Luk 9:1 - JAM DE NHIALIC 2011

¹ Go kɔc kathiëër ku rou cɔɔl, ku gëm keek riɛl bï kek jɔɔk rac cieŋ kedhie, ku tɔkï juäi waar.

Luk 9:1 Iomraidhean Croise

Math 16:19

Ku yïn bä gäm mukthɛ̈ɛ̈r ke Ciɛɛŋ de paannhial, ku kë bä duut ë piny nɔm, abï tɔ̈u ke cï duut paannhial, ku kë bä lony ë piny nɔm, abï tɔ̈u ke cï lony paannhial, käŋ kedhie.

Math 4:24

Ago rinke ɣet piny ë Thiriya ëbɛ̈n, gokï kɔc tök bɛ̈ɛ̈i të nu yen kedhie, kɔc cïï juäi dɔm, juäi kithic, ayï kɔc cï cuil gup në kë cath ke keek, ayï kɔc cïï jɔɔk rac dɔm, ayï kɔc cïï nok dɔm, ayï kɔc cï duany, go ke tɔ waar.

Math 8:9

Ku yɛn ee raan nu ë bɛ̈ny cök aya, ku dɛ alathkëër ë yacök, aguɔ ŋɛk yɔ̈ɔ̈k an, ‘Lɔɔr’, ke lɔ, ku yɔ̈ɔ̈k däŋ an, ‘Bäär,’ ke bɔ̈, ku yɔ̈ɔ̈k lïmdï an, ‘Loi kënë,’ ago looi.”

Luk 10:1

Na wën, aacï kakë thök, ke Bɛ̈nydït jɔ kɔc kɔ̈k kathiërdhorou cɔɔl aya, ku tooc keek renë kapäc ku renë kapäc, bïk lɔ pänydït ëbɛ̈n ku baai ëbɛ̈n, të bï en dap bɛ̈n thïn.

Luk 10:19

Tïeŋkï, wek gäm riɛl bä wek karɛc käc ë wecök, ayï manciëëi, ku gäm wek riɛl bä wek riɛl dïït ë raan de ater tiaam ëbɛ̈n: ku acïn kë bï week nɔ̈k anandun.

Jɔn 14:12

Wek yɔ̈ɔ̈k ëyic an: Raan gam ɛn, ke ka luɔɔi abï keek aa looi ayadäŋ, acakaa luɔi wär ee kakë abï keek aa looi, luɔi la yɛn tëde Wääda.

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 3:16

Ku rin ke yen, në gäm cï wo rinke gam, yen aa tɔ raanë ril, raan wɔikï ku ŋiɛckï: yeka, gäm bɔ̈ tëde yen acï raanë gäm guöp cï dikëdik ë wenyïïn wedhie.

Luɔi 4:30

ku riny yïcin ke kɔc ë ke bï dem, ku tɔ göök loi ku ka ye kɔc ke gäi në rin ke Yecu Wënduön ɣeric”

Luɔi 9:34

Go Petero yɔ̈ɔ̈k an, “Ayina, Yecu Kërtho atɔ yïn dem: jɔt rɔt, loi agendu.” Go rɔt jɔt ënɔnthiinë.