Mak 12:36 - JAM DE NHIALIC 2011

³⁶ Debid guöp acï lueel në Wëidït ɣer an, ‘Bɛ̈nydït acï Bɛ̈nydiëndït yɔ̈ɔ̈k an, Nyuc ë baŋ cuënydï, aɣet të bän kɔc dɛ wek ater tɔ ye kɔm ee yïn yïcök dhɔ̈ɔ̈r.’

Mak 12:36 Iomraidhean Croise

2 Tham 23:2

Wëi ke Bɛ̈nydït ajamkï në yaguöp, jamde atɔ̈u në yathok.

Neɣe 9:30

Ruöönë ee lɔ në ruöönë cök ke ke ye yɔ̈ɔ̈k në piɔ̈n lir, ku thiäŋ tïtku në Wëidït bïk keek jääm, ku kɔcku acïk aa mïŋ, ka cï keek tɔ pec ë juöör kɔ̈k.

Diɛt 110:1

Bɛ̈nydït acï bɛ̈nydï yɔ̈ɔ̈k an, “Nyuc ë yalɔ̈ɔ̈m në ciin cuënydï agut të bän kɔc dɛ wek ater tɔ ee kɔmduön ee yïn yïcök dhɔ̈ɔ̈r.”

Math 5:35

Ku du ë lueel ë piny aya, ee kë ye Nhialic ecök dhɔ̈ɔ̈r, ayï Jeruthalem, du ë lueel, ee pänydïït ë Melik dït.

Luɔi 1:16

ku jɔ lueel an, “Wek mïthëkɔckuɔ, këcïgɔ̈ɔ̈r acï dhil aa yic, kë cïï Wëidït ɣer luel ë Debid thok ɣɔn thɛɛr në këde Judath, raan ë wat kɔc wään dɔm Yecu.

Luɔi 28:25

Na wën, akën jamden rɔ̈m, ke ke jɔ jäl, të cï Paulo jam tök lueel, an, “Ee yic yen kë cïï Wëidït ɣer lɛ̈k wärkuɔ në tiët Yithaya,

1 Kor 15:25

Ku yen abï piny dhil cieŋ, aɣet të cï en kɔc de ater ë yen tuɛɛl ë yecök yiic piny.

2Tim 3:16

Këcïgɔ̈ɔ̈r ëbɛ̈n ee kë cï Nhialic tɔ bɔ̈ në Wëike, ku ade naamde në këde wëët, ku jäny, ku kïït ee käŋ kiɛt piny, ku piööc në piathëpiɔ̈u:

Ɣeberuu 1:13

Acïn tunynhial cïï Nhialic kɔn yɔ̈ɔ̈k an, “Nyuc ë ciin cuënydï, aɣet të bän kɔckuön ke ater tɔ ye ka Yïn ke Yïcök dhɔ̈ɔ̈r.”

Ɣeberuu 4:7

Na ɣɔn acï run juëc tëëk, ke be ë Nhialic lɛ̈k Debid në luɔi bï Yen ŋoot ke cöt an, “Të piɛŋ wek röl ë Nhialic ee köölë, ke we duökï wenïïm tɔ ril.”

1 Pet 1:11

Ayek cök ë kɔɔr kek en an, Ee köölou ku nɔn ee yen kööl cït ŋö, kööl cï Wëidït nu ë keyiic nyooth, ɣɔn lueel kek ka bïï Kërtho guum, ku dhuëëŋ bï bɛ̈n ë kecök, ke ke ŋoot wei.

2 Pet 1:21

Acïn jam ë guiir tiët jam ë bɔ̈ në këde piɔ̈n ë raan ëtaiwei: kɔc ɣerpiɔ̈ɔ̈th kɔc ke Nhialic aake ye jam guiir të ye Wëidït ɣer ke kuaath.