Mak 13:13 - JAM DE NHIALIC 2011

¹³ Ku we bï aa maan ë raan ëbɛ̈n në baŋ de rinkï: ku raan ë yepiɔ̈u ruut a thöökë käŋ, yen abï kony wëi.

Mak 13:13 Iomraidhean Croise

Danyel 12:12

Thieithieei në kɔc bï döŋ ke ke ye piɔ̈ɔ̈th adööt agut të le nïn agum ku bot kadiäk ku thiërdiäk ku dhïc 1,335 wan!

Math 10:22

Ku we bï maan ë kɔc kedhie në baŋ de rinkï, ku raan ë yepiɔ̈u ruut aɣet të bï käŋ thök, yen abï kony wëi.

Math 24:13

Ku raan bï epiɔ̈u ruut aɣët të bï käŋ thök, yen abï kony wëi.

Math 24:9

E aköölkë ke we bï yiɛ̈n kɔc, kɔc bï we luöi kërac, ku näkkï week abäk thou, ku we bï maan ë juöör ëbɛ̈n në baŋ de rinkï.

Mak 13:12

Ku raan abï mɛnhkënë yiɛ̈n kɔc lek nɔ̈k, ku yïn wun meth mɛnhde kɔc lek nɔ̈k, ku mïth abïk röt jɔ̈t kɔc ë dhiëth keek, ku tɔkï ke näk.

Luk 21:17

Ku we bïï kɔc maan kedhie në biäk de rinkï.

Luk 6:22

“Thieithieei week, të mɛɛnë kɔc week, ku të tɔ kek wek ë kɔc mɛɛn, ku të lɛ̈ɛ̈t kek week, ku të reec kek rinkun tɔkï ke nhiany, në baŋ de Wën ë Raan!

Jɔn 15:21

Ku abïk kakë kedhie luöi week në biäk de rinkï, në kuny kuc kek raan ë toc ɛn.

Jɔn 17:14

Acä ke gäm jamdu, ku acï kɔc ke piny nɔm ke maan gup, luɔi cïï kek ee ka ke piny nɔm, cït man ë yɛn, yɛn cie këde piny nɔm.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Galatai 6:9

Ku duku wopiɔ̈ɔ̈th tɔ bäp në luɔi de këpiɛth: wo bï tem ëkööl piɛth ë tëm, të kën wok bäp.

Ɣeberuu 10:39

Wook ënɔɔnë, wok cie kɔc ee röt dak ciëën wën ee röt lɔ ɣääl ë riääkic, wok ee kɔc ke gäm wën ee röt lɛɛr ë kuɔɔnyic.

Ɣeberuu 3:14

Wok duëër rɔm në Kërtho ëtök, të muk wok gämdan cï wok kɔn gam aril agut cï thök de käŋ.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

1 Jɔn 3:13

Duökï ee gäi, wek mïthëkɔckuɔ, të mɛɛnë kɔc ke piny nɔm week.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.