Mak 10:14 - JAM DE NHIALIC 2011

¹⁴ na wën, aacï Yecu ye tïŋ, ke diu piɔ̈u arëët, ku yöök keek, pälkï mïththiaakäŋ ë ke bɔ̈ të nuö yɛn, duökï ke pën: ciɛɛŋ de Nhialic ee këde kɔc cït keek.

Mak 10:14 Iomraidhean Croise

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

Diɛt 78:4

Acuku keek bï thiaan në mïthkuɔ, abuk keek lëk rem däŋ bï bɛ bɛ̈n abuk keek lëk riɛl de Bɛ̈nydït, ku kadït cï looi ku göökdït ke käŋ cï ke looi.

Yith 65:23

Kë bïk aa looi abï ya tiam ku mïthken acïn kërɛɛc bï keek aa yök. Abä ke thieei ku thiɛɛi kuatden ayï akööl bï bɛ̈n kedhie.

Kuɛ̈n 14:31

Ku mïthkuön wään cak lueel an bï ke lɔ peec, kek abä lɔ tɔ yök piny wään rɛɛckï miɛt.

Math 18:10

Tiëŋkï röt, ke we cïï mɛnh tök ë mïththiikë yiic bï kuöc theek, wek yɔ̈ɔ̈k an, “Tuuckɛn nhial ayek wäär woi nyin ëcaŋɣɔn wäär nu paannhial.

Math 18:4

Yen ka, raan ëbɛ̈n raan ë rɔt tɔ koor cït man ë mɛnhthiinë, yen adït ë ciɛɛŋ de paannhial.

Math 19:14

Go Yecu lueel an, “Pälkï mïththiaakäŋ, duökï ke pën bɛ̈n të nuö yɛn, ciɛɛŋ de paannhial ee këde kɔc cït keek.”

Math 5:10

Thieithieei ë kɔc ee yɔŋ në baŋ de piathëpiɔ̈u, ciɛɛŋ de paannhial ee këden.

Math 5:3

“Thieithieei ë kɔc kuanynyïïn në wëiken, ciɛɛŋ de paannhial ee këden.

Mak 3:5

Na wën, aacï keek lieec ke cï ŋeeny, ë piɔ̈u diu në riɛl ril kek piɔ̈ɔ̈th, ke jɔ raan yɔ̈ɔ̈k an, “Riny yïciin.” Go riny: go ciin bɛ piath cït man ë ciin däŋ.

Mak 8:33

Go rɔt puk, ku woi kɔckɛn ë piööcë, ku jɔ Petero jɔ̈ɔ̈ny, lueel an, “Lɔ ë yakɔ̈u ciëën, Catan: acie ka ke Nhialic kek tuɔɔmë ë yïpiɔ̈u, ee ka ke kɔc tei!”

Jɔn 3:3

Go Yecu puk nɔm an, “Yïn yɔ̈ɔ̈k ëyic an, të kënë raan bɛ dhiëëth, ka cïï ciɛɛŋ de Nhialic duëër tïŋ.”

Jɔn 3:5

Go Yecu puk nɔm an, “Yïn yɔ̈ɔ̈k ëyic an, të kënë raan dhiëëth në pïïu kekë wëi, ka cïï duëër lɔ ë ciɛɛŋ de Nhialicic.

Luɔi 2:39

Kë cï lueel an, bï gäm kɔc, ee këdun week, ku ye këde mïthkun, ku ye këde kɔc nu tëmec kedhie, kɔc bïï Bɛ̈nydït Nhialicda cɔɔl.”

Luɔi 3:25

Wek ee mïth ke tït, ku yak mïth ke löŋ, löŋ cïï Nhialic mac kekë kuarkuɔ, wään yöök en Abraɣam an, ‘Ku në käu de yïnguöp abï dhiëën ke piny nɔm aa thieei kedhie.’

Romai 11:16

Ku na ɣer awany tueŋic, ka yen ɣɛɛr ë awacic ëbɛ̈n ka, tim, të ɣeerë meideyic, ka yen ɣɛɛr ë kërke yiic ka.

Romai 11:28

Në këde wëlpiɛth, ayek kɔc de ater në Nhialic në baŋdun, ku në këde löny lɔcë keek, ayek kɔc nhiaar në löŋ de wärkuɔ.

1 Kor 14:20

Wek mïthëkɔckuɔ, duökï bï aa mïthiikë në ŋïnydekäŋ, yak aa mïththii ateteet në racdepiɔ̈u tei, ku në ŋïnydekäŋ yak aa röördït.

1 Kor 7:14

Mony kën gam aye tɔ ɣeric në tik, ku tiiŋ kën gam aye tɔ ɣeric në moc: tëë cie yen, ke mïthkun adï kënkï yiic ɣɛɛr, ku acïk yiic ɣɛɛr ënɔɔnë.

Epethiei 4:26

Gɔ̈thkï, ku duökï kërac looi: duökï akɔ̈l tɔ lɔ piny ke we ŋoot ë wek göth:

Nyöŋ 4:37

Ku në biäk nhiɛɛr En kuarkun, ku lɔc week në kecök, ku bïï wek bei guöpde piny de Rip në riɛldɛndït.

2Tim 1:5

Yɛn ee yanɔm cät ë gäm nu ë yïpiɔ̈u gäm cïnic ruëëny, gäm ë kɔn cath kekë kɔk Loyith, ku be cath kekë Yunike moor, ku aŋiɛc ëgɔk nɔn ciɛth en ke yïn aya.

2Tim 3:15

ku ŋic kënë aya an, ɣɔn ee yïn mɛnhthiinakäŋ, yïn ë ŋic kacïgɔ̈ɔ̈r kaɣer yiic, ka cath në riɛl bïk yï tɔ ye raan pelnɔm aɣet kuny bï yï kony wëi në gäm cï yïn Kërtho Yecu gam.

Jocua 8:35

Jocua ë lööŋ ke Mothe bɛ̈n kuɛ̈n kɔc ke amatnɔm cï kenïïm mat kedhie, diäär, ayï mïth ayï kɔc lei rɛ̈ɛ̈r në keek.

1 Pet 2:2

Takkï röt cït mïth cï piac dhiëëth, aguɔkï cɛk ke jam ë Nhialic aa kɔɔr, cɛk awai, ke we bï dït ë keek akonyë we wëi.

Nyuuth 14:5

Ku acïn luenh cï yök ë kethook: atɔ̈ukï ë thöönydïït ë Nhialic nɔm ke ke cïn gäŋ duëërë ke gɔ̈k.

1 Tham 1:11

Ku kuëëŋ mël ku lueel an, “Bɛ̈nydït de rɛm, tïŋ ɛn yɛn lïmdu! Tïŋ ee nuandïït cï ya yökë, ku tak ɛn! Du nɔm mär në yɛn! Gämë ya mɛwä, ku të le yïn e gäm ɛn, abä gäm Bɛ̈nydït bï aa këde në pïïrde yic ëbɛ̈n, ku acï bï kɔn muut nɔm anande.”

1 Tham 1:22

Ku Ɣana akën bɛ̈n lɔ ke keek, acï lɛ̈k monyde an, “Të le meth nyueth, abä lɛɛr Luaŋdït, ku abï jɔ tɔ̈u ëtɛ̈ɛ̈n në pïïrde yic ëbɛ̈n.”