wɛ̈ɛ̈t ke Dhebedayo.

Math 27:61

Ku nu Meri Magdalene ëtɛ̈ɛ̈n, kekë Meri däŋ, ke ke rɛ̈ɛ̈r ë raŋ nɔm.

Math 28:1

Na wën, aacï akööl ë Thabath guɔ thök, të kɔɔrë piny ruu ëkööl tueŋ wën aa kööl dhorou, ke Meri Magdalene bɔ̈ kekë Meri däŋ, bïk raŋ bɛ̈n tïŋ.

Mak 15:40

Ku ade diäär ëtɛ̈ɛ̈n aya diëër kääc tëmec ke ke daai: adekï yiic yï Meri Magdalene ku Meri man Jakop thii ku Jothe, ku Thalome.

Mak 15:46

Go lupɔ linɔn ɣɔɔc, ku bïï piny, ku deer guöp ë linɔn, ku jɔ tääu ë raŋic raŋ cï wec ë kuur lɔ giliu yic, go kuur tök laar ë raŋ thok.

Mak 16:1

Na wën, aacï Thabath guɔ thök, ke Meri Magdalene, ku Meri man Jakop, ku Thalome, ke ke ɣɔc wɛ̈ɛ̈l cï tumëtum, bï kek e bɛ̈n tɔc guöp.

Luk 23:55

Na wën, ke diëër wään cï bɛ̈n bei ë Galili në yen ëtök, ke kuanykï cök, ke ke jɔ raŋ tïŋ, ku tïŋkï täu cï guöpde tɔ̈ɔ̈u.