Luk 8:7 - JAM DE NHIALIC 2011

⁷ Ku lööny kɔ̈k ë kuɔɔth yiic, na wën, ke kuɔɔth ë ke jɔ cil në keek ëtök, gokï ke nyiɛɛc.

Luk 8:7 Iomraidhean Croise

Cäk 3:18

Kuɔɔth ku athil abïk aa cil në këdu, ku yïn bï ya cam në ka ye puur.

Jeremia 4:3

Aye Bɛ̈nydït lueel lɛ̈k kɔc ke Juda ku Jeruthalem an, “Pɔ̈ɔ̈rkï duumkuön kɛ̈nkï ke puur, duökï kɔ̈thkun com në kuɔɔth yiic.

Math 13:22

Ku kë cï com ë kuɔɔth yiic, yen aye raan piŋ jam, na wën ke diɛɛr ë ka ke pinyë nɔm, ku mɛth ee juëc de wëu raan math, ke ke nyiic jam, go cïï lok.

Math 13:7

Ku lööny kɔ̈k ë kuɔɔth yiic, go kuɔɔth cil, ku nyiickï ke.

Mak 4:7

Ku lööny kɔ̈k ë kuɔɔth yiic, go kuɔɔth cil, gokï ke nyiɛɛc, agokï cuö lok.

Luk 21:34

“Yak röt tiit, ke we cïï piɔ̈ɔ̈th bï aa thiäŋ në kajuëc yak cam, ku wïn ee mɔu we wit, ku diɛɛr në ka ke pïïr ënɔɔnë, ke we cïï ëköölë bï mook ëthiäu.

Luk 8:14

Ku ka cï lööny ë kuɔɔth yiic ayek kɔc ee jam piŋ, ku jɔkï lɔ, ago ke nyiɛɛc në diɛɛr ee kek diɛɛr ë käŋ ku bäny cï kek bäny ku kamit yek kɔɔr ka ke pïïrë, ku cïkï ee luɔk apiɛth.

Luk 8:6

Ku lööny kɔ̈k piny de kuur, na wën, aa cïk goŋ, ke ke dap biɔɔr, në ciën tiɔp tiɔɔp ë piny.

Luk 8:8

Ku lööny kɔ̈k ë tiɔɔm piɛthic, agokï cil, ku lokkï, nyin tök abï bɔt bɛ̈ɛ̈i.” Të cï en ëkakë lueel, ke jɔ cööt an, “Raan de yïth ee yen ke piŋ, ke pïŋ!”