Mak 1:5 - JAM DE NHIALIC 2011

⁵ Na wën, ke kɔc ke piny ë Juda kedhie, ku kɔc ke Jeruthalem, ke ke lɔ biic të nu yen, go ke baptith në yen kedhie ë wɛ̈ɛ̈r de Jordan yic, ku gamkï karɛcken.

Mak 1:5 Iomraidhean Croise

Diɛt 32:5

Yɛn kën awɛ̈ɛ̈ckï thiaan, guɔ awänydï jɔ gam ë Yïnɔm. Acä keek gam ë yïnɔm, ago ya päl karɛckï ëbɛ̈n.

Kɛ̈ŋ 28:13

Raan ee kë cï wööc thiaan acïn këdɛn ee lɔ tueŋ, ku raan awɛ̈ɛ̈cke gam ku pɛ̈l ke ee kokdepiɔ̈u yök.

Math 4:25

Go kuany cök ë kut dïït ë kɔc bɔ̈ Galili, ku Dekapoli, ku Jeruthalem, ku Juda, ku Jordan nɔm lɔŋtui.

Mak 1:4

Go Jɔn bɛ̈n, raan ee kɔc baptith ë jɔ̈ɔ̈ric, ku ye kɔc guiëër në baptith ë puŋëpiɔ̈u në päl bïï karɛc pɔ̈l.

Mak 1:6

Ku ye Jɔn lupɔ cieŋ lupɔ cï cuëëc ë nhïm ke thɔ̈rɔ̈l, ku ye thiönh ë dɛ̈l cieŋ ë yethar, ku ye kɔyɔm cam ku ciɛm miök de kiëc nu röör.

Jɔn 1:28

Kakë aake loi ë Bethani ë Jordan nɔm lɔŋtui, të wään ee Jɔn kɔn baptith thïn.

Jɔn 3:23

Ku Jɔn ayadäŋ aaye kɔc baptith ë Ayinon thiääk ke Thalim, luɔi nu pïïu juëc ëtɛ̈ɛ̈n: ago kɔc bɛ̈n, bï ke bɛ̈n baptith.

Jɔn 5:35

Yen aaye many ë dɛ̈p ku ye piny riaau: ku wek ë piɔ̈ɔ̈th dɛ luɔi bä wek piɔ̈ɔ̈th miɛt në maanyde tëthiinakäŋ.

Luɔi 19:18

Na wën, ke kɔc cï gam ke ke bɔ̈, ku gamkï cä wööc, luelkï karɛc cïk looi.

Luɔi 2:38

Go Petero ke yɔ̈ɔ̈k an, “Pɔ̈kkï wepiɔ̈ɔ̈th, ku takï röt baptith wedhie në rin ke Yecu Kërtho, ke bï karɛckun pɔ̈l, ke we bï miɔɔc në Wëidït ɣer.

Jakop 5:16

Yen aa wek awɛ̈ɛ̈c gam ë röt wapäc, ku yak lɔ̈ŋ në röt wapäc, ke we bï dem. Pal ë raan piɛthpiɔ̈u, pal cath ke riɛl, en aye kajuëc tiaam.

Jocua 7:19

Go Jocua lɛ̈k en an, “Mɛnhdï luel yic në Bɛ̈nydït Nhialic de Yithriɛl nɔm, tɔ leec, ku gam awäc.”