Maika 1:3 - JAM DE NHIALIC 2011

³ Tiëŋkï, Bɛ̈nydït abɔ̈ bei tëde, abɔ̈ piny bïï bɛ̈n cath të thöny në kur nïïm.

Maika 1:3 Iomraidhean Croise

Jop 40:12

Ɣɛɛ, gɔk keek apiɛth ku bɛ̈ɛ̈iyë ke piny, ku dap ke dumiic.

Diɛt 115:3

Nhialicda anu paannhial, ee këdɛn kɔɔr looi.

Yith 25:10

Bɛ̈nydït abï kuur ë Dhiɔn gël, ku kɔc ke Mowap abï ke dum yiic ë kɔc cök, cït man ye anin dum yic të nuɛɛi ë tiɔp.

Yith 26:21

Bɛ̈nydït abɔ̈ të rëër en thïn paannhial, bï kɔc ke piny nɔm bɛ̈n luöi këtuc në biäk de awɛ̈ɛ̈cken. Kɔc ɣɔn ye luc në cuëër abïk ke nyuɔɔth, ku piny acïï kɔc ɣɔn cï nɔ̈k bï bɛ thiaan.

Edhekiɛl 3:12

Go Wëi ya lɛɛr nhial ku piɛŋ röl dït ke jam në ya kɔ̈u ciëën aye lueel an, “Pianykï dhuëëŋ de Bɛ̈nydït paannhial!

Amoth 4:13

Nhialic Ee Yen Raan ë cak kur ku ciɛk yom. Acï täŋde tɔ ŋic ë kɔc, ee wakɔ̈u puk ke ye aköl. Ee cath në ɣään thöny ke pinynɔm ëbɛ̈n. Ku rinke acɔl ke Bɛ̈nydït, Nhialic Awärjäŋ!

Amoth 9:5

Bɛ̈nydït Nhialic de rɛm Raan ee piny jak, abï lɛ̈ɛ̈ŋ ëbɛ̈n, ku dhiau kɔc cieŋ piny kedhie ëbɛ̈n. Ee pinynɔm ëbɛ̈n miaakic nhial cït apiöŋ de Kiir, ku tɔ piny riŋ cït Kiir de Rip,

Ɣabakuk 3:19

Nhialic Bɛ̈nydït ee ya gäm riɛl. Abï ya gäm cök cie rieth cït man ë ŋɛɛr ku ɣeet ɛn ë kur nïïm ke cïn kërɛɛc nu.

Dhek 14:4

Në ë köölë abï kɔ̈ɔ̈c ë kuur de olip nɔm në Jeruthalem të lɔ aköl amiäk, ku ëtɛ̈ɛ̈n kuur de olip abï e yic tek ë rou gɔl ë aköl amiäk lee aköl athɛ̈i në gökdït ë wak. Biäk de kuur abï lɔ të lɔ rut ku biäk tök abï lɔ të lɔ wöuwic.

Nyöŋ 32:13

Acï keek tɔ ceŋ ɣään thöny ke pinynɔm, ku camkï kak ee luɔk ë duumiic. Ku yökkï miök de kiëc ë kuriic, ku lok tiimkɛn ke olip piny de kuur.

Nyöŋ 33:29

Kɔc ke Yithriɛl, ee miɛt ë piɔ̈u cït ŋö, duëër wek piɔ̈ɔ̈th miɛt! Acïn kɔc cït week, jur ye Bɛ̈nydït kony. Ku Bɛ̈nydït guöp Yen aye köndun ku ye abätäudun, ee week kony ku tɔ we tiëm. Kɔc ke aterdun abïk bɛ̈n, bïk we lip, në kok bä wek piɔ̈ɔ̈th kok, ku ɣäänkɛn ke läm abäk keek duöm piny.