Mak 14:1 - JAM DE NHIALIC 2011

¹ Na wën, aŋoot nïn kaarou wei ke bï aa Dhuëëŋ de Winythok, ku bï aa Dhuëëŋ de Kuïn Cïnic Luɔu, ke bänydït ke ka ke Nhialic ku kɔc ë löŋ gɔ̈ɔ̈r ë ke kɔɔr luɔi bï kek ë dɔm ë cuëër, lek nɔ̈k:

Mak 14:1 Iomraidhean Croise

Cäk 37:18

Na wën, ke ke tïŋ Jothep wei. Ku të wën ŋoot en ke kën guɔ ɣëët, ke kiirkï nɔn bï kek en nɔ̈k.

Diɛt 52:3

Yïn nhiaar kërac awär këpiɛth, yïn nhiaar tör awär yith!

Diɛt 62:4

Week akaarkï bäk bɛ̈ɛ̈i bei tëdɛn ë dhuëëŋ, wek ee piɔ̈ɔ̈th miɛt në lueth. Wek ee jam në wël ke athiɛɛi në we thook, ku wepiɔ̈ɔ̈th thïn aa aciɛɛn.

Diɛt 62:9

Kɔc kedhie acïtkï wëi, në pial, röördït ku kɔc kor acïnkï naamden. Na them ke në athëm, acïnkï kuën, keek apiɔlkï awär wëi.

Bɛ̈n 12:1

Go Bɛ̈nydït jam kekë Mothe ku Aron ë Rip lueel an,

Lebai 2:6

abï liääp ku wɛ̈lë miök thïn, ee miɔ̈c ë rap.

Math 12:14

Go Parithai lɔ biic, lek löŋ guiir kapäc në këde, në luɔi bï kek e nɔ̈k.

Math 6:2

“Yen ka, të miɔɔc yïn kɔc ë dhuëëŋdu, ke yï du kaaŋ tɔ koth ë yïnɔm tueŋ, cït man ë luɔi de kɔc de yic aguk, ë ɣööt ke Nhialic yiic ku kuɛɛr yiic, ke ke bï leec ë kɔc. Wek yɔ̈ɔ̈k ëyic an, “Acïk ariöpden guɔ yök.

Mak 14:12

Na ɣɔn, në kööl tueŋ ë akööl ke Dhuëëŋ de Kuïn Cïnic Luɔu, kööl ee kek nyɔŋamääl de Winythok nɔ̈k, ke thiëëc kɔckɛn ë piööcë an, “Ee tënou kɔɔr të bï wok guik thïn, të bï yïn Winythok cam?”

Mak 14:2

ku jɔkï lueel an, “Acuku bï dɔm ëköölë dhuëëŋ, ke awuööu de kɔc cïï bï lɔ pat.”

Jɔn 11:47

Go bänydït ke ka ke Nhialic ku Parithai agokï yai tɔ guëër, ku luelkï, an, “Eeŋö loiku? Raanë ee göök juëc looi!

Jɔn 13:1

Na wën, aŋoot Dhuëëŋ ë Winythok wei, ke ŋic Yecu nɔn cï köölde bɛ̈n, kööl bï en jäl piny le tëde Wun, ku nhiëër nhiɛɛr en kɔckɛn nu ë piny nɔm, yen aa nhiɛɛr en keek athöökë käŋ.

Luɔi 12:4

Na wën, acï Petero dɔm, ke tɛ̈ɛ̈u aloocic, ku yïn alathkëër kathiëër ku dhetem bïk aa wɛ̈ɛ̈r ë tiët, ŋuɛɛnë pei ku ŋuɛɛnë pei, ke lueel ë yepiɔ̈u an, bï bɛ̈ɛ̈i bei yïn kɔc, të cï Winythok thök.