Mak 13:24 - JAM DE NHIALIC 2011

²⁴ Ku në aköölkë yiic, të cï këtuc ë kɔc dhal wan, ke akɔ̈l abï cuɔl, ku pɛɛi acïï bï bɛ ɣɛɛr,

Mak 13:24 Iomraidhean Croise

Yith 13:10

Kuel ke paannhial ëbɛ̈n ku kuut ke kuɛl acïkï bï riau, ku akɔ̈l abï cuɔl të bïï yen thok, ku pɛɛi acï bï ruɛl.

Jeremia 4:28

Piny nɔm abï dhuöör ku nhial abï aa mɔ̈ɔ̈th. Acïï Bɛ̈nydït lueel, ku acïï Yenɔm bï waar. Acï löŋde tääu piny ku acïï bï dak nɔm ciëën.

Edhekiɛl 32:7

Të lan yïn lɔ riɔ̈ɔ̈k, Yɛn bï tënhial kum ku cuɔth kuɛl. Akɔ̈l abï thiaan në luäät kɔ̈ɔ̈th, ku pɛɛi acïï piny bï meer.

Danyel 12:1

Go tunynhial ceŋ lupɔɔ ɣer lueel an, “Në aköölkë yiic, Maikɔl, tunynhial dït, raan ee kɔc ke Yithriɛl tiit, abï tïc. Ku abï dɛ akööl ke nuan, nuan dïït kën rɔt kɔn looi ɣɔn ciɛk ë juöör ke piny nɔm aɣët cï ee köölë. Të cï ë köölë bɛ̈n, kɔc ke jurdun kedhie kɔc cïï ë rinken gɔ̈ɔ̈r në awerek de Nhialic yic, abïï keek kony wëi.

Danyel 7:10

ku nyin ë mac awët bei ë yeyic. Ade aguum ke kɔc juëc ëtɛ̈ɛ̈n, kɔc luui yen, ku aguum juëc ke kɔc cïï lëu në kuɛ̈n akɛ̈ɛ̈ckï në yenɔm. Ku jɔ luk luɔide gɔl, ku awereek acï keek pet yiic.

Jowɛl 2:10

Piny ee rɔt nieeŋ në kenïïm tueŋ, ku lɛthë tënhial. Akɔ̈l kekë pɛɛi acïk cuɔl, ku kuɛl acïkï be riau.

Jowɛl 3:15

Akɔ̈l kekë pɛɛi acïk cuɔl, ku kuɛl acïkï be riau.

Amoth 5:20

Kööl ë Bɛ̈nydït abï cuɔl acï bï ɣɛɛr, abï ya kööl ë jiɛthëpiɔ̈u, kööl cïnic tëthiin ɣer liŋliŋ.

Mak 13:23

Ku week, yak röt tiit! Tiëŋkï, we cä kɔn lɛ̈k käŋ kedhie.

2 Pet 3:10

Ku kööl ë Bɛ̈nydït abï bɛ̈n cït man ë cuɛ̈ɛ̈r, Në ee köölë tënhial abï nyaai në awuööu dït, ku lɛ̈ɛ̈ŋ kanhial në tuöc de manydït, ku piny abï nyop kekë ka cï looi thïn abï lɔ kuith piny.

2 Pet 3:12

ku tiët aa wek bɛ̈n de kööl ë Nhialic tiit, an, bäk dap loor, kööl bï tënhial ɣɔ̈k mac, ago riäär, ku lɛ̈ɛ̈ŋ kanhial në tuöc de many dɛ̈p aläl?

Nyuuth 20:11

Na wën, ke ya tïŋ gök de thöönydïït ɣer, ku tiëŋ Raan rɛ̈ɛ̈r ë yenɔm, Raan cï piny kat ë yenyin ayï tënhial, ku acïn tëdɛn cï rɔt yök.