Mak 14:12 - JAM DE NHIALIC 2011

¹² Na ɣɔn, në kööl tueŋ ë akööl ke Dhuëëŋ de Kuïn Cïnic Luɔu, kööl ee kek nyɔŋamääl de Winythok nɔ̈k, ke thiëëc kɔckɛn ë piööcë an, “Ee tënou kɔɔr të bï wok guik thïn, të bï yïn Winythok cam?”

Mak 14:12 Iomraidhean Croise

Bɛ̈n 12:18

Wek cïï kuïn cï mäth bï ya cam, gɔl në kööl ye pɛɛi tueŋ thok thiëër ku ŋuan thëën, agut cï kööl yen thok thiërrou ku tök thëën.

Bɛ̈n 12:6

Na thëën, në kööl ye pɛɛi thok thiëër ku ŋuan, ke amatnɔm de akutnɔm de Yithriɛl ëbɛ̈n ë ke jɔ näk nyök.

Bɛ̈n 12:8

Ku ë ke nyop rïŋ në ee wɛ̈ɛ̈rë yic, ku cuetkï keek në wɛ̈ɛ̈l kec, ku kuïn cï pam nyuäŋ.

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Math 3:15

Go Yecu puk nɔm an, “Päl ënɔɔnë, apiɛth alë, luɔi bï wok luɔi de piathëpiɔ̈u thöl ëbɛ̈n.” Go gam.

Mak 14:1

Na wën, aŋoot nïn kaarou wei ke bï aa Dhuëëŋ de Winythok, ku bï aa Dhuëëŋ de Kuïn Cïnic Luɔu, ke bänydït ke ka ke Nhialic ku kɔc ë löŋ gɔ̈ɔ̈r ë ke kɔɔr luɔi bï kek ë dɔm ë cuëër, lek nɔ̈k:

Mak 14:11

Na wën, aa cïk e piŋ, ke ke jɔ piɔ̈ɔ̈th miɛt, ku luelkï an, bïk gäm wëu. Go të bï en ë nyiɛɛn kɔɔr ëkööl piɛth bïï piny bɛ̈ɛ̈i.

Mak 14:13

Go kɔc tooc kaarou ë kɔckɛn ë piööcë yiic, ku yöök keek an, “Lakï pänydït, ku we bï rɔ̈m ë mony ɣɛ̈ɛ̈c töny ë pïïu: jakï kuany cök,

Galatai 4:4

Na wën, aacï run thök, ke Nhialic toc Wënde, bï dhiëëth ë tik, ku dhiëth ë löŋic,

Nyöŋ 16:5

Yak läi ke Winythok nɔ̈k të töŋ de läm, ku acïn tëdäŋ pei wundun, të bï Bɛ̈nydït Nhialicdun gäm week. Yak looi të le aköl piny, ë kaam cït thaar wään jäl wek në Rip.