Mak 13:8 - JAM DE NHIALIC 2011

⁸ Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë: ku piny abï rɔt niɛŋ tɛ̈ɛ̈n ku tɛ̈ɛ̈n, cɔŋdït abï aa nu, ayï kak ë kɔc tɔ diɛɛr: kakë ayek ciët kɛ̈c de tiiŋ kɔɔr dhiëth.

Mak 13:8 Iomraidhean Croise

2 Lëk 15:6

Jur ee jurdäŋë yɔŋ, ku pänydït ee pänydït däŋ yɔŋ, në biäk cïï Nhialic riääk ku nuɛɛn bɛ̈ɛ̈i ë kegup.

Diɛt 48:6

Ëtɛ̈ɛ̈n acïï riɔ̈ɔ̈c ke bɛ̈n dɔm ku arɛɛm, cït arɛɛm ë tiiŋ kɔɔr dhiëth,

Yith 19:2

Aye Bɛ̈nydït lueel an, “Yɛn bï tɔŋ tɔ loi rɔt ë Rip, ku ta raan kekë mänhë thäär, ku raan ke raan thiëëk kek. Pänydït kekë pänydït, ku melik de ciɛɛŋ kekë melik de ciɛɛŋë abïk bääny tɛ̈ɛ̈r.

Yith 29:6

Bɛ̈nydït de rɛm abï we luök në rel ye deŋ rel arëët ku lɛthë piny. Abï amaŋdïït ril kekë many dɛ̈p arëët tuööc,

Yith 37:3

Gokï lɛ̈k tiët an, kë cïï melik Ɣedhekia lueel kï an, “Köölë ee kööl ë nuan, wok cï luöi këtuc, ku wok cï yɔ̈ɔ̈r. Wok cït tiiŋ rɔ̈p ku acïï dhiëth lëu në luɔi cïn en riɛl.

Jeremia 13:21

Eeŋö bäk jɔ lueel, të le kɔc yak keek tɔ ee määthkun we peec ku jɔkï week ceŋ? Wek bï tɔ̈u arɛɛmic cï tiiŋ kɔɔr dhiëth.

Jeremia 22:23

Yïn ee lɔ̈ŋ në tiim ke thidar ë Lebanɔn yiic, ku ee jiɛthëpiɔ̈u bï ciët ŋö bä yök të le arɛɛm yï yup, arɛɛm, cït arɛɛm de tiiŋ rɔ̈p.

Jeremia 25:32

Aye Bɛ̈nydït de rɛm lueel nɔn bï riääk bɛ̈n ë juöör gup ke ke kuany kecök, ku amaŋdï akut rɔt në aguuk ke piny yic.

Jeremia 4:31

Yɛn cï dhiëëu piŋ, cït dhiën de tiiŋ rɔ̈p, ee kiɛɛu cït kiɛɛu de nyan kaai. Ee kiɛɛu de pänydït de nyan de Dhiɔn, ee wëi gap nhial, ee yeciin riny ke lueel an, “Amawoou, yɛn cï thou! Abïk yɛn bɛ̈n nɔ̈k!”

Jeremia 49:24

Kɔc ke Damathko akɔ̈ckï ku acïk kat në riɔ̈ɔ̈cdït. Atɔ̈ukï arɛɛmic ku këcïmoony cït man ë tiiŋ rɔ̈p.

Jeremia 50:43

Go melik de Babilonia thok piŋ, ku gɛ̈ɛ̈k cinke të wën thɛny yen yethok. Acïï arɛɛm de piɔ̈u dɔm, arɛɛm cït arɛɛm de tiiŋ rɔ̈p.

Jeremia 6:24

Go kɔc ke Jeruthalem lueel an, “Wok cï thok piŋ, goku woyiëth kuak në wocin, wok cï piɔ̈ɔ̈th jiɛth në arɛɛm ku töök de piɔ̈u në riɔ̈ɔ̈c cï tiiŋ rɔ̈p.

Ɣagai 2:22

ku puɔ̈k thööny de ciɛɛŋ piny, ku riääk riɛl de ciɛɛŋ ë juöör ëbɛ̈n. Ku puɔ̈k abëël ke tɔŋ piny, ayï kɔc ee cath thïn. Ku jöŋgöör ke tɔŋ abïk thou, ku kɔc ee cath në kekɔ̈ɔ̈th abïk röt lɔ̈ɔ̈k nɔ̈k kapäc.

Dhek 14:13

Në ee köölë abï Bɛ̈nydït keek tɔ mum nïïm ku tɔ keek riɔ̈c, ka raan abï raan thiääk ke yen aa dɔm ku mɛk.

Math 24:8

Ku kakë kedhie acïtkï kɛ̈c ee tik käc të kɔɔr en dhiëth.

Mak 13:7

Ku të ya wek tɔɔŋ piŋ ku piɛŋkï jam ë tɔŋ lueel ë kɔc thook, ke we duökï ye diɛɛr: kek abïk dhil tïc, ku ŋoot thök de käŋ wei.

Mak 13:9

“Ku week, yak röt tiit: we bï aa lɛɛr ë lööŋ nïïm, ku leerë week ë ɣööt ke Nhialic yiic, ku we bï aa dui, ku we bï bɛ̈ɛ̈i ë bäny ceŋ piny nïïm ayï meliik nïïm në biäkdï, abäk aa cäätɔɔkï ë kenïïm.

Luɔi 11:28

Go raan tök ë keek rɔt jɔt, raan cɔl Agabo, go kɔc yɔ̈ɔ̈k në Wëidït an, de cɔŋ dïït bï dap bɛ̈n ë piny nɔm ëbɛ̈n. Na wën, ke cɔŋë tul wään nu Kulaudio Kaithar.

1 Theth 5:3

Ku të lueel kek en an, “Piny arɛ̈ɛ̈r ëdïu, ku acïn riɔ̈ɔ̈c nu,” en a bï riääk ë kegup ëthiäu, cït man ë kɛ̈c cï tik käc, ku acïn kë duëër kek poth.

Nyuuth 6:4

Go jöŋgör däŋ bɛ̈n bei, jöŋgör aluɛɛl, go raan rɛ̈ɛ̈r ë yekɔ̈u gäm riɛl bï en mät nyaai ë piny nɔm, ke kɔc ë ke bï röt nɔ̈k kapäc, ku cï gäm abätäu dït.