Mak 15:14 - JAM DE NHIALIC 2011

¹⁴ Go Pilato ke thiëëc an, “Eeŋö, ee kërɛɛc ŋö cï looi?” Gokï cööt arëët an, “Piäätë ë tim cï rïïu nɔm kɔ̈u!”

Mak 15:14 Iomraidhean Croise

Diɛt 69:4

Kɔc man yɛn, ke cïn kë cä looi, kuënden ajuëc aläl awärkï nhïm ke yanɔm. Kɔc ke aterdï ayek a mak në lueth, Keek arilkï, ku akɔɔrkï bïk ya nɔ̈k. Acïk ya tɔ col ka kën ke kual.

Yith 53:3

Ayok dhɔɔt guöp ku reecku, go nuan ku guum arɛɛm. Acïn raan töŋ ee Ye lieec ayok dhɔɔt guöp, abï ciët kë cie këdäŋ.

Yith 53:9

Acï tääu në raŋic kekë kɔc rac, ku tɔ̈u kekë kɔc kueth, cakaa nɔn cïn en kë cï wuööc ku cïn luenh cï kɔn lueel.”

Math 27:19

Na wën, të rëër en ë thööny de guiëërëlöŋ nɔm, ke thok bɔ̈ tëde tiiŋde an, “Du de kë luöiyë raan piɛthpiɔ̈uwë, yɛn ë kajuëc guum ëköölë në baŋde ke ya nyuöth.”

Math 27:4

Go lueel an, “Yɛn ë këdäŋ wööc, ë luɔi cän riɛm de raan nyiɛɛn raan cïn kërɛɛc cath ke yen!” Gokï lueel an, “Eeŋöda thïn? Ee këdu yïn yïtök!”

Math 27:54

Na wën, ke bɛ̈ny de rem, kekë kɔc cath në yen, kɔc tit Yecu, të cï kek niɛŋ cï piny rɔt niɛŋ tïŋ, ku tïŋkï ka cï looi, agokï riɔ̈ɔ̈c arëët, ku luelkï an, “Ee yic, kënë ee Wën ë Nhialic!”

Mak 15:13

Gokï bɛ cööt an, “Piäät ë tim cï rïïu nɔm kɔ̈u!”

Mak 15:15

Na wën, akɔɔr Pilato luɔi bï en kut ë kɔc tɔ lɔ piɔ̈ɔ̈th yum, ke jɔ Barabath luöny keek. Go Yecu kɔn tɔ dui ë waat, ku yïn kɔc bï lɔ piäät ë tim cï rïïu nɔm kɔ̈u.

Luk 23:21

Gokï cööt luelkï an, “Piäätë, piäätë!”

Luk 23:4

Go Pilato lɛ̈k bänydït ke ka ke Nhialic ku kuut ke kɔc an, “Acïn awäny cä yök tëde ëraanë.”

Luk 23:41

Ku këtuc cuk yök wook acï tiiŋ nɔm ëgɔk, wo cï kë röŋ ke luɔida jɔ yök: ku raanë acïn kërɛɛc cï looi.”

Luk 23:47

Na wën, ke bɛ̈ny de tɔŋ kabɔt, të cï en kë cï tïc tïŋ, ke lec Nhialic, lueel an, “Raanë ee raan piɛthpiɔ̈u ë yic!”

Jɔn 18:38

Go Pilato thiëëc an, “Yic eeŋö?” Na wën, aacï kënë lueel, ke lɔ biic le të nu Judai, ku lëk keek an, “Acïn awäny cä yök tëde yen.

Jɔn 19:6

Na wën, aacï bänydït ke ka ke Nhialic ku bäny ke rem de Luaŋdït e tïŋ, ke ke cöt an, “Piäätë, piäätë!” Go Pilato ke yɔ̈ɔ̈k an, “Nämkï week, ku piäätkï. Acïn awäny cä yök tëde yen.”

Luɔi 13:28

Ku na ciɛk ciën cöök cïk yök cöök duëërëye nɔ̈k, ke ke läŋ Pilato tei, an, bï nɔ̈k.

Luɔi 19:34

Na wën, aa cïk e ŋic nɔn ee yen Judai, ke ke cöt aläl në röl tök, ku cötkï ë kë cït thaar kaarou, luelkï an, “Diana de Epetho yen adït.”

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.

1 Pet 1:19

ee riɛm piɛth de naamde, cït riɛm de nyɔɔŋ amääl lɔ guöp kuiny ku cïn tëthiin col, en aa wëërë we bei, yen aye riɛm de Kërtho.