Luk 8:6 - JAM DE NHIALIC 2011

⁶ Ku lööny kɔ̈k piny de kuur, na wën, aa cïk goŋ, ke ke dap biɔɔr, në ciën tiɔp tiɔɔp ë piny.

Luk 8:6 Iomraidhean Croise

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Edhekiɛl 11:19

Abä ke gäm piɔ̈n cï piɛc looi, ku täŋ cï piɛc looi. Yɛn bï piɔ̈ɔ̈thkɛn ril ke kuur nyaai, ku gäm keek piɔ̈n de riëëu.

Edhekiɛl 36:26

Wek bä ke gäm piɔ̈ɔ̈th cï piac cak ku nïïm cï piac looi. Yɛn bï riɛl ë nɔmduön cït kuur nyaai ku gäm week piɔ̈n de riëëu.

Amoth 6:12

Duëër jöŋgöör riŋ në awiɛn ke kur nïïm? Ku duëër raan wɛ̈ɛ̈r puuric në miöör? Ku ka ye piathëpiɔ̈u ke luɔk, acäk ke puk ke ke ye kake kɛcëpiɔ̈u.

Luk 8:13

Ku ka nu piny de kuur, ayek kɔc ee jam piŋ, ku dɔmkï në piɔ̈nmit: ku acïnkï mei, agokï gam tëthiinakäŋ, ku bïk röt dak ciëën ëkööl themë ke.

Luk 8:5

“Raan ee com ë lɔ domic le kɔ̈thke com: na wën, të cum en, ke kɔ̈k ke ke lööny piny ë kueer këc, go ke dum ë kɔc cök, ku cam diɛt nhial keek.

Luk 8:7

Ku lööny kɔ̈k ë kuɔɔth yiic, na wën, ke kuɔɔth ë ke jɔ cil në keek ëtök, gokï ke nyiɛɛc.

Ɣeberuu 3:15

Cït man cïï ye lueel në këcïgɔ̈ɔ̈ric an: “Të piɛŋ wek rölde ee köölë, ke we duökï wenïïm tɔ ril cït man ë kuarkun, ɣɔn cä wek Bɛ̈nydït tɔ diu piɔ̈u.”