Mak 10:30 - JAM DE NHIALIC 2011

³⁰ ku cïï käŋ bï bɛ yök, ka cï kenyïïn ŋuak raan bɔt ë nɔn pïïr en, ɣööt, ku mïthëkɔcken, ku nyïïrëkɔcken, ku märken, ayï mïthke, ayï duum, kekë yöŋ bï kɔc e yɔŋ, na miäk ë piny bï bɛ̈n, ke yök pïïr athɛɛr.

Mak 10:30 Iomraidhean Croise

2 Lëk 25:9

Na wën ke Amadhia ë thiëc raan de Nhialic an, “Ku na ateek juëc cän keek riɔp?” Go ë raan de Nhialic bɛ̈ɛ̈r an, “Bɛ̈nydït abï yï cuööt awär ee kake!”

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Kɛ̈ŋ 16:16

Pɛlënɔm ade naamdɛndït awär adhääp, ku yöŋ de käŋiic ade naamde awär atek.

Malakai 3:10

Acï Bɛ̈nydït de rɛm lueel an, Bɛ̈ɛ̈ikï miɔ̈c de töŋ thiëër ë käŋ nyïïn kedhie në Luaŋdiën dït yic, ke ɣöndï ë bï thiäŋ ke kacaam. Ku thɛmkï Yɛn, tiëŋkï na cä awëër nyïïn ke tënhial bï liep, ku luööŋ athiɛɛi piny ëbɛ̈n, abäk nïïm ciën të tääu wek ke thïn.

Math 12:32

Ku raan lëk Wën ë Raan jam rac, ka bï päl en, ku raan lëk Wëidït ɣer jam rac, ka cïï bï päl en, ayï ë pinyë nɔm, ayï piny bï lɔ̈ɔ̈k bɛ̈n.”

Math 13:8

Ku lööny kɔ̈k ë tiɔɔm piɛthic, agokï luɔk, kɔ̈k nyin tök abï bɔt bɛ̈ɛ̈i, ku kɔ̈k nyin tök abï thiërdhetem bɛ̈ɛ̈i, ku kɔ̈k nyin tök abï thiërdiäk bɛ̈ɛ̈i.”

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Luk 18:30

ku cïï kajuëc bï yök ee pinyë nɔm ënɔɔnë, awärkï kakɛn cï pɔ̈l, ku miäk në piny bï bɛ̈n, ke jɔ pïïr athɛɛr yök.”

Jɔn 10:23

ku piny ee rut. Ku Yecu aa cath ë gɔ̈ɔ̈lic göl ë Tholomon në Luaŋdïtic.

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Luɔi 16:25

Na wën, ë wɛ̈ɛ̈ric cil, ke Paulo ku Thila ke ke läŋ ku kitkï diɛt leec kek ke Nhialic, ku piŋ kɔc kɔ̈k cï mac ë keek ëtök.

Luɔi 5:41

Gokï jäl ë löŋ nɔm, ke ke mit piɔ̈ɔ̈th nɔn cï ke tɔ ye kɔc röŋ në guöm de ayäär në baŋ de Rinke.

Romai 5:3

Ku acie yen etök, wok lec röt në karil dhal wook ayadäŋ, në ŋïny ŋic wok en an, karil dhal wook, yen aye guömdekäŋ bɛ̈ɛ̈i,

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

2 Kor 6:10

acït kɔc ë dhiau, ku wo ye piɔ̈ɔ̈th miɛt ananda, acït kɔc kuanynyïïn, ku wo ye kɔc juëc tɔ kueth, acït kɔc cïn nïïm kaken, ku wo de nïïm käŋ kedhie.

Pilipoi 3:8

Yeka, ee yic, yɛn ë käŋ tɔ ye riääk tei kedhie, në biäk de piath wär këriëëc, piath de ŋïny ŋiɛc ɛn Kërtho Yecu Bɛ̈nydiëndït, raan cï riääk de kakï kedhie aa tiiŋ nɔm në biäkde, ku acä ke tɔ ye wɛr tei, luɔi bän Kërtho yök,

2 Theth 2:16

Ku ënɔɔnë, Bɛ̈nydan Yecu Kërtho guöp, ku Nhialic Wääda, Raan cï wo nhiaar, Raan cï wo gäm muŋdepiɔ̈u bï ɣet athɛɛr, ku gɛm aŋäth piɛth në dhuëëŋ de yenpiɔ̈u,

1 Tim 4:8

Yïr ee raan e guöp yïïr ade naamdɛn thiinakäŋ: ku riëëu ee raan Nhialic riëëu ade naamdɛn dït ë këriëëc ëbɛ̈n, ee raan tɔ ŋɔ̈th në këde pïïr ënɔɔnë, ayï këde pïïr bï bɛ̈n.

1 Tim 6:6

Ku riëëu de Nhialic kekë ayum de piɔ̈u yen aye ŋuäŋ de käŋ ëgɔk.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Jakop 5:11

Tiëŋkï, wo ye kɔc ee käŋ guum tɔ ye kɔc cï thieei. We ye guöm cï Jop käŋ guum piŋ, ku we cï thök de luɔi de Bɛ̈nydït tïŋ, ŋïny ŋicë Bɛ̈nydït kɔc kuanynyïïn, ku luɔi ee yen piɔ̈u dap kok.

1 Jɔn 2:25

Ku kënë ee kë cï kɔn lueel, an, bï gäm wook, yen pïïr athɛɛr.

1 Jɔn 3:1

Tiëŋkï nhiëër dïït cïï Wääda wo nhiaar, bï wo ya cɔɔl mïth ke Nhialic, ku ee wook. Yen a kucë kɔc ke piny nɔm wook, luɔi ë kuc kek en.

Nyuuth 2:9

Yɛn ŋic luɔidu, ku ŋiɛc katuc ee yïn dhal, ayï kuany cï yïn nyin kuany (ku yïn cï bäny), ku ŋiɛc lɛ̈ɛ̈t rɛɛc de kɔc ee ye lueel, an, yek Judai, ku cïkï ye Judai, ku yek luaŋ de Catan.

Nyuuth 3:18

Yen alɛ̈k ɛn e yïn, ɣɔc adhäm cï mac tɔ lɔ wai tëde yɛn, ke yï bï bäny, ku ɣɔc lupɔɔ ɣer, ke yï bï kɔ̈u dɛ lupɔ, go ayäär ë ciën cïn yïn kɔ̈u lupɔ cuö tiëc: ku jɔ yïnyin tɔc ë wɛ̈ɛ̈l ë nyin, ke yï bï daai.