Mak 10:52 - JAM DE NHIALIC 2011

⁵² Go Yecu yɔ̈ɔ̈k an, “Lɔ, gämdu acï yï tɔ dem.” Go dap yïn ënɔnthiinë, ku jɔ kuany cök kueer.

Mak 10:52 Iomraidhean Croise

Diɛt 146:8

ku tɔ kɔc cï cɔɔr daai. Bɛ̈nydït ee kɔc cï löny jat nhial, ku anhiaar kɔckɛn piɛthpiɔ̈ɔ̈th.

Diɛt 33:9

Kë cï lueel ë rɔt bɛ̈n looi, ku löŋde ee kɔ̈ɔ̈c ë cökiic.

Yith 35:5

Nyïïn ke cɔɔr abïk daai, ku miŋ abï piŋ.

Math 11:5

Cöör ayïnkï, ku ŋöl aciɛthkï apiɛth, kɔc de gup wɛth acïk gup waar, mïŋ apïŋkï, kɔc cï thou acï ke jat nhial ka cïk pïïr, ku kɔc kuanynyïïn aye ke guiëër wëlpiɛth.

Math 12:22

Na wën, ke raan de guöp jɔŋ rac bïï yë të nu yen, ku ye cɔɔr, ku cïn ethok të jam, ago tɔ dem, arëk abï raan wën cï cɔɔr ku cïn ethok të jam abï jam ku dɛɛi.

Math 15:28

Go Yecu puk nɔm an, “Yïn ë tiiŋë, gämdu adït, yïn cï këde piɔ̈ndu yök.” Go nyande guöp waar ë thaar manë guöp.

Math 21:14

Go cöör ayï ŋöl bɛ̈n të nu yen Luaŋdït, ago ke tɔ dem.

Math 8:3

Go Yecu yecin riɛny tueŋ, jiɛk, ku lueel an, “Anu ë yapiɔ̈u, waar guöp.” Go wɛnhde waar ënɔnthiinë.

Math 9:22

Go Yecu rɔt puk, na wën, aacï e tïŋ, ke lueel an, “Rom yïpiɔ̈u, nyanë, gämdu acï yï tɔ piɔl.” Go tiiŋë dem ë thaar manë guöp.

Mak 1:31

Go bɛ̈n, bïï ku dɔm cin, jɔt nhial, go juäi päl piny ënɔnthiinë, go kaken looi.

Mak 5:34

Go yɔ̈ɔ̈k, an, “Nyanë, gämdu acï yï tɔ waar, lɔ tei ë ciën këdäŋ, yïn bï guöp pial ë jɔŋdu.

Mak 8:25

Na wën, ke be ecin thany ë yenyin, ku tɔ jɔt enyin. Go nyin bɛ lɔ tëden, ku jɔ kɔc woi ëgɔk kedhie.

Luk 7:50

Go tik yɔ̈ɔ̈k an, “Gämdu acï yï kony, lɔ tei, acïn kërac.”

Luk 9:48

go ke yɔ̈ɔ̈k an, “Raan bï mɛnhthiinë dɔm në rinkï, ka ee yɛn ë dɔm, ku raan koor ë weyiic wedhie, yen abï dït.”

Jɔn 9:32

Të ɣɔn ciɛkë piny akënë kɔn piŋ nɔn de yen raan cï raan liep nyin raan cï dhiëth ke ye cɔɔr.

Jɔn 9:39

Go Yecu lueel an, “Ee guiëërëlöŋ yen aa bïï yɛn ë piny nɔm, ke kɔc cie daai ë ke bï bɛ̈n daai, ku bï kɔc daai bïk cɔɔr.”

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’