Mak 13:19 - JAM DE NHIALIC 2011

¹⁹ Aköölkë abïk aa kööl ke këtuc ë kɔc dhal, këtuc cïn kë kït ë yen, gɔl të ɣɔn ciɛkë Nhialic käŋ aɣët cï ënɔɔnë, ku acïn kë cït en bï lɔ̈ɔ̈k nu aɣet athɛɛr.

Mak 13:19 Iomraidhean Croise

Dhiëëu 1:12

Ku ye kɔc tɛ̈k kueer ëbɛ̈n yöök an, “Tïŋ ɛn! Acïn raan cï arɛɛm kɔn yök cït man ë yɛn. Arɛɛm ë yïïn ë Bɛ̈nydït yɛn në akööl ke agönhde.

Dhiëëu 2:13

Jeruthalem oou, Jeruthalemdiën nhiaar, eeŋö duɛ̈ɛ̈r lueel? Duɛ̈ɛ̈r yïn tɔ dut piɔ̈u adï? Acïn raan cï kɔn nuan cït man ee kënë? Riääk de nyan de Dhiɔn acïn pëk, acït wɛ̈ɛ̈r, acïn kuɔɔny thiɔ̈k bïï ë yï kony.

Dhiëëu 4:6

Kɔckï acï keek luöi këtuc, këtuc wär këtuc cï luöi kɔc ceŋ Thɔdom, kɔc ɣɔn yök duëër adur ë thiäu ë Nhialic cin.

Danyel 12:1

Go tunynhial ceŋ lupɔɔ ɣer lueel an, “Në aköölkë yiic, Maikɔl, tunynhial dït, raan ee kɔc ke Yithriɛl tiit, abï tïc. Ku abï dɛ akööl ke nuan, nuan dïït kën rɔt kɔn looi ɣɔn ciɛk ë juöör ke piny nɔm aɣët cï ee köölë. Të cï ë köölë bɛ̈n, kɔc ke jurdun kedhie kɔc cïï ë rinken gɔ̈ɔ̈r në awerek de Nhialic yic, abïï keek kony wëi.

Danyel 9:12

Yïn cï ka wään bä lueel an bä ke luöi wook në bänykuɔ looi. Yïn cï Jeruthalem luöi këtuc aläl awär këtuc cï luöi pänydït kɔ̈k ë pinynɔm,

Danyel 9:26

Ku të cï aköölkë thök, bɛ̈ny cïï Nhialic lɔc abïï nɔ̈k akur. Ku pänydït kekë tëɣeric abï keek riɔ̈ɔ̈k në bɛ̈ny ril ëtör pec wut. Ku thök de käŋ abï bɛ̈n cït amool, ke bïï tɔŋ kekë riääk cïï Nhialic guiir.

Jowɛl 2:2

Abï ya kööl ë mɔ̈ɔ̈th ku cuɔl, ku ye kööl ë luät kööl col ë cut. Rem dïït de tɔŋ ë kɔyɔm abï bɛ̈n, ke cï piny paat cït run ë piny ee kur mɔ̈ɔ̈r nïïm. Rem dïït ril kënë kɔn tïŋ, ku acïn kë bï bɛ ciët en anande.

Math 24:21

Ë aköölkë këtuc dït abïï kɔc yök këtuc cïn kë kït ke ye, gɔl të ɣɔn ciɛkë piny aɣët cï ënɔɔnë. Ku acïn kë bï ciët en bï lɔ̈ɔ̈k nu aɣet athɛɛr.

Mak 10:6

Ku të ɣɔn ciɛkë piny, moc ku tik en aye cuɛ̈c ë cuëëcë Nhialic keek.

Mak 13:18

Ku yak lɔ̈ŋ ë baŋ ë kat kat wek ke cïï bï nu rut!

Mak 13:20

Ku tëë Bɛ̈nydït kën aköölkë tɛm kɔ̈ɔ̈th, adï cïn kɔc bï luök: ku në baŋ de kɔc cï lɔc, kɔc wään cï meek, en acï en aköölkë tɛm kɔ̈ɔ̈th.

Nyöŋ 28:59

abï week ku mïth ke mïthkun tuöc jɔɔk cie waar ku jɔɔk tuc thook ee kɔc thöl, jɔɔk cïï duëër kɔ̈ɔ̈c taitai.

Nyöŋ 4:32

“Thiëckï ënɔɔnë në biäk ë akööl ɣɔn thɛɛr, akööl ɣɔn kënë we kɔn dhiëëth, lɔɔr ciëën ya agut cï të ɣɔn bï Nhialic raan cak ë pinynɔm, kɔɔr piny nɔm ëbɛ̈n. De këdïït cït e kënë cï kɔn tuöl wään tueŋ? De raan cï kë cït ee kënë kɔn piŋ?

Nyuuth 7:14

Guɔ lueel, an, “Bɛ̈ny, aŋic yïn.” Ago pɔ̈k nɔm ɛn, an, “Kɔckë ee kɔc ë bɔ̈ bei ë këtucdïït ë ke dhalic, ku acïk lupɔɔken waak, tɔkï ke ɣer ë riɛm de Nyɔŋamäälic.