Mak 14:72 - JAM DE NHIALIC 2011

⁷² Na wën, ëtëthiinë, ke ajïth ë kiiu ë kiiudɛn ee yic rou. Go Petero wël tak wël wën cïï Yecu lɛ̈k ɛn en an, “Të ŋoot ajïth ke kën kiiu raanrou, ke yïn bï a jai ëtaiwei raandiäk.” Na wën, aacï ye thɔ̈ɔ̈ŋ, ke dhiau.

Mak 14:72 Iomraidhean Croise

2 Tham 24:10

Na wën cï Debid kɔc thöl ë kuën, go jam de piɔ̈u ye nuaan, ago lɛ̈k Bɛ̈nydït an, “Yɛn cï kërac aläl looi. Yïn läŋ päl ë yɛn awänydï. Acä looi në dhɔ̈ɔ̈n.”

Edhekiɛl 16:63

Yɛn bï karɛc cï looi ëbɛ̈n pɔ̈l, ku yïn bï karɛcku aa tak ku yïn yäär aläl ka yïn cïï yïthok bï liep.” Bɛ̈nydït Awärjäŋ yen aa jam.

Edhekiɛl 36:31

Wek bï karɛc ë ya looi aa tak, ku awɛ̈ɛ̈c cäk looi ë röt wapäc, ku wek bï gup riɔ̈ɔ̈c në biäk de awɛ̈ɛ̈ckun ku karɛckun.

Edhekiɛl 7:16

Kɔc abïk röt kual ë kur nïïm cït guk cï riɔ̈ɔ̈c ë wakic. Keek kedhie abïk dhiau në biäk de awɛ̈ɛ̈cken.

Math 26:34

Go Yecu lɛ̈k en an, “Yïn yɔ̈ɔ̈k ëyic an, ëlë wakɔ̈u guöp, të ŋoot ajïth ke kën kïïu, ke yïn bï a jai ë taiwei raandiäk.”

Mak 14:30

Go Yecu lueel an, “Yïn yɔ̈ɔ̈k ëyic an, ëköölë, ëlë wakɔ̈u, të ŋoot ajïth ke kën kiiu raanrou, ke yïn bï a jai ëtaiwei raandiäk.”

Mak 14:68

Go jai an, “Yɛn kuc kë luel, ku kɛ̈n piŋ aya.” Ago lɔ biic le ë kalic: ku jɔ ajïth kiiu.

Mak 14:71

Ago läm rac cak, ku jɔ kuëëŋ an, “Yɛn kuc raan luɛlkï!”

Luk 22:60

Go Petero lueel an, “Mɔny, yɛn kuc kë lueel!” Na wën, aŋoot ke jam, ke ajïth jɔ guɔ kiiu ënɔnthiinë.

Luk 22:62

Go lɔ biic, le dhiau ë dhiën kec.

2 Kor 7:10

Ku dhiënëpiɔ̈u bɔ̈ tëde Nhialic ee puŋdepiɔ̈u bɛ̈ɛ̈i, ke bï raan kony wëi, ku acïn raan bï rɔt gɔ̈k ë ye: ku dhiënëpiɔ̈u bɔ̈ në piny nɔm ee thuɔɔu bɛ̈ɛ̈i.