Mak 12:29 - JAM DE NHIALIC 2011

²⁹ Go Yecu bɛ̈ɛ̈r an, “Cöök nu tueŋ ë cök yiic kedhie kï an, ‘Piëŋkï wek Yithriɛl, Bɛ̈nydït Nhialicda ee Bɛ̈nydïït tök.

Mak 12:29 Iomraidhean Croise

Diɛt 86:10

Yïn dït aläl ku ye kadït ke gäi looi. Yïn Yïtök Yïn aye Nhialic.

Kɛ̈ŋ 23:26

Mɛnhdï, piŋ këdiën luɛɛl, woi kë luɔɔi ku döt kuɛɛrkï yiic apiɛth. Akɔɔrröör ku tiiŋ cath thïn ayek pul thuth thar. Ayek kɔc buuth cït man ë kɔc ee kɔc rum ku ayek röör juëc pɛ̈n yök në diëërken.

Math 10:37

Raan nhiaar wun ayï man awär nhiëër nhiɛɛr en en, ka cïï rɔ̈ŋ kekë yɛn, ku raan nhiaar wënde ayï nyande awär nhiëër nhiɛɛr en ɛn, ka cïï rɔ̈ŋ kekë yɛn.

Math 23:9

Ku ë cïn raan yak tɔ ye ‘Wuöördun’ ë piny nɔm, në biäk dɛ wek nïïm ‘Wuöördun’ tök, yen aye Raan nu paannhial.

Luk 10:27

Go bɛ̈ɛ̈r an, “ ‘Yïn bï Bɛ̈nydït Nhialicdu nhiaar ë piɔ̈ndu ëbɛ̈n, ku wëiku ëbɛ̈n, ku riɛldu ëbɛ̈n, ku nɔmdu ëbɛ̈n,’ ku ‘nhiaar raan rɛ̈ɛ̈r ke yïn cït man nhiɛɛr yïn rɔt.’ ”

Romai 3:30

Luɔi ee yen Nhialic töŋë, Raan bï kɔc cï cueel tɔ piɛthpiɔ̈ɔ̈th në gäm, ku tɔ kɔc kënë cueel piɛthpiɔ̈ɔ̈th në gäm ayadäŋ.

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

Galatai 3:20

Ku raan ë kɔc luk, acie raan tök en ee luöök, ku Nhialic en aye tök.

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 30:6

Ku Bɛ̈nydït Nhialicdun abï week ku mïthkun gäm piɔ̈ɔ̈th ke riëëu, aguɔkï jɔ nhiaar në piɔ̈ɔ̈thkun ëbɛ̈n, ku we bï ŋoot ke we rɛ̈ɛ̈r ë pinyë yic.

Nyöŋ 6:4

“Wek kɔc ke Yithriɛl piɛŋkï kënë, Bɛ̈nydït yetök, yen aye Nhialicda.

1 Tim 1:5

Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

1 Tim 2:5

Nhialic tök tei en anu ku ade raan töŋ ee luk lueel raan nu ë kaam de Nhialic kekë kɔc, yen aye raan cɔl Kërtho Yecu,

Jakop 2:19

Acï gam nɔn ee Nhialic tök tei, acï tiiŋ nɔm! Acï jɔɔk rac gam ayadäŋ, ku lɛthëke.

Juda 1:25

Nhialic pelnɔm, cïn Nhialic ee kek rou, ku ye Konydan ë wëi në Yecu Kërtho Bɛ̈nydïïtda, ë dhuëëŋ ë ye tɔ̈u ke yen, ku dït, ku riɛl, ku bɛ̈ɛ̈ny, ɣɔn thɛɛr ya ayï ënɔɔnë, aɣet athɛɛr ya. Amiin.